Josué 21:43 - Chuj San Sebastian Bible

⁴³ 'Ixtn tic wal xyutj Jehová ya'n can smasnil lum lum tic 'a eb' israel, atn lum 'aj ya'jnac can sti ya'n 'a eb' smam yichm eb'. 'Ix sb'on 'och sb'a eb' 'a sat lu'um, xlajw cha, xcan cajn eb' 'a 'a.

Chuj San Mateo Bible

⁴³ Icha val chi' ix aj yac'jican lum luum d'a eb' israel yuj Jehová, aton masanil lum yac'nac sti' yac'an d'a eb' smam yicham eb'. Yuj chi' ix cajnajcan eb' d'a sat lum smasanil.

Josué 21:43 ပူးပေါင်းရင်းမြစ်များ

Gn 12:7

Ata xch'ox sb'a Jehová 'a Abram cha, 'ix yaln 'ixtic: A jun lum tic 'oj wac' 'a smasnil eb' en̈til, xchi 'a 'a. Yuj cha, sb'on Abram jun yet'l xajmb'al 'a 'aj tzyal sb'a 'a Jehová, yujto ata xch'ox sb'a Dios 'a 'a.

Gn 13:15

A smasnil jun lum wan eln 'at tic, an tzwac' 'aych 'a jun 'ejmn̈ej, yic pax smasnil eb' en̈tl b'aq'uin̈.

Gn 28:4

'Oj ya'cn smasnil yaxilal 'ayach yet' 'a smasnil eb' en̈til, atn jun yaxilal 'a 'aj xya'cn Dios sti ya'n 'a a mam 'ichm Abraham, sec wach' 'oj 'och lum lum tic eco'oc, lum 'ajtil ton̈j cajn on̈ 'ec' tic, yujto caw a Jehová, a 'ix altn lum 'a a mam 'ichm cha, xchi Isaac.

2 Cr 20:8

A yic 'ix can cajn eb' qui mam quichm 'a sat lum a lum tic, 'ix sb'o chan̈ eb' jun a cajnub', 'ix yaln eb' 'ixtic:

Nehemías 9:24

'Ix c'och eb' yunnal eb' yi'c lum Canaán. Ach 'ix ac' 'ajxc ganar eb' 'anma cajn 'a sat lu'um. A eb' rey yet' eb' 'anma cajn 'a jun lum cha, 'ix a'ch eb' 'a yol sc'ab' eb'; 'ix sb'on eb' tas tznib'j sb'o 'a eb' cananeo cha.

Nehemías 9:8

'Ix ela to ach ya'ch wal yipc sc'ojol, yuj cha, xa b'on a trato yet'oc, yic tza'n slum eb' yin̈til, atn lum yic eb' cananeo, eb' hitita, eb' amorreo, eb' ferezeo, eb' jebuseo yet' eb' gergeseo; tox 'ix ac' 'el'choc a paxti', yujto tz'el'chn̈ej tas tzala.

Salmos 105:8

Wach'xam til wal smacn̈il eb' 'anma tz'ec' 'a sat lum lum tic, palta nann̈ej strato yu'uj.

Salmos 44:3

Yujto man̈oc yet' yip eb', man̈oc pax yespada eb' xya'lb'ej yic xyi'n can eb' jun lum tic. Man̈ yujoc sjelnal eb' ya'n owal, palta yuj a tojlal yet' a poder, yujto 'ay a chamc'ojlal 'a eb' qui mam quichm chi 'on̈.

Salmos 78:55

'Ix yi'n can 'el jun tzo'n̈ eb' 'anma chuc chon̈b'al 'a yojltac eb' qui mam quichmec cha. Junjn petn̈ xyutj spojn can 'ec' lum lum chi 'a junjn 'in̈tal eb'. 'Ix can cajn eb' qui mam quichmec chi 'a slum eb' chuc chon̈b'al cha.

