Josué 22:23 - Chuj San Sebastian Bible

²³ Toto yuj qui'n 'el qui b'a 'a stz'ey Jehová on̈, yuj cha, xqui b'on jun yet'l xajmb'al tic, mto yuj ca'n tz'a no noc' xajmb'al-l 'a yib'an̈, mto yuj ca'n cofrenda yuj qui trigo 'a 'a, mto yuj pax ca'n q'ue xajmb'al yic junc'ojlal 'a yib'an̈, toto 'ixta', a wal cab' Jehová a 'oj 'a'nc yowlal 'ayn̈ on̈.

Chuj San Mateo Bible

²³ Tato yuj quic'anel co b'a d'a Jehová, yuj chi' ix co b'oq'ue jun altar chi', ma yuj co n̈usantz'a silab' d'a yib'an̈, ma yuj cac'an ixim trigo co silab'oc, ma cac'an juntzan̈xo silab' yic junc'olal d'a yib'an̈, aocab' Jehová tz'ac'an yovalil d'ayon̈.

Josué 22:23 ပူးပေါင်းရင်းမြစ်များ

Gn 9:4

Palta 'ay jun tas ma'oj e chi', atn no chib'j 'ayt 'och schiq'uil, yujto a schic'l no cha, a 'aych sq'uinloc no'.

2 Cr 24:22

A rey Joás man̈xtoc 'ix sna cot schamc'ojlal Joiada sch'oxjnac 'a 'a, atn smam Zacarías. A yico' to 'ix yac' milxoc cham Zacarías cha. A yic jab'xoj scham winac, xyaln can 'ixtic: A cab' Jehová tz'iln jun tic, a cab' 'oj 'a'nc yowlal, xchi.

Ez 3:18

A yic 'oj walnc 'a junc maysch'olnil snab'en 'ixtic: Wal yel 'oj a cham yuj a mul, 'oj in chic 'a 'a. Ach xo tic, toto ma'oj al yab'i', to tzyactj can stu b'eyb'al cha, sec tzyil jacx tiempo, a jun cha 'oj cham xon yuj smul cha, palta a schamlil cha, eb'n̈ tzcan wu'uj.

Ez 33:6

Palta toto tzyil win 'ilwjum chi sjaw eb' 'ajc'ojl cha, matz yutz'j win strompeta cha, toto 'ay junc 'anma chi tzchami, 'oj cham jun 'anma chi yuj smul, palta yowlal 'oj wac' yowlal 'a win 'ilwjum cha.

Ez 33:8

A yic 'oj walnc 'a junc maysch'olnil snab'en 'ixtic: Wal yel 'oj a cham yuj a mul, 'oj in chic 'a 'a. Toto ach tic, ma'oj al yab'i', to tzyactj can stu b'eyb'al cha, sec tzyil jacx tiempo, a jun cha 'oj cham xon yuj smul cha, palta a schamlil cha, eb'n̈ tzcan wu'uj.

Dt 12:11

A 'a jun lugar 'oj si'l Jehová yico'oc cha, ata 'oj 'at eyac' smasnil jun tzo'n̈ xwal 'ayx tic: no noc' tzeyac' xajmb'alil, yet' no xajmb'al tze n̈ustz'a'oc, e diesmo, eyofrenda to tz'el 'a e c'ojl eya'ni, yet' e colwal to ta'wb'il eyu'uj.

Dt 18:19

A mach to ma'oj scha yab' tas 'oj yal jun in checb' cha, to a tzpaxtin in jeloc, 'oj wac' yowlal 'a 'a.

Josué 22:24

'Ix qui b'o jun yet'l xajmb'al cha, yujto xqui na'a toq'ue 'ay jun c'ual, 'oj yal eb' eyin̈tl chi 'ixtc 'a eb' quic on̈: A Jehová a 'ix 'a'n can 'och a Jordán tic mon̈jonal 'a qui nan̈l eyet'oc, atn ex yin̈tl Rubén yet' ex yic Gad quet' an̈ israel on̈ tic on̈, a Jehová a qui Diosal on̈, ax xo tic, may eyaln eyic 'a jun tic quet' on̈. Matz tac eyaln e b'a 'a Jehová quet' on̈, lemb'il, xchi eb'. Toto 'ixta', a eb' tztenn 'och wan eb' quin̈tl chi 'on̈ yic tzyaln sb'a eb' 'a Jehová.

A Ch'an̈ B'ab'el Libro Samuel 20:16

'Ixta 'ix yutj sb'on can strato yet' David, to 'oj b'eyn̈j 'a scal yin̈tl David cha. 'Ix yaln pax 'ixtic: A cab' Jehová 'oj pactzanc 'a eb' 'ajc'ojl yajch 'ayach, xchi.