Josué 6:23 - Chuj San Sebastian Bible

²³ Yuj cha, x'at ewin yic' 'elt 'ix Rahab 'a yol yatut cha, smam 'ix, snun 'ix, eb' snul'ej yet' smasnil eb' yican. 'Ix yi'n can 'el ewin eb' 'a sti 'el scamplamento cha.

Chuj San Mateo Bible

²³ Yuj chi' elan̈chamel ix b'at eb' vin̈. Ix b'at yic'anelta ix eb' vin̈ d'a yol spat chi' yed' smam snun, eb' snulej ix yed' masanil eb' ayto yuj sb'a ix yed'oc yed' masanil tastac ay d'a eb'. Ix ic'jib'at eb' d'a jun lugar d'a spatiquel campamento.

Josué 6:23 ပူးပေါင်းရင်းမြစ်များ

Gn 12:2

A en̈til, a 'oj 'och niwc chon̈b'al wu'uj. 'Oj in ch'ox in wach'c'ojlal 'ayach. Yel xo wal 'oj a b'inaxi, o'oj ax schan eb' 'anma yaxilal.

Gn 18:24

Q'uinloc 'ay 50 'anma may smul 'a yol schon̈b' cha, ¿tom 'oj a satl jun chon̈b' cha? ¿Ma'oj 'ac' am niwnc'ojlal eb' yuj eb' 50 may smul cha?

Gn 19:29

Palta a yic 'ix ya'n Dios lajwc jun tzo'n̈ chon̈b' 'a jun pan̈n 'aj 'ix 'ec' cajn win Lot cha, 'ix snan cot tas 'ix sc'an Abraham, yuj cha, xcolx can 'elt Lot yuj 'a jun niwquil yailal cha.

Nm 31:19

E masnil ax xe mil cham eb' 'anma cha, mto xlaj eyam sniwnal eb' chamnac, tzex can 'a sti 'el camplamento 'a uque c'ual. Ax tic yet' eb' 'icha presoal yaj eyu'uj, yowlal tze sacb'tzej e b'a 'a schab'jial yet' 'a yucb'ixial cha.

A Tas Sc'ulejnac Eb' Schecab' Jesús Hechos 10:28

Yuj cha, xyaln 'a eb' 'ixtic: —Eyojtac, an̈ israel on̈ tic on̈, may sleyl tzqui c'umj qui b'a yet' junc chuc chon̈b'al on̈. May sleyl tzon̈ 'och 'a yol yatut on̈. Palta a Dios x'a'n nachjc 'el wu'uj, yuj cha, matz tac' walni, to 'ay junc mach may sleyl tzin c'umej.

A Tas Sc'ulejnac Eb' Schecab' Jesús Hechos 27:24

'Ix yaln jun ángel chi 'ayn 'ixtic: Pablo, man̈ ach xiwoc, yujto yowlal 'oj a c'och 'a yojltac win yajl 'a Roma. Ojn̈ej, ax scoln 'el Dios eb' 'ayc' et' 'a yol te barco tic smasnil, xchi jun ángel chi 'ayin.

1 Co 5:12

A eb' man̈ creyenteoc, may calnec quic qui b'eyc'ojlan eb'. Yujto a Dios 'oj b'eyc'ojlanc eb'. Palta a eb' quit creyenteal, yowlal tzqui b'eyc'ojlejec eb'. Yuj cha, a jun win maysch'olnil cha, 'ijec 'el 'a e cal ta'.

Ef 2:12

A 'a yic yalan̈, mant 'ayc 'och Cristo eyet'oc. May eyaln eyic yet' eb' wit israelal. May pax eyaln eyic 'a jun tzo'n̈ strato Dios 'ix yac' 'a eb', yic ya'n sti 'a eb'. 'Ayx 'ec' ton 'a yolyib'n̈q'uinl tic, palta may junc tas wach' eya'jnac 'och yipc e c'ojol, yujto mant 'ayc 'och Dios eyet'oc.

A Ch'an̈ Carta D'a Eb' Hebreo 11:31

Ax jun 'ix Rahab sb'i, caw 'ajmul 'ix, palta ya'jnac 'och 'ix Dios 'a sc'ojol. Yuj cha, ma'ix cham 'ix yet' eb' man̈ yiclumoc yutjnac sb'a, yujto wach' yutjnac 'ix schan eb' israel xit' 'iljnac tas yaj jun chon̈b' cha.

A Ch'an̈ Carta D'a Eb' Hebreo 11:7

A Noé, caw ya'jnac 'och Dios 'a sc'ojol. Yuj cha, yic yaln Dios 'a 'a, to tzjaw jun mant checloc, atn jun caw 'ay smay, syicljnac. Yuj cha, sb'ojnac jun barco, sec ata tzcol sb'a yet' eb' yico'. Ax jun tzo'n̈ xo eb' 'anma', c'uxn lajwnac 'el eb' smasnil. An̈jtona', yaljnac Dios to wach' Noé chi 'a sat, yujn̈ej to ya'jnac 'och sc'ojl 'a 'a.

Josué 2:13

Tze coln can 'el in mam in nun, ewin in nul'ej, eb' 'ix in nul'ej yet' smasnil tas 'ay 'a eb'. Tzon̈ e colcn 'el qui masnil 'a yol sc'ab' chaml on̈, xchi 'ix 'a ewinac.

Josué 2:16

A yic mantzac 'emt ewinac, xyaln 'ix 'a ewin 'ixtic: —'Ixquec 'a lum calcte 'a jolmctac witz cha, sec ma'oj eyilchj yuj eb' tzex sayn 'ec' cha. Ata tze c'ub'j 'el e b'a 'oxe'oc c'ual, masnto tzjapx can ewin 'a chon̈b' tic, 'ixta to b'i'an, tzex paxx 'a e b'e cha, xchi 'ix.

Josué 2:18

A yic 'oj qui jaw 'a jun chon̈b' tic, ach xo tic, tza locl jun chac lasu tic 'a wentnu, ch'an̈ 'aj 'oj on̈ 'ac' 'em t'un̈n̈oc tic on̈. Tzlajw cha, tzawtn cot a mam 'a atut tic, a nun, ewin a nul'ej yet' eb' 'ix a nul'ej, yet' pax smasnil eb' ecan.

Jueces 1:25

Ax jun winc chi xch'oxn 'a eb' 'ajtil wach' yoch eb' 'a yol chon̈b' cha. Yuj cha, 'ix cot eb' soldado yic eb' yin̈tl José yac' owl yet' jun chon̈b' cha, ax smasnil eb' 'anma cajn ta', c'uxn stzu'x can cham eb' yuj eb'. Ax jun sch'oxn b'e chi 'a eb', 'ix yac' eb' niwnc'ojlal 'a 'a, yet' 'a smasnil eb' cajn 'a yol yatut.