Josué 23:12 - Chuj San Sebastian Bible

¹² Tzin nib'j tzeyojquej 'el jun tzo'n̈ tic: Toto tzeyij 'el e b'a 'a stz'ey Dios, toto junn̈j tzex 'aj yet' eb' 'anma 'ayt 'ec' 'a e cal tic, tzeyi'n e b'a yet' yisl eb', junn̈j tzex 'aj yet' eb', junn̈j pax tz'aj eb' eyet'oc,

Chuj San Mateo Bible

¹² Tzeyojtaquejel juntzan̈ tic: Tato tze patiquejcan el Dios, junxon̈ej tzeyutej e b'a yed' juntzan̈ anima chi', slaj eyic'lan e b'a yed' eb',

Josué 23:12 ပူးပေါင်းရင်းမြစ်များ

Gn 2:24

Yuj cha, a eb' winac, yowlal tzyactj can eb' smam snun, sec junxn̈ej tz'ajcn eb' yet' yistzil, 'icha wal to junxn̈ej niwnal tz'ajcn eb' schawn̈il.

Gn 34:3

Caw wal xcan snab'en win 'a 'ix, yuj cha, xpaxtin win 'a 'ix yet' schamc'ojlal.

A Ch'an̈ B'ab'el Libro Yic Yab'ixal Eb' Rey 11:2

Ata 'ay eb' 'ix 'a jun tzo'n̈ nacion̈ ya'jnac Jehová yowlal yi'n sb'a eb' israel yet'oc, yujto tz'ijx 'at snab'en eb' yuj eb' 'ix 'a jun tzo'n̈ scomn diosal. Palta xcan snab'en Salomón 'a eb' 'ix, yuj cha, xyi'n sb'a yet' eb' 'ix.

A Ch'an̈ B'ab'el Libro Yic Yab'ixal Eb' Rey 11:4

A yic x'och Salomón 'ichm wincal, ax eb' 'ix yistl chi x'i'n 'at snab'en 'a jun tzo'n̈ xo comn dios, yuj cha, man̈xtoc xya'ch snab'en si'mb'il 'a Jehová sDiosal, 'icha ya'jnac David, atn smam.

Salmos 125:5

Palta ax eb' tz'atcn 'a scal tu b'eyb'al, 'at cab' can eb' yet' eb' maysch'olnil sb'eyb'al chi 'a scal yailal. ¡'Ay cab' junc'ojlal 'a qui calc an̈ israel on̈c tic!

Salmos 36:3

Cojxn̈ej tu paxti'al tzyal eb', tzlaj ya'nc eb' 'es, tzyactn can eb' tas tojol, man̈xtzac snib'j eb' sb'o tas wach'.

Is 1:4

Ex wit chon̈ab', caw wal 'ajmul ex, an̈j maysch'olnil tze b'o 'icha ya'jnac eb' qui mam quichmec, an̈j tu tze b'o'o. Xeyi'n 'el e b'a 'a stz'ey Jehová, xeyactn can qui Diosal To Cojxni.

Ez 18:24

Palta a mach tojl xon sb'eyb'al, q'uinloc tzjuw 'el sb'eyb'al cha, ax smasnil tas yajb'entac tzb'o eb' maysch'olnil sb'eyb'al, a chi tzb'o'o, ¿tom 'oj to wac' sq'uinl jun 'anma chi tze na'a? Wach'xam niwn tas wach' 'ix cob' sb'o', palta man̈x 'oj in na cot jun tzo'n̈ cha, cojn to tzcham yuj smul cha.

Sofonías 1:6

An̈jtona 'oj in satl pax eb' tzyij 'el snab'en 'ayin, atn eb' matz jaw 'ayn an Jehová in tic, yic tzwul sc'anb'noc eb' junc snab'en.

Mt 12:45

Yuj cha, tz'at yi'nc cot ucwn̈ocx yit demonioal 'ec'b'al xo stul 'a yib'an̈. Tzwach' 'och cajn eb' 'a jun 'anma cha. Yuj cha, yel xo wal caw maysch'olnil tz'aj jun 'anma chi 'icha 'a b'ab'el. 'Icha jun 'anma cha, 'ixta 'oj 'aj swach' juw 'el e nab'en, xchi Jesús.

Jn 6:66

Yuj cha, til wal eb' scuywum chi 'ix laj meltzj pax 'a spatic. Man̈xtzac yal sc'ojl eb' jun yec' yet'oc.

Ro 12:9

Caw yelc'ojlal tzlaj qui chamc'ojloquec qui b'a. Tzann̈j tas maysch'olnil, qui yajc can 'eli. Ax tastc wach', ca'c 'och qui nab'en 'a 'a.

Dt 6:15

A Jehová qui Diosalec 'ayc' wal 'a qui calec, 'ay smay tzcot yowl 'ayex. Toto tzeyal e b'a 'a jun tzo'n̈ comn dios cha, ax ex satn 'el 'a jun 'ejmn̈ej 'a sat lum lum cha.

Dt 7:3

Man̈ eyac' yi' sb'a eyunnal yet' eb' 'ix yisl eb' 'anma 'ay 'a jun lugar cha, mto eyisl tzyij sb'a yet' yunnal eb'.

Dt 7:4

Toto ma'ay, 'oj yi'l eb' eyunnal chi snab'en 'a Jehová, ax yoch tza'n ewin yuj eb' 'ix, ax ya'n 'ejm sb'a ewin 'a sdiosal eb' 'ix cha; to 'ixta', 'oj cot yowl Jehová 'ayex, ax e cham yuj muc'uc.

Josué 23:11

Caw tze tan̈wj e b'a, tze chamc'ojlan Jehová qui Diosalec.

1 Jn 2:9

Toto tzcalec to sacq'uinl xo yaj qui pixnec, palta toto tzon̈ chichnec 'och 'a junc quit creyenteal, to 'ixta', q'uic'q'uinl to yaj qui pixnec.

Jueces 14:3

Xyaln smam snun 'a 'ixtic: —¿Tas yuj a 'a scal eb' chuc chon̈b'al cha, ata tz'at a nib'c cot estzil? ¿Tom may eb' 'ix cob's 'ix 'a scal eb' quit chon̈ab'? xchi eb' 'a 'a. —'At c'anc 'ix cob's chi wic', yujto a 'a 'ix tzcan in nab'en, xchi Sansón.

Jueces 3:6

Ax yunnal yet' yisl eb' israel cha, 'ix yij sb'a eb' yet' yunnal yet' yisl eb' chuc chon̈b'al cha. 'Ix ya'n pax 'ejm sb'a eb' 'a sdiosal eb' cha.