Josué 24:32 - Chuj San Sebastian Bible

³² Ax sb'acl win José yijnac cot eb' israel chi 'a Egipto, 'ix smucn can eb' 'a Siquem cha, atn lum smanjnac can Jacob 'a eb' yunnal Hamor, win smam win Siquem, lum jun ciente plata stojol, atn lum 'ochnc can yico'oc eb' yin̈tl José.

Chuj San Mateo Bible

³² Ix mucjipax sb'aquil vin̈aj José yic'naccot eb' israel chi' d'a Egipto. A d'a Siquem ix mucji, d'a lum smannac vin̈aj Jacob d'a eb' yuninal vin̈aj Hamor smam vin̈aj Siquem. 100 plata yac'nac lum vin̈aj Jacob chi'. A jun lugar chi' ochnaccan yicoc eb' yin̈tilal José.

Josué 24:32 ပူးပေါင်းရင်းမြစ်များ

Gn 33:19

Jun ciente q'uen tumn xyac' win stojloc jun lum chi 'a ewin yunnal Hamor, win smam Siquem. Ata sb'o chan̈ scamplamento.

Gn 48:22

Tzwac' junx macn̈ a macl lum 'ayach, 'ec'b'al tzwac' 'aych 'a yib'n̈ eb' o'tac, atn swach'l lum lum xwij 'ec' 'a eb' amorreo, yic xwa'n owl yet' eb', xchi smam chi 'a 'a.

Gn 50:24

'Ay jun c'u, 'ix yal José 'ixtc 'a eb' yu'tac: Jab'xoj wal tiempo ax in chami, palta a Dios 'oj jawc colwjoc eyet'oc. A 'oj eyi'n 'el 'a jun chon̈b' tic, ax ex yi'n 'at 'a lum lum 'ix yaltj can 'a Abraham, 'a Isaac, yet' 'a Jacob, xchi José cha.

Gn 50:25

Xlajw cha, xyaln 'a eb' yican cha, to tzyac' eb' sti 'a 'a; xyaln 'a eb' 'ixtic: Wal yel a Dios 'oj jawc colwjoc eyet'oc. A yic 'oj ujc jun cha, yic tzex 'at cha, tzeyij 'at in niwnal tic eyet'oc, xchi José.

Ex 13:19

'Ix yaln Moisés 'a eb' to tzyij 'at eb' sniwnal win José, yujto yaljnac can win 'a eb' smam yichm eb', to tzya'cn eb' sti 'a winac chajtlto 'oj sb'o eb' 'icha tznib'j win cha. Yaljnac can win 'a eb' 'ixtic: Wal yel a Dios 'oj colwjoc eyet'oc. A yic 'oj ex yi'nc 'el 'a tic, yowlal tzeyij 'at in niwnal tic eyet'oc, xchi can José chi 'a eb'.

Jn 4:5

Yuj cha, yic wan yec' Jesús 'a yol yic Samaria cha, 'ix c'och 'a chon̈b' Sicar. Ata 'ay jun chon̈b' chi 'a stz'ey jun lum ya'jnac can Jacob 'a jun yunnal José sb'i.

A Tas Sc'ulejnac Eb' Schecab' Jesús Hechos 7:15

'Ixta 'ajnc Jacob chi sc'och 'a Egipto cha. Ata chamnac. Junjnal chamnc pax eb' qui mam quichmec ta'.

A Tas Sc'ulejnac Eb' Schecab' Jesús Hechos 7:16

'Ixta to b'i'an, x'ijx pax 'at sniwnal eb' jun 'ejm xo 'a chon̈b' Siquem. Ata x'ajx can 'och sniwnal eb' 'a yol jun q'uen olb'il. A jun q'uen cha, a 'a yic yaln̈taxi manb'il can yuj Abraham 'a eb' yunnal Hamor 'a Siquem cha.

A Ch'an̈ Carta D'a Eb' Hebreo 11:22

A José, caw ya'jnac 'och Dios 'a sc'ojol. Yuj cha, a yic wan schami, yaln cani to a eb' israel 'oj 'el eb' 'a yol yic Egipto. Yaln can paxi, tas yowlal 'oj sb'o eb' yet' sb'acl José cha.