Josué 24:15 - Chuj San Sebastian Bible

¹⁵ Palta toto matz yal e c'ojl tzeyac' servil Jehová, si'c ticnec mach 'oj eyac' servil. Tom a jun tzo'n̈ comn dios ya'jnac servil eb' qui mam quichmec 'a sc'axpil 'ec' a Eufrates, mto a scomn diosal eb' amorreo 'aj cajnon̈c 'ec' tic. An xo tic yet' smasnil eb' wic cajn 'a yol watut, a Jehová 'oj ca' servil on̈, xchi Josué.

Chuj San Mateo Bible

¹⁵ Palta tato malaj e gana tzeyal e b'a d'a Jehová chi' jun, sic'lejec mach b'aj tzeyal e b'a, tato a d'a juntzan̈ dios b'aj yalnac sb'a eb' co mam quicham d'a yichan̈b'at a' Éufrates chi', mato d'a sdiosal eb' amorreo cajan d'a tic, palta a inxo tic yed' masanil eb' cajan ved' d'a yol in pat, a d'a Jehová ol cal co b'a, xchi vin̈aj Josué chi'.

Josué 24:15 ပူးပေါင်းရင်းမြစ်များ

Gn 18:19

An 'ix in sic' 'elta yic tzyaln smasnil in checnb'il 'a eb' yunnal yet' 'a smasnil eb' yin̈til, sec 'oj syiclc eb'. Ax sb'eylb'an eb' smasnil tas wach' yet' tas tojol, sec wach' tz'el'ch smasnil tas waljnac can yet' in ti 'a eb', xchi Dios 'a snab'en.

Gn 35:2

Yuj cha, xyaln win Jacob 'ixtc 'a eb' yunnal yet' 'a eb' yisil, yet' 'a smasnil eb' 'ayc' yet'oc: —'Ijec 'el smasnil jun tzo'n̈ yechl comn dios 'ayc' 'a e cal tic, tzlajw cha, tzex 'achni, tze jeln e pichl e masnil.

A Ch'an̈ B'ab'el Libro Yic Yab'ixal Eb' Rey 18:21

Xlajw cha, 'ix snitzn 'at sb'a Elías 'a stz'ey eb' 'anma chi smasnil, 'ix yaln 'a eb' 'ixtic: —¿B'a'n̈ 'oj eyact sq'ue'i tz'ejm e nab'en? Toto a Jehová caw yel a Dios, cojn 'a tzeyac' 'ejm e b'a. Toto a pax Baal a dios pax jun, cojn cab' pax 'a tzeyac' 'ejm e b'a, xchi. Ax smasnil eb' 'anma cha, man̈xtoc 'ix nachj 'el yuj eb' tas xyutj eb' ya'n spac 'a 'a.

1 Cr 1:14

A 'a win Canaán, ata cotnc yin̈tl eb' jebuseo, eb' amorreo, eb' gergeseo,

Salmos 101:2

Tzin nib'j a a tojlal tzin b'eylb'ej. ¿B'a'n̈ wal tzach jaw pax 'ayn jun? Tzin nib'j may tu paxti'al tzalx 'a wib'n̈ yet' wopiso.

Salmos 119:106

'Ix wac' in ti', to yowlal 'oj in yiclc tas xwala', yuj cha, 'oj in b'eylb'oc jun tzo'n̈ a ley tic, yujto tojl eb'.

Ex 23:2

Man̈ eya'ch e b'a yet' eb' tzb'on maysch'olnil. A yic 'ay junc tas tz'ajx eyala', tojln̈ej tzeyutj eyalni, man̈ eya'ch e b'a 'a tas tzyal smasnil eb' tu cha.

Ex 23:24

Man̈ e b'eylb'oc sb'eyb'al jun tzo'n̈ 'anma cha, man̈ ex 'em cumn 'a yojltac sdiosal eb'; man̈ eyal e b'a 'a 'a. A jun tas tze b'o'o, to tze mac' poj smasnil sdiosal eb' cha, yet' q'uen q'uen 'aj tzleslwi eb'.

Ex 34:15

Yuj cha, may wal junc trato tztac' e b'on yet' eb' 'anma cajn 'a sat lum lum cha. A yic tzlaj ya'noc 'ejm sb'a eb' 'a sdiosal cha, yic tzlaj ya'nc eb' xajmb'al chi 'a 'a, toq'ue tzex yawtj eb' yic tze c'uxn jun tzo'n̈ xajmb'al chi yet' eb', caw man̈ e cha'.

Ez 20:39

Ex israel, an tzwal 'ayx 'ixtic: Toto caw pit tzeyutj e b'a 'ayin, 'ixquec, 'at alc e b'a 'a jun tzo'n̈ e diosal cha. Palta 'ojquejec 'eli to 'oj c'och stiempoal ax eyaln pax e b'a 'ayin. Man̈x 'oj eyixtc 'el in b'i, yuj eya'n tz'a e xajmb'al 'a jun tzo'n̈ comn dios cha.

Dn 3:18

Wach'xam ma'oj qui colx pax yuj on̈ jun, palta tzca'cn ojcoc 'el mamin rey, chajtlto ma'oj cac' 'ejm qui b'a xon 'a a diosal chi 'on̈, atn jun yechl nab'a oro 'ix ac' 'ajxoc b'o cha, xchi eb'.

Lv 14:42

Tzlajw cha, chucx q'uen q'uen tz'ochx can sjelc q'uen tzlipx 'elt cha, chucx pax lum lum tz'ochx can spixloc, sec tzmacchj can pax 'el yich te n̈a cha.

Miqueas 4:5

Wach'xam smasnil jun tzo'n̈ xo chon̈ab', caw yiclum eb' a sdiosal yalni, palta 'ixta pax on̈ an̈ec tic, caw yiclum on̈c 'a Jehová qui Diosal 'a smasnil tiempo.

A Tas Sc'ulejnac Eb' Schecab' Jesús Hechos 11:23

Ax yic xc'och Bernabé, 'ix yilni, to til wal swach'c'ojlal Dios 'ix ch'ox 'a eb'. Yuj cha, caw 'ix tzalj yuj eb', 'ix ya'n snab'enoc eb' smasnil. 'Ix yaln 'a eb' chajtlto caw te'n tzyutj sb'a eb', caw tzya'ch eb' snab'en 'a Cajlilec 'a smasnil tiempo.

Dt 29:18

Comnoc may junc mach 'a qui calc tic, winac mto 'ix, mto eyunnal, mto eyisil, mto junc 'in̈tal eb' quit chon̈b'ec tz'actn can Jehová qui Diosalec, yic tzyaln sb'a 'a sdiosal jun tzo'n̈ xo nacion̈ cha. Comnoc may junc ex lajn ex 'icha junc yib' te tzq'uib' swol, caw c'a sat tzyac'a, tzcham 'anma yu'uj.

Josué 24:16

Yuj cha, xta'w eb' chon̈b' chi 'ixtic: —May b'a'n̈ 'oj cactc can Jehová yic tzca'n servil jun tzo'n̈ comn dios chi 'on̈.

Jueces 6:10

'Ix waln 'ayex, to an tic Jehová e Diosal in. Man̈ eyac' 'ejm e b'a 'a jun tzo'n̈ scomn diosal eb' amorreo 'ayc' 'a lum lum tic 'aj cajn ex 'ec' tic; palta ax xo tic, ma'ix eyiclj 'a tas xwala, xchi Dios, xchi jun checb' cha.