Josué 22:22 - Chuj San Sebastian Bible

²² —Tzyil Jehová Dios, jun tztac' yuj smasnil, chajtlto a jun yet'l xajmb'al xqui b'o tic on̈, man̈ yujoc qui meltzj 'och 'ajc'ojlal 'a 'a, xqui b'on on̈, man̈ yujoc pax qui patquiln can 'eli. Caw wal yojtac tas yaj jun tic, comnoc tzeyojquej 'el jun tic e masnil. Palta toto yuj qui b'on tas tu' xqui b'on on̈, man̈ on̈ eyac' cab' niwnc'ojlal on̈.

Chuj San Mateo Bible

²² —A Jehová Syal Yuj Smasanil, yojtac to ix co b'o jun altar chi', man̈ yujoc co paticaneli, man̈ yujoc pax quic'anel co b'a d'ay. Yojtac Jehová chi' tas yaji. Comonoc snachajpaxel eyuuj. Tato yuj co pitan co b'a d'ay, mocab' on̈ eyac' nivanc'olal.

Josué 22:22 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 8:39

'Aych 'ec' 'a satchan̈ 'aj cajn ach 'ec' cha, ax ab'n tas 'oj yal eb' 'ayach. Ach xo 'oj 'ac' lajwc smul eb', ax a coln pax eb', ax a'n spac 'a jun jun, a tzyal tas tz'el sb'oni, yujto cojn ach ojc tas 'ay 'a qui pixn junjn on̈.

Job 10:7

Wach'xam ojtac to may in mul, palta toc 'ay mach tztac' in scoln 'el 'a yol a c'ab'.

Job 23:10

Palta yojtac chajtl yilx in b'eyb'al. A yic 'oj lajwc wajx prowal yu'uj, ax in b'ocn 'icha q'uen oro tz'ec' 'a scal c'ac'.

Job 31:22

to 'ixta', ma'x cab' wecchjoc in c'ab' tic, 'el cab' jeb'an.

Salmos 136:2

Alx cab' wach' paxti 'a Dios, atn jun Dios niwn yel'ch 'a yib'n̈ eb' tzalx 'och diosal. A schamc'ojlal Dios 'ayn̈j 'a smasnil tiempo.

Salmos 37:6

'Oj ya' checljoc qui tojl b'eyb'alec yet' qui wach' nab'enalec, 'icha wal stzictznil yoc c'u 'a chimc'ual, 'ixta wal yilxi.

Salmos 40:9

'Ix walcn 'el yab'xil a tojlal 'a scal eb' 'anma', atn 'aj tz'och niwc yamnil. Ojc wal si'mb'il chajtlto an tic, may 'aj xwactj waln 'el yab'xil a wach'c'ojlal.

Salmos 44:21

toto 'ixta', ¿toc am ma'on̈ el coti? ¿toc 'ay junc tas c'ultac yaj to man̈ ojcoc?

Salmos 44:22

Palta oj wali, yuj cha, junjn c'u 'ijn tzon̈ smil cham eb' on̈, 'icha no calnelu tz'ijx 'at chamoc, 'ixta tzon̈ yutj eb' on̈.

Salmos 50:1

A Dios Cojxni, atn Jehová, a xpaxtini yic xyawtn eb' 'anma cajn 'a sat lum lum tic; eb' 'ay 'a stojlal 'aj tzq'uel c'u, yet' eb' 'ay 'a stojlal 'aj tz'em c'u.

Salmos 82:1

A Dios 'ayc' 'a scal syamnil eb' 'ay yopiso, xb'eyc'ojlwi 'a scal eb'.

Salmos 95:3

Yujto a Jehová Dios, caw niwn yel'chi, Rey 'a yib'n̈ jun tzo'n̈ xo comn dios.

Salmos 97:7

'Oj 'el sq'uixwel eb' tzyac' 'ejm sb'a 'a jun tzo'n̈ yechel, atn eb' tzb'an̈ sb'a yet' jun tzo'n̈ comn dios cha. Smasnil eb' tzalx 'och diosal, 'oj yac' 'ejm sb'a eb' 'a Jehová.

