Josué 23:9 - Chuj San Sebastian Bible

⁹ A 'ix 'i'n 'el jun tzo'n̈ niwc chon̈b' 'a cojltaquec, caw jeln cob' eb', palta mant 'a junc eb' tztac' ste'wtzan sb'a 'a cojltaquec, masnto ticnec.

Chuj San Mateo Bible

⁹ A val Jehová ix ic'anel juntzan̈ nivac chon̈ab' ay smay tic d'a quichan̈. Malaj mach syal stec'b'an sb'a d'a quichan̈ masanto ticnaic.

Josué 23:9 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 21:26

Caw wal yajb'entac xyutj sb'a winac, yic 'ix ya'n 'ejm sb'a win 'a jun tzo'n̈ yechl comn dios. Lajn wal xyutj sb'a win 'icha tzyutj sb'a eb' amorreo, atn eb' 'ic'b'il 'el yuj Jehová 'a yojltac eb' israel.)

2 Cr 20:7

Ach qui Diosal on̈, ach 'ix ej 'el eb' 'anma cajn 'a sat lum lum tic, atn 'aj 'ayn̈ 'ec' an̈ israel on̈ tic on̈. 'Ix ac' lum 'a smasnil tiempo 'ayn̈ an̈ yin̈tl on̈ Abraham tic on̈, atn jun a wach'c'ojol.

Ex 23:23

'Oj b'ab'ljoc jun wángel chi eyu'uj, ax ex yi'n 'at 'a lum slum eb' amorreo, eb' hitita, eb' ferezeo, eb' cananeo, eb' heveo yet' eb' jebuseo; 'oj in satl eb' 'a jun 'ejmn̈ej.

Ex 23:30

C'ojnc'ojnil 'oj wutc wi'n 'el eb' 'anma chi 'a lum lum cha, masnto yic 'oj niwtjoc e b'isul, ax sb'ut'j 'el sat lum lum chi eyu'uj.

A Tas Sc'ulejnac Eb' Schecab' Jesús Hechos 7:45

A jun mantiado cha, c'ojnc'ojnil xcan 'a yol sc'ab' jun tzo'n̈ xo eb' qui mam quichmec. Ax Josué, 'ix 'i'n 'at jun chi yet' eb', yic 'ix yica'an eb' lum slum eb' chuc chon̈b'al. A Dios, 'ix pechn 'el jun tzo'n̈ chuc chon̈b'al chi 'a sat slu'um. Ax eb' qui mam quichmec chi 'ix 'ica'an can jun slum eb' cha. A jun mantiado cha, yet'n̈j eb', masnto x'och David sreyloc eb'.

Dt 11:23

to 'ixta', 'oj yi'l Jehová eb' 'anma cajn 'a jun tzo'n̈ nacion̈ cha, ax xo 'oj e pechl eb' 'a sat lu'um, atn eb' caw jeln cob' cha, niwn pax sb'isl eb' 'a eyib'an̈.

Dt 7:24

A 'oj 'a'nc 'och sreyl eb' 'anma chi 'a yol e c'ab', ax e satn 'el eb', man̈x 'aj 'oj b'inaxc eb' 'a yolyib'n̈q'uinl tic. May wal junc eb' 'oj stac' scoln sb'a 'ayex, c'uxn 'oj e satl eb' smasnil.

Josué 1:5

May xon wal junc mach 'oj techjoc ya'n owl et'oc yujto 'aynn̈ej 'ec' et' 'icha xwac' yet' win Moisés. May wal b'a'n̈ 'oj ach waccan a ch'ocoj.

Josué 15:14

A 'oxwn̈ eb' yin̈tl win Anac chi spechl Caleb chi 'a lum Hebrón cha, atn Sesai, Ahimán yet' win Talmai.

Josué 23:5

A Jehová a 'oj 'i'nc 'el eb' 'anma cajn 'a sat lum lum cha, ax xo, 'oj eyico'oc lu'um, 'icha wal yutjnac Jehová qui Diosalec ya'n can sti'.

Josué 23:8

'Ochn̈ec tza'n yuj Jehová Dios, 'icha wal on̈ 'ajc qui b'eycot 'a yictax yalan̈, masnto ticnec.

Josué 24:18

A Jehová, a xpechn 'el smasnil eb' chon̈b' 'ayc' 'a yol qui b'e, yet' eb' amorreo cajn 'a jun lugar tic. Yuj cha, 'oj ca' pax servil Jehová on̈, yujto a qui Diosalec yaji, xchi eb'.