Josué 6:21 - Chuj San Sebastian Bible

²¹ Xlajw cha, xlaj smilnoc can eb' soldado chi eb' 'anma cha, eb' winac, eb' 'ix 'ix, eb' quelem, eb' 'ichmtac 'anma', no wacax, no calnelu yet' no b'uru, c'uxn xlajw can 'el smasnil yuj eb'.

Chuj San Mateo Bible

²¹ Ix laj smilancham masanil anima eb' ay d'a jun chon̈ab' chi'. Eb' vin̈ vinac, eb' ix ix, vach'chom ichamtac anima, ma unin, noc' vacax, noc' calnel yed' noc' b'uru, masanil ix satel eb'.

Josué 6:21 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 20:42

'Ix yaln win 'ixtc 'a win rey cha: —'Ixtc wal xyutj Jehová yalni: ¿Tas yuj 'ix a'l win winc 'a libre to 'ayx 'och 'a yol sc'ab' chaml wu'uj? Ax ticnec, ach 'oj a cham sjelc winac, ax scham eb' a chon̈b' sjelc eb' yic win cha, xchi Jehová, xchi winac.

Jeremías 48:18

'Actjec can e b'inab'ilal ex 'aj Dibón, 'emmquilal tzeyutj e b'a, yujto a jun mach wan satn 'el Moab, wan sc'och 'ayex, wan xo sma'n lan̈chjoc smuroal e chon̈ab'.

Dt 13:16

Tze molb'tzej smasnil tas 'ay 'a eb', tzeyi'n 'at 'a plas 'a yol chon̈b' cha. Tzlajw cha, tzeya'n 'och sc'a'l jun chon̈b' chi yet' smasnil jun tzo'n̈ tzeyij 'ec' 'a eb' cha. 'Ixta wal tzeyutj eya'n tz'a 'a yojltac Jehová qui Diosalec. A jun chon̈b' cha, jun 'eln̈ej tzlajw can 'ejmi, man̈x 'a b'a'n̈ tzb'ox sjel.

Dt 2:34

Smasnil lum chon̈b' 'ay 'a yol slugar win cha, 'ix laj can lum 'a yol qui c'ab'ec yuj qui satnec 'eli. 'Ix laj qui milnec eb' winac, eb' 'ix 'ix yet' eb' 'unin; man̈x 'a eb' xcan 'a spitznal cujec.

Dt 7:16

Yuj cha, a smasnil chon̈b' 'oj yac' Jehová qui Diosal 'a yol e c'ab', yowlal tze satl eb' smasnil. Man̈ 'o'ch e c'ojl 'a eb', man̈ eyac' 'ejm e b'a 'a sdiosal eb', toto ma'ay, 'icha ch'an̈ yal 'oj 'ajch 'ayex.

Josué 10:28

A 'a jun c'u cha, ata 'ix 'och pax Josué 'a yol chon̈b' Maceda yet' eb' soldado. 'Ix satcn 'el eb' jun chon̈b' cha, smiln can eb' smasnil 'anma cajn ta', man̈x 'a xon junc xcani. 'Icha wal yutjnac Josué win sreyl chon̈b' Jericó, 'ixta pax xyutj win sreyl chon̈b' Maceda cha.

Josué 10:39

'Ix smiln cham eb' sreyl jun chon̈b' cha, yet' pax smasnil 'anma cajn 'a stz'ey cha. Man̈x 'a xon junc 'anma pitzn xcan ta', c'uxn xlajw 'el eb' smasnil. 'Icha wal xyutj can eb' Hebrón yet' sreyal, Libna yet' sreyal, 'ixta pax xyutj can eb' junx chon̈b' cha.

Josué 11:14

Smasnil eb' 'anma cajn 'a jun tzo'n̈ chon̈b' cha, c'uxn xmilx eb' yet' q'uen espada yuj eb' israel, may wal junc xyactj can eb' 'a pitznal. Ax smasnil no scajb'en noc' eb', yet' smasnil tas 'ay 'a 'a, c'uxn xyique'ej can eb' israel cha.

Josué 8:2

'Icha wal xeyutj chon̈b' Jericó yet' sreyal, 'ixta pax tzeyutj chon̈b' Hai yet' sreyal. Ax ticnec, a tas 'ay 'a jun chon̈b' cha, tztac' cab' scan 'ayx yet' smasnil scajb'en noc' eb' 'anma cha. Wach' tzotj a'n 'och stzol-l jun owl cha, tzac' sc'ub'c 'el sb'a nan̈loc eb' soldado chi 'a spatc 'el chon̈b' cha, xchi Dios.

Josué 8:22

A eb' x'och 'a yol chon̈b' cha, 'ix 'elt paxt eb'. 'Ix cot eb' 'a spatc eb' 'aj Hai cha, yuj cha 'ix can eb' 'a snan̈l chac'aj eb' soldado israel. Man̈x 'a 'aj wach' scoln sb'a eb'. C'uxn 'ix cham eb' smasnil yuj eb' israel cha.

Josué 9:3

Palta ax eb' heveo cajn 'a Gabaón, 'ix yab' eb' tas 'ix yutj Josué chon̈b' Jericó yet' chon̈b' Hai.

Apoc 18:21

Xlajw cha, 'ay jun ángel caw niwn spoder. 'Ix yi'n chan̈ jun niwquil q'ue'en, 'icha junc sam q'uen yic mulino. 'Ix sjuln 'ejm 'a yojl a mar, 'ix yaln 'ixtic: 'Ixc wal 'oj 'aj sjulx pax 'ejm jun niwquil chon̈b' Babilonia. Man̈x 'a b'a'n̈ 'oj 'ilxc jun 'ejm xo.

A Ch'an̈ B'ab'el Libro Samuel 15:3

Yuj cha, 'ixic, 'ij 'at eb' soldado et'oc, tz'at eya'n owl yet' eb' amalecita cha. Tze satl smasnil tas 'ay 'a eb'. Man̈ 'o'ch e c'ojl 'a eb'. Tze milcn cham eb' winac, eb' 'ix 'ix, eb' 'unin, eb' tz'ulc 'unn tzat 'alji, no wacax, no calnelu, no cameyo yet' pax no b'uru, xchi Samuel.

A Ch'an̈ B'ab'el Libro Samuel 15:8

'Ix syamn cot eb' win Agag sreyl Amalec xyi'n can 'at eb'; ax smasnil eb' 'anma cajn 'a jun chon̈b' cha, 'ix tzu'x can cham eb'.