Ex 18:11

A ticnec, caw wal xwojquej 'eli to a Jehová, yel xo wal 'ec'b'al 'a yib'n̈ jun tzo'n̈ tzalx 'och diosal, yujto ex colx 'elt 'a yol sc'ab' eb' 'aj Egipto yu'uj, wach'xam niwquil cob' xyutj sb'a eb' 'a yojltac Jehová, xchi Jetro cha.

Jeremías 12:3

Palta ach xo tic Mamin Jehová, caw wal ojquin. Ojtac tas yaj in nab'en 'ayach. 'Ij 'at jun tzo'n̈ 'anma cha, 'icha tz'aj yijx 'at no calnelu 'aj tzmilx chamoc. Tza pojcn 'el eb', sec 'oj cham eb' yic 'oj jawc jun c'u yic 'oj milxoc cham eb' 'anma'.

Jeremías 17:10

An Jehová in, an tzin b'eyc'ojlej snab'en eb' 'anma'. Wojtac tas 'ayc' 'a snab'en junjn mach. An tzwac' spac yic jun jun, 'icha tas smoj schani, a tzyala tas tz'el sb'oni, xchi Dios.

Dn 11:36

A jun rey 'ay 'a norte cha, 'oj sb'o 'icha wal tas tznib'j sc'ojol. Caw 'oj sb'an̈ sb'a, ax yalni chajtlto caw niwn yel'ch 'a yib'n̈ jun tzo'n̈ tzalx 'och diosal. 'Intax 'oj b'uchwjoc 'a jun Dios to caw yel. 'Oj sb'o smasnil tas tznib'j sc'ojol, masnto 'oj ya' cot Dios yowl sc'ojl 'a yib'an̈, yujto a smasnil tas nab'il yuj Dios, yowlal 'oj 'el'choc.

Dn 2:47

'Ix yaln win rey chi 'a Daniel 'ixtic: —Wal yel a e Diosal ax tic, cojxn̈ej niwquil yel'ch 'a yib'n̈ jun tzo'n̈ xo comn dios, syajlil eb' rey yaji, a tzch'oxni tas jun tzo'n̈ waych to c'ultac yaji, tic wal 'ix nachj 'el jun waych tic o'oj, xchi winac.

Miqueas 7:9

'Ix 'och qui mulc 'a Jehová, yuj cha, 'oj ca'c techjoc yowl sc'ojol, masnto 'oj on̈ sb'eyc'ojloc, ax on̈ sb'onec yaji. 'Oj yac' Jehová quilc sacq'uinlal, 'oj quilc tas 'oj yutc on̈ scolnec 'eli.

Malaquías 3:18

Atta 'oj nachjoc 'el eyuj ax tic, chajtlto chuc spac yic eb' wach' sb'eyb'al tzin 'a'n servil, chuc pax spac yic eb' maysch'olnil sb'eyb'al matz in 'a'n servil, xchi Dios.

Jn 21:17

'Ix yaln pax 'ixtc 'a yoxlal: —Simón, ach yunnal Juan, ¿tzam in a chamc'ojlej? xchi 'a 'a. Yuj cha, caw 'ix cus chan̈ Pedro cha, yujto yoxlal sc'anb'n Jesús 'a 'a, toto tzchamc'ojlej. Yuj cha, 'ix yaln pax 'a 'ixtic: —Mamin, ojc xon smasnil to chamc'ojlb'ilchn̈ej wu'uj, xchi 'a 'a. —Toto 'ixta', 'icha junc 'ilm calnelu, 'ixta tzotj a jucb'tzan eb' wic xo.

A Tas Sc'ulejnac Eb' Schecab' Jesús Hechos 1:24

Xlajw cha, 'ix leslwi eb' smasnil. 'Ix yaln eb' 'ixtic: —Mamin, ojc tas yaj qui nab'en qui masnil on̈. Yuj cha, ch'ox 'ayn̈ on̈, mach junc tza si'l 'a eb' chawn̈ tic,

A Tas Sc'ulejnac Eb' Schecab' Jesús Hechos 25:11

Toto 'ay junc in mul smoj tzin cham yu'uj, chamquin cab'i'. Palta toto man̈ yelc tas tzya'ch eb' wit israelal tic 'a wib'an̈, toto 'ixta', may mach tztac' in ya'n 'och 'a yol sc'ab' eb'. Tic tzin c'anb't in b'a 'a win yajl 'a Roma, at win 'oj in b'eyc'ojlani, xchi Pablo 'a winac.

