Josué 5:13 - Chuj San Sebastian Bible

¹³ A yic 'ayc' Josué 'a sla'nil Jericó, 'ay jun c'ual 'ix yilni to 'ay jun winc lin̈n 'ec' 'a yojltac. A jun winc cha, yamb'il jun espada yu'uj. Ax Josué 'ix c'och 'a stz'ey, sc'anb'n 'a 'ixtic: —¿Tom quitb'eym qui b'a et'oc, mto etb'eym a b'a yet' eb' 'ajc'ojl yajch 'ayn̈ on̈? xchi 'a winac.

Chuj San Mateo Bible

¹³ Ayic ayec' vin̈aj Josué d'a slac'anil Jericó, ix yil jun icha soldado vin̈ yed'nacq'ue yespada d'a yol sc'ab', ix snitzanb'at sb'a vin̈aj Josué chi' d'a stz'ey, ix sc'anb'an vin̈ d'ay icha tic: —¿Tom quetb'eyum ach, mato etb'eyum a b'a yed' eb' ayoch ajc'olal d'ayon̈? xchi vin̈ d'ay.

Josué 5:13 ပူးပေါင်းရင်းမြစ်များ

Gn 18:1

Xlajw cha, sch'oxn sb'a Jehová 'a win Abraham 'a sla'nil 'aj 'ay te ma'ach', 'a yol yic win Mamre. Yic am chimc'ual, wocn 'elt Abraham 'a sti smantiado,

Gn 18:2

ax xyilni lin̈n 'ec' 'oxwn̈ winc 'a yojltac 'ati. A yic 'ix yiln cha, yajn̈j wal cha, 'ix 'at win 'at scha eb' muc'uc. Xlajw cha, x'em n̈ojnjoc win 'a sat lum 'a yojltac eb'.

Gn 28:16

A yic 'ix 'el swayn̈ Jacob, snan 'ixtic: Wal yel 'ayc' Jehová 'a jun lugar tic, an xo, caw wal man̈ wojcoc, xchi.

Gn 33:1

Ax xyiln Jacob 'a najat to wan sc'och Esaú yet' chan̈e ciente eb' winac, yuj cha, spojn 'ec' eb' 'unn 'a scal eb' 'ix yistzil, atn Lea yet' Raquel, yet' pax eb' 'ix ya'mal servil eb' 'ix schawn̈il.

Gn 33:5

Xlajw cha, xyiln 'och Esaú eb' 'ix 'ix yet' eb' 'unin, sc'anb'n 'ixtic: —Ax pax jun tzo'n̈ eb' tic, ¿mach 'ay yic eb'? xchi. —Wunnal eb' xyac' qui Mam Dios, xchi win Jacob.

1 Cr 12:22

Junjn c'u tzq'uib' sb'isl eb' soldado David, masnto caw niwn 'ix 'aj sb'isl eb', caw 'ay yip eb' si'mb'il.

1 Cr 21:27

Xlajw cha, 'ix yaln Jehová 'a jun ángel cha, to tzmol 'ejm yespada chi 'a yol yatut.

1 Cr 21:30

palta man̈x 'ic stac' s'at David ta', yic tzyaln sb'a 'a Dios, yujto 'ix xiw si'mb'il 'a yic 'ix yiln jun yángel Jehová yet' yespada cha.

Ex 23:23

'Oj b'ab'ljoc jun wángel chi eyu'uj, ax ex yi'n 'at 'a lum slum eb' amorreo, eb' hitita, eb' ferezeo, eb' cananeo, eb' heveo yet' eb' jebuseo; 'oj in satl eb' 'a jun 'ejmn̈ej.

Dn 10:5

Ax xwiln 'ati, 'ay jun winc 'aych jun spichl nab'a lino yu'uj, ax sinchail snan̈al b'ob'il 'a q'uen oro caw wach'.

Dn 8:3

Ax xwiln 'ati, 'ay jun no calnelu 'ayc' 'a sti a cha. 'Ay chab' sch'ac niwc ste'il, palta 'ay jun sch'ac chi tza'n to xq'ueli. A jun cha, yel xo caw niwquil x'aj stel 'a yib'n̈ junx cha.

Zacarías 1:8

'Ay jun 'ac'wal, 'ix ch'oxx wil jun tic 'a 'icha waychil: 'Ix wil jun 'icha winc 'ay q'ue 'a yib'n̈ jun chac chej. Lin̈n 'och wan no 'a jun pan̈n 'a scal jun tzo'n̈ te tzcuch arrayán. Ax 'a spatquil jun cha, 'ay nan̈l xo no chej 'ayq'ui, 'ay eb' 'ay q'ue 'a yib'n̈ e no'. Chucchc yilx e no', 'ay no chac, 'ay no sacpunac, 'ay pax no sac.

Nm 22:23

A no 'axna cha, 'ix yil sb'a no 'a jun yángel Jehová lin̈n 'ec' 'a yol b'e, yamb'il jun espada yu'uj. Yuj cha, 'ix yi'n 'el sb'a no 'a yol b'e cha. 'Ix 'at no 'a calcte', 'ix syamn 'och Balaam sma'n no', sec tz'ochx no 'a yol b'e cha.

Nm 22:31

Ax Jehová 'ix ch'oxn yil Balaam jun yángel cha. Lin̈n 'ec' 'a snan̈l yol b'e, yamb'il jun q'uen espada yu'uj. A yic xyiln sb'a Balaam 'a jun ángel cha, 'ix 'em n̈ojnjoc 'a sat lu'um, masnto squil 'ejm snan̈l sat.

A Tas Sc'ulejnac Eb' Schecab' Jesús Hechos 1:10

Q'uelnto q'ue eb' 'a satcha'an̈, 'a 'aj 'ix pax q'ue Jesús. Ax xyiln eb', 'ayx 'ec' chawn̈ ángel 'a stz'ey eb', 'icha winc yilx eb'. Caw sac yilx spichl eb'.

Josué 6:2

Palta xyaln Jehová 'a Josué 'ixtic: A ticnec tzwac' chon̈b' Jericó 'a yol e c'ab' yet' sreyal yet' pax eb' soldado.

Apoc 1:13

Ax 'a snan̈l jun tzo'n̈ yet'l cantil cha, ata 'ay jun lajn yilx yet' 'anma'. 'Aych jun jucn pichl yu'uj, tz'emch 'a yoctac. Ax 'a sn̈i sc'ojol, ata 'aych jun cincha niwquil sat, caw nab'a oro.

Jueces 13:11

Yajn̈ej 'ix cot win Manoa cha. 'Ix c'och yet' 'ix 'a 'aj 'aycn jun winc cha. 'Ix yaln 'ixtc 'a winac: —¿Ach am tic wulnc ach 'ec' paxtinc yet' 'ix wistzil tic 'a jun 'el? xchi. 'Ix ta'w win 'a 'ixtic: —N', an ton tic, xchi.

Jueces 13:22

'Ix yaln Manoa chi 'a yistzil 'ixtic: —A ticnec ach wistzil, tecn 'oj qui chami, yujto 'ix quil Dios, xchi.