Josué 24:31 - Chuj San Sebastian Bible

³¹ A eb' israel cha, caw yiclum xyutj sb'a eb' 'a Jehová yic pitznto Josué yet' eb', an̈jtona', caw wal yiclumto eb' 'a jun tzo'n̈ ley cha yic pitznto eb' 'ichmtac winc 'a scal eb', atn eb' 'ojtnac smasnil tas sb'ojnac Jehová yuj eb'.

Chuj San Mateo Bible

³¹ A eb' chon̈ab' israel chi', ix sc'anab'ajej Jehová eb' yacb'an pitzanto vin̈aj Josué yed' eb' yichamtac vinaquil chon̈ab' ilannac masanil tas sc'ulejnac Jehová d'a eb'.

Josué 24:31 ပူးပေါင်းရင်းမြစ်များ

Gn 14:10

A 'a smasnil lum niwn pan̈n yic Sidim, til wal 'aj tzpac' q'uet jun asfalto lajn 'icha tzataj. Yuj cha, a yic x'at win sreyl Sodoma yet' win yic Gomorra 'eloc, 'ay eb' soldado eb' x'atcn 'a scal asfalto cha, ax jun tzo'n̈ xo eb', x'at eb' 'elc 'a jolmctac witz.

2 Cr 24:2

A smasnil tas sb'o Joás, caw tojl 'a sat Jehová ya' sb'a pitznto win Joiada cha.

2 Cr 34:33

'Ix ya'n Josías 'ijxc 'el smasnil yechl to yajb'entac 'a smasnil yol smacb'en eb' israel. Xyaln 'a smasnil mach 'ayc' 'a yol yic Israel to tzyac' servil eb' Jehová sDiosal. A 'a yic pitzn Josías, ma'ix yij 'el sb'a xon eb' 'a Jehová, atn sDiosal eb' yet' smam yicham.

A Tas Sc'ulejnac Eb' Schecab' Jesús Hechos 20:29

Yujto wojtac, a yic tox 'oj wel 'a e cal, 'ay jun tzo'n̈ eb' 'oj jawc 'ayex, ax ya'lni eb' ex sjun 'eli, 'icha tzyac' no 'ocs tz'ec' satnc 'el no calnelu.

Dt 11:2

A ticnec, xcojquejec 'eli tas 'ix sb'o Jehová cujec, yujto man̈oc yet' eb' cunnalec paxtinnac, palta an̈ec wal xquila, xquilc wal sniwquil poder Jehová Dios.

Dt 11:7

Xquilc wal si'mb'il tas satjub'tac 'ix sb'o Jehová.

Dt 31:13

An̈jtona', 'icha eb' eyunnal ax tic, man̈ yojcoc eb' jun ley tic; yowlal 'oj yab' eb', ax scuyn pax eb', sec wach' 'oj xiw eb' 'a Jehová qui Diosalec 'a smasnil tiempo. Atn 'a yic 'ayx xo 'ec' 'a sat lum lum 'oj eyico'oc cha, yic 'oj e c'axw 'ec' 'a a Jordán cha, xchi Moisés.

Dt 31:29

Yujto wojcxoni to a yic 'oj in chami, 'oj e juw 'eli, ax eyi'n 'el e b'a 'a jun b'e 'ix in ch'oxcn 'ayex. Wojc paxi, to 'oj jawc yailal 'a eyib'n̈ b'aq'uin̈, yujto 'oj e tzuntzc cot yowl sc'ojl Jehová yuj e maysch'olnilal yuj pax jun tzo'n̈ comn dios 'oj e b'o', xchi Moisés.

A Scarta San Pablo D'a Eb' Aj Filipos 2:12

Yuj cha, ex chamc'ojlb'il wu'uj, yiclumn̈ej cab' tzeyutj e b'a 'icha xon e ley. Caw tzeyac' eyip 'a 'emmquilal, 'a xiwc'ojlal, sec 'oj 'el'choc e colnb'il eyu'uj. Man̈ cojnoc yic 'ayn 'ec' eyet' ta', 'ixta tzeyutj e b'a. Palta tze wach' b'oj jun tzo'n̈ tic, yic man̈ in 'ayc 'ec' eyet'oc.

Jueces 2:10

'Ix cham pax smasnil eb' yit israelal jun x'ec' yet' 'a yic jun tiempoal cha. Ax eb' tza'n to 'a eb', caw man̈x yojcoc eb' Jehová, man̈x yojcoc pax eb' tas sb'ojnac yuj eb' schon̈b' cha.

Jueces 2:6

A 'a yic yaln̈to can jun tzo'n̈ tic, 'ix yaln can sb'a Josué 'a eb' yit israelal cha, 'ix 'at junjn eb' 'a 'aj 'aycn smacl lu'um, yic tzcan cajn eb' 'a sat.

Jueces 2:7

A eb' israel cha, syiclj eb' tas xyal Jehová ya' sb'a pitznto Josué, yet' 'a yic pitznto pax eb' yichmtac wincal chon̈ab', eb' tza'nto chamnc 'a Josué cha, eb' 'iljnac smasnil tas niwn yel'ch sb'ojnac Jehová yuj schon̈ab'.