2 Co 11:11

¿Tas yuj tzwalb't jun tzo'n̈ tic 'ayx tze na'a? ¿Yuj am may in chamc'ojlal 'ayx ta tze na'a? A Dios 'ojtnac, jantc wal in chamc'ojlal 'ayex.

2 Co 11:31

A Dios, atn Smam Cajlil Jesús, smasnil tiempo smoj tzalx wach' paxti 'a 'a. A 'ojtnac, chajtlto caw yel tzwala.

2 Co 5:11

An̈ xo tic on̈, a 'a Cajlilec 'aj 'ayx qui xiwc'ojlal on̈. Yuj cha, caw tzcac' quip ca'n snab'enoc eb' 'anma 'on̈. A Dios, yojc xo, tas yaj qui nab'en on̈. Ax xo, tzin nib'ej, tzeyojquej pax 'el tas yaj qui nab'en on̈.

Dt 10:17

yujto a Jehová qui Diosalec, 'ec'b'al 'a yib'n̈ jun tzo'n̈ xo tzalx 'och diosal. A yajl yaj 'a yib'n̈ eb' yajal. Cojxn tztac' yalni, caw 'ay spoder, 'ay pax smay, may 'aj tzjel snab'en 'a yib'n̈ junc tas, may 'aj tzchon̈ sb'a yuj tas tzsiyx 'a 'a.

1 Ti 6:16

Dios chi may b'a'n̈ tzchami. Sacq'uinl 'aj 'ay. May junc mach tztac' sc'och 'a stz'ey. May xon junc mach tz'iln Dios, yujto may mach tztac' yilni. Caw niwn cab' yel'ch Dios 'a qui sat. 'Ay spoder 'a smasnil tiempo. 'Ixta cab' tz'aji.

A Ch'an̈ Carta D'a Eb' Hebreo 4:13

May junc mach tztac' sc'ub'n 'el sb'a 'a sat Dios. Caw checln̈ej smasnil tas 'a sat. 'Oj qui c'ochc 'a yojltac yic tzqui chanec spac tastc tzqui b'o junjn on̈ec.

Josué 22:21

Xlajw cha, xta'w eb' meltzjnacx chi 'a eb' yajl cha, xyaln eb' 'ixtic:

Apoc 19:16

A 'a spichl 'a sat xub', ata tz'ib'b'il 'och jun sb'i 'ixtic: A sRreyl eb' rey, sYajlil eb' yajal, xchi.

Apoc 2:23

An̈jtona', 'oj in mil cham pax eb' yune 'ix. 'Ixta 'oj 'aj yojcan 'el eb' 'a junjn iglesia, chajtlto an tic, wojc xon jantcn̈ej tas 'ay 'a e nab'en, yet' tas tz'ec' 'a e c'ojol. An tic, 'oj wac' spac 'ayx junjn ex, a tzyala tas tze b'o'o.

A Ch'an̈ B'ab'el Libro Samuel 15:23

A tenmtaquil, lajn smul-l yet' eb' tztac' snan 'el junc paxti'; ax pital, lajn wal smul-l 'icha eb' tz'em n̈ojn 'a junc yechel. Yujto xa patquilj can 'el tas xyal Jehová, yuj cha, ach spatquilncan 'eli, ach yi'n 'el 'a reyal, xchi Samuel.

A Ch'an̈ B'ab'el Libro Samuel 2:3

Yuj cha tztac' tzwal 'ixtc 'a eb' tzyij chan̈ sb'a: Man̈ e b'an̈ e b'a, yujto a Jehová yojc smasnil, a Dios tzon̈ b'eyc'ojlanec yuj tas tzqui b'o'ec, 'oj in chic 'a eb'.