Ex 3:8

Yuj cha in 'emli, yic tzwul in colnc 'elt eb' 'a yol sc'ab' eb' 'aj Egipto cha. 'Oj wic' 'elt eb', ax wi'n 'at eb' 'a jun lum lum caw lewan, caw wach', til wal tas 'ay 'a jun lum cha. Atn lum 'aj cajn eb' cananeo, eb' hitita, eb' amorreo, eb' ferezeo, eb' heveo yet' eb' jebuseo.

Jeremías 32:23

Palta a yic x'och eb' scaj jun lum tic, yic 'ix schan eb' smacl lu'um, caw man̈x 'ic schaj eb' yab' tas 'ix ala, man̈x 'ic syiclj eb' a checnb'il, ma'ix sb'o eb' tas 'ix ac' sb'o'. Yuj cha, 'ix a'n cot jun niwquil yailal tic 'a quib'n̈ on̈.

Nm 33:53

A yic tzeya'n ganar eyi'n 'ec' lum lum cha, yajn̈j cha, tze b'on 'och e b'a 'a sat lu'um, tzex can cajn 'a 'a, yujto an tzwac' e caj lu'um.

Nm 34:2

Al smasnil jun tzo'n̈ cuynb'il tic 'ixtc 'a eb' et israelal: Jab'xoj wal e c'och 'a lum Canaán. A jun lum cha, to eyic yaji, yuj cha, yaj smon̈jonal 'aj 'oj c'ochoc.

Dt 11:31

Ax tic, jab'xoj wal sc'och stiempoal eye'cn 'a yojl a Jordán cha, ax e c'och 'a sat lum lum tzyac' Jehová e caja'.

Dt 12:29

A yic 'oj satnoc 'el Jehová jun tzo'n̈ nacion̈ chi 'a lum lum cha, ax xo 'oj e cajcn slum eb' cha.

Dt 17:14

A yic tox ex c'och 'a sat lum lum 'oj yac' Jehová Dios eyico'oc cha, 'a yic tox 'ix 'e'cn lum eyu'uj, yic 'ayx tiempo e cajn lu'um, toq'ue 'oj eyal 'ixtic: A ticnec b'i'an, tzqui nib'ej to 'ay junc qui reyl tzon̈ jucb'tzani, 'icha yaj jun tzo'n̈ xo chon̈b' 'a qui la'nil tic, 'oj e chioc.

Dt 34:4

'Ix yaln Jehová 'a Moisés 'ixtic: Atn jun lum tic wa'jnac in ti wa'n 'a Abraham, 'a Isaac yet' 'a Jacob. Waljnac 'a eb' chajtlto 'oj wac' lum 'a eb' yin̈tl eb'. Yuj cha, tzwac' elcn 'at lum yet' a sat, wach'xam man̈x 'oj a c'och 'a lu'um, xchi Dios 'a Moisés cha.

Josué 1:6

Te'n tzotj a b'a, man̈ ach xiwoc, yujto ach 'oj a pojc smacl lum eb' et israelal tic 'a 'a, atn lum 'aj wa'jnac in ti wa'n 'a eb' e mam eyicham.

Jueces 11:24

Q'uinloc a Quemós e diosal ax tic, a tz'a'n junc tas eyico'oc, ¿tom matz eyalch junc chi eyico'oc? 'Ixta pax caj an̈ tic on̈. A tas tzyac' Jehová qui Diosal quico'oc, atn tzcalch pax quico'oc on̈.

A Ch'an̈ B'ab'el Libro Samuel 12:8

A yic xc'och Jacob yet' eb' yunnal 'a Egipto, caw x'ixtx eb' yuj eb' 'aj lugar cha, yuj cha, xyaln sb'a eb' 'a Jehová. Ax Jehová schecn 'at Moisés yet' Aarón, ax eb' x'i'n 'elt eb' qui mam quichmec chi 'a Egipto, ax 'a tic xjaw cajn eb' yu'uj.