Josué 22:34 - Chuj San Sebastian Bible

³⁴ Yuj cha, ax eb' yin̈tl Rubén yet' eb' yin̈tl Gad, xyac' eb' scuch jun yet'l xajmb'al chi Choxnb'ilal. Xyaln eb' 'ixtic: A jun yet'l xajmb'al tic, ch'oxnb'il tz'ajcn 'a qui calec, to a Jehová caw yel atn Dios, xchi eb'.

Chuj San Mateo Bible

³⁴ Yuj chi' a eb' yin̈tilal Rubén yed' eb' yic Gad chi', ix yac' scuch jun altar chi' eb', Ch'oxnab'il. Ix yalan eb': A jun altar tic, ch'oxnab'il tz'ajcan d'a co cal to a Jehová, co Diosal toni, xchi eb'.

Josué 22:34 ပူးပေါင်းရင်းမြစ်များ

Gn 31:47

A win Labán, Jegar Sahaduta xyac' sb'ic jun lugar chi 'a sti', ax pax Jacob, Galaad xyac' sb'ic 'a sti'.

Gn 31:48

Xlajw cha, xyaln pax win Labán 'ixtic: —A ticnec, a jun b'uln̈ q'uen q'uen tic, testigo tz'ajcn 'och q'uen 'ayn̈ qui chawn̈il, xchi. Yuj cha, sb'in can jun lugar chi Galaad.

A Ch'an̈ B'ab'el Libro Yic Yab'ixal Eb' Rey 18:39

A yic xyiln eb' 'anma yuj tas 'ix uji, 'ix 'em c'umn eb' 'a sat lu'um, masnto squil 'ejm eb' snan̈l sat 'a sat lu'um. Xyaln eb' 'ixtic: A Jehová yel Dios toni, Dios ton wal b'i'an, xchi eb'.

Is 19:19

A 'a jun tiempoal cha, 'ay jun yet'l xajmb'al yic Jehová 'oj b'o 'a yol smacb'en Egipto. Ax 'a sla'nil smon̈jon Egipto cha, ata 'oj lin̈xoc can chan̈ junc q'ue'en, yuj yi'nb'ilc chan̈ sb'i Jehová.

Is 43:10

A Jehová a tzaln pax 'ixtic: Ax israel ex tic in testigo ex, in checb' ex, sic'b'ilx 'el wu'uj, sec wach' tzin eyojquej 'eli, tzin eya'n 'och yipc e c'ojol, nachj cab' pax 'el eyu'uj, to cojn in toni. May junc xo dios b'ab'l 'e'nc wu'uj, may pax junc xo tza'n 'oj jawoc.

Mt 4:10

Xlajw cha, xyaln pax Jesús 'ixtc 'a winac: —Ach Satanás, 'ij 'el a b'a 'a in tz'ey, yujto tzyal 'ixtc 'a Ch'an̈ U'un̈: Cojn 'a Cajlil qui Diosalec tzeyal e b'a, cojn 'a tzeyac' servil, xchi 'a Ch'an̈, xchi Jesús 'a winac.

Josué 22:27

Toto 'ixta 'oj cutc on̈, tzyal 'el'chi to wan qui patquiln can 'el Jehová on̈. May cab' b'a'n̈ 'oj qui b'o 'ixta'. 'Ix qui b'o jun yet'l xajmb'al tic on̈, sec a tzcan ch'oxnb'ilal 'a qui cal eyet' on̈, yet' 'a eb' quin̈tlec b'aq'uin̈, an̈ tic on̈, an̈j 'a Jehová tzcal qui b'a eyet' on̈. An̈ tic on̈, 'oj 'at ca'n̈j qui xajmb'al 'a jun yet'l xajmb'al yic Jehová 'ay 'a scajnub', xchi eb'.

Josué 24:27

Xyaln pax Josué 'ixtc 'a smasnil eb' chon̈b' cha: —A jun q'uen tic, a tz'ochcn testigoal yuj smasnil tas xyal Jehová 'ayn̈ec. A q'uen tz'ochcn pax testigoal 'ayex, sec ma'oj eyac' 'es 'a Dios, yuj tas xeyal tic, xchi 'a eb'.