Josué 22:15 - Chuj San Sebastian Bible

¹⁵ Smasnil jun tzo'n̈ eb' tic, x'at eb' 'a Galaad, 'a 'aj 'ayc' eb' meltzjnacx cha, xyaln eb' 'a eb' 'ixtic:

Chuj San Mateo Bible

¹⁵ Masanil juntzan̈ eb' chi', ix b'atn̈ej eb' d'a Galaad b'aj ayec' nan̈al yoxil in̈tilal eb' chi', ix yalan eb' icha tic:

Josué 22:15 ပူးပေါင်းရင်းမြစ်များ

1 Cr 21:3

Palta xta'w Joab 'ixtic: —A cab' Jehová tz'a'n q'uib' sb'isl schon̈ab', man̈x b'ischjb'enoc cab' tz'aj eb', a 'a yol 'a c'ab' 'aych eb' smasnil. ¿Tom man̈ a checb'oc eb' tic smasnil? ¿Tas yuj tzac' ep 'e'n chan̈ sb'isl eb'? Yuj ton wal jun tic ax yoch smul qui chon̈b' tic, xchi.

2 Cr 25:27

Atxo yic xyi'n 'el sb'a Amasías 'a Jehová, atxo ta xc'ojl eb' 'ajc'ojl 'a Jerusalén snani, to tzmil cham eb' Amasías cha, yuj cha, x'at 'eloc, axta xc'och 'a chon̈b' Laquis; palta xya't eb' schecb' 'a spatquil 'a Laquis cha, axta smil cham eb'.

2 Cr 26:18

A eb' cha, xc'och eb' 'a yojltac win rey cha, xyaln eb' 'a win 'ixtic: Ach rey Ozías man̈oc ach 'ay opiso a'n tz'a incienso 'a Jehová, palta an̈ ya'maln̈ 'och sti eb' 'anma 'a Dios on̈, atn an̈ yin̈tl on̈ Aarón tic, an̈ sic'b'iln̈ 'och ca'n tz'a xajmb'al on̈. 'Eln̈ 'a scajnub' Jehová tic, yujto caw x'och 'a tenmtacl 'a 'a. Man̈x 'oj ach yi' cha'an̈, xchi eb' 'a 'a.

2 Cr 28:13

xyaln eb' 'a eb' 'ixtic: —Man̈ eyi'ch eb' 'icha presoal 'a tic, yujto a jun cha, caw tz'och qui mulc 'a Jehová. Ax tic, 'ipn e sayn tas tz'aj sniwtj qui mul 'a 'a, yuj cha, caw tzcot yowl sc'ojl 'ayn̈ec an̈ israel on̈c tic, xchi eb'.

Esdras 9:15

Mamin Jehová, qui Diosal ach an̈ israel on̈ tic on̈, caw wach' a nab'en 'ayn̈ on̈. 'Ix 'el 'a a c'ojol, to pitzn on̈ jaywn̈ xo on̈ colchj can 'el tic. Yuj cha, tzcaln q'uet qui mul 'a ojltac on̈, caw wal man̈ smojc tzon̈ 'och 'a ojltac yuj jun tic, xchi Esdras 'a slesal.

Esdras 9:2

A eb' cha, wan laj yi'lan sb'a eb' yet' eb' chuc chon̈b'al cha, tzlaj yi'n pax sb'a yunnal eb' yet' eb' 'ix yisl jun tzo'n̈ 'anma cha, yuj cha, a schon̈b' Dios tox 'ix scalj sb'a yet' jun tzo'n̈ chuc chon̈b'al cha. A eb' xb'ab'l 'och smul cha, atn eb' yajl yaj 'a qui calec, xchi eb' 'ayin.

Salmos 78:8

Man̈ lajnoc 'oj yutc sb'a eb' 'icha eb' qui mam quichmec, yujto a eb' cha, 'e'nc eb' 'a yib'an̈, tenmtac eb', may pax ste'nal eb'. Man̈ yiclumoc eb' 'a Dios.

Ex 32:8

Yajn̈j wal cha, 'ix yi'n 'el sb'a eb' 'a tas xwala, sb'on eb' jun yechl quelm wacax; xlaj cob' ya'nc 'ejm sb'a eb', xya'n eb' xajmb'al 'a jun yechl cha, xyaln eb' 'ixtic: Ex q'uit israelal, atn wal qui diosalec tic on̈ 'i'nec 'elt 'a Egipto, xchi cob' eb', xchi Dios 'a Moisés cha.

Is 63:10

Palta yel xo wal pit xyutj sb'a eb' 'a Jehová, caw xyac' eb' cus Yespíritu to Cojxni. Yuj cha, x'och 'ajc'ojlal 'a eb', xya'n owl yet' eb'.

Lv 26:40

Yujto 'ix 'och stenmtacl eb' 'ayin, yuj cha, 'oj woch 'ajc'ojlal 'a eb', ax wa'n can 'at eb' 'a schon̈b' eb' 'ajc'ojl yajch 'a eb' cha. Toto 'oj sna sb'a sc'ojl eb' 'aj pit 'oj yutc sb'a 'ayin, ax yi'n 'ejm sb'a eb' 'a wojltac yuj yaln q'uet' eb' smul yet' e mul ax tic, tzyactn can eb' sb'on masych'olnilal,

Lv 5:19

Atn jun xajmb'al chi tztojn lajwc smul, yujto a jun 'anma cha, 'ay smul 'a wojltac an Jehová in, xchi Dios 'a Moisés.

Nm 14:43

Macb'il e c'och yuj eb' amalecita yet' eb' cananeo 'a jun tzo'n̈ lugar cha, sec tzyac' eb' owl eyet'oc, ax ex smiln eb'. Yujto ax tic, xeyij 'el e nab'en 'a Jehová, yuj cha, ma'oj colwjoc eyet'oc, xchi.

Nm 32:15

Toto ax tic, matz e nib'j tzex 'och tza'n yuj Jehová, eyujn̈ej wal b'i'an, ax e can yet' smasnil eb' quit chon̈b' tic 'a lum cusltac lum junc xo tiempoal, eyu'uj ax satl eb', xchi Moisés.

Nm 5:6

Al jun tzo'n̈ tic 'a eb' et israelal: To an Jehová in, an tzwala, toto 'ay junc winac, mto junc 'ix matz yiclj tas tzwala, mto tzsay smulc 'a junc yit 'anma'il, a jun cha, wan yoch smul.

Mt 18:17

Palta toto an̈ja matz chaj yab' 'a eb', yel xo wach' tzeyal 'a iglesia. Toto an̈ja matz chaj yab' pax 'a eb', cann̈j cab' 'ixta'. 'Icha junc comn 'anma man̈ 'ojtnacoc Dios, mto junc tecm 'el tumin, 'ixta cab' tz'ajcn 'a e sat.

1 Co 1:10

Ex wu'tac, ex wanab', tzin tew 'ayx 'a sb'i Cajlil Jesucristo, to junxn̈ej tz'aj e nab'en e masnil ta'. Man̈ comnoc tze pojl e b'a. Caw jun lajn xoj tzeyutj e nab'en, jun lajnn̈ej tzeyutj e nan smasnil tas.

1 Co 5:4

Yuj cha, yowlal tzeyam e b'a ta 'a sb'i Cajlil Jesucristo. An xo tic, 'icha to 'oj in c'och eyet' ta'. An̈jtona', 'oj 'och Cajlil Jesús eyet'oc, ax ya'n spoder 'ayex.

Dt 30:17

Palta toto tzeyij 'el e nab'en 'a 'a, matz e chaj eyab' smasnil jun tzo'n̈ tic, tzyal e c'ojl tzex 'och tza'n yuj jun tzo'n̈ comn dios, yic tzeyaln e b'a 'a 'a, tzex 'em cumn pax 'a yojltac eb',

Dt 7:4

Toto ma'ay, 'oj yi'l eb' eyunnal chi snab'en 'a Jehová, ax yoch tza'n ewin yuj eb' 'ix, ax ya'n 'ejm sb'a ewin 'a sdiosal eb' 'ix cha; to 'ixta', 'oj cot yowl Jehová 'ayex, ax e cham yuj muc'uc.

A Ch'an̈ Carta D'a Eb' Hebreo 12:25

Yuj cha, yowlal caw tzca'c cuenta qui b'a, sec matz qui patquiljec can 'el jun tzpaxtin 'ayn̈ec. A eb' patquiljnac can 'el Dios pecti', yic yaln 'a eb' 'a yolyib'n̈q'uinl tic, man̈ scoljnacc 'el sb'a eb'. Ocxom an̈ec tic, toxn ma'oj stac' qui colnec 'el qui b'a, toto tzqui patquiljec can 'el jun tzaln cot 'ayn̈ec 'a satcha'an̈.

Josué 22:12

A yic xyab'n eb' jun cha, 'ix syamn sb'a eb' smasnil 'a chon̈b' Silo, yic tz'at eb' yac' owl yet' eb' xmeltzj cha.

Josué 22:14

'Ix 'at lajn̈wan̈ xo eb' yajl yaj 'a scal eb' chi yet'oc. A junjn eb' cha, yajl yaj eb' 'a junjn 'in̈tal eb' israel cha.

Josué 22:16

—An̈ tic on̈, tzwul cal smasnil tas 'ix yal eb' schon̈b' Jehová eyu'uj: ¿Tas jun man̈ wach'c xe b'o 'a qui Diosalec? ¿Tas yuj xe patquilj 'el can Jehová, xe b'on jun yet'l xajmb'al yic tzex meltzj 'och 'ajc'ojlal 'a 'a?

Josué 22:18

¿Tom man̈ colb'ilc jun chi 'ayex, a ticnec, xe patquilj can 'el Jehová? Toto tzex meltzj 'och 'ajc'ojlal toto 'ixta', ax q'uic'an, 'oj cot yowl 'a quib'n̈ec qui masnil an̈ israel on̈ec tic.

A Ch'an̈ B'ab'el Libro Samuel 15:23

A tenmtaquil, lajn smul-l yet' eb' tztac' snan 'el junc paxti'; ax pital, lajn wal smul-l 'icha eb' tz'em n̈ojn 'a junc yechel. Yujto xa patquilj can 'el tas xyal Jehová, yuj cha, ach spatquilncan 'eli, ach yi'n 'el 'a reyal, xchi Samuel.