Josué 21:4 - Chuj San Sebastian Bible

⁴ B'ab'el, x'el-l suerte 'a yib'n̈ eb' yin̈tl can win Coat. Atn eb' ya'mal 'och sti eb' 'anma 'a Dios, eb' yic Aarón. 'Oxlajn̈e jun tzo'n̈ schon̈b' eb' x'ajxi. Ata x'elt 'a scal yic eb' yin̈tl Judá, 'a eb' yin̈tl Simeón, yet' 'a eb' yin̈tl Benjamín.

Chuj San Mateo Bible

⁴ D'a sb'ab'elal ix och suerte d'a jun macan̈ eb' levita yin̈tilal vin̈aj Coat, aton eb' sacerdote yin̈tilal vin̈aj Aarón. 13 chon̈ab' ix ac'ji d'a eb', aton juntzan̈ chon̈ab' ay d'a yol yic eb' yin̈tilal Judá, d'a yol yic eb' yin̈tilal Simeón yed' d'a yol yic eb' yin̈tilal Benjamín.

Josué 21:4 ပူးပေါင်းရင်းမြစ်များ

1 Cr 6:39

A 'a swach' c'ab' Hemán, ata tzcan jun yican tzcuch Asaf yujto a tzcolwj sjucb'tzan schac'ajil eb' tzb'itni, a eb' smam 'ichm Asaf 'a stzolil: atn Berequías, Simea, Micael, Baasías, Malquías, Etni, Zera, Adaía, Etán, Zima, Simea, Jahat, Gersón, Leví.

Ex 6:16

A Leví 137 ab'il 'ix yila. Ax eb' yunnal, atn eb' tic: Gersón, Coat, yet' Merari.

Ex 6:20

A win Amram cha, 'ix yij sb'a yet' jun 'ix yanb' smam, Jocabed sb'i 'ix; atn eb' tic 'ay yunnal 'a Aarón yet' Moisés. 127 ab'il 'ix yil Amram cha, 'ix chami.

Nm 3:27

A eb' yin̈tl Coat, chan̈ macn̈ yaj eb', atn eb' yic Amram, eb' yic Izhar, eb' yic Hebrón yet' eb' yic Uziel.

Josué 21:3

Yuj cha, 'ix syiclj eb' israel chi 'icha yaj yaln can Jehová. Xya'n eb' slum chi 'a eb' yin̈tl Leví cha, atn jun tzo'n̈ schon̈b' eb' yet' swalab' no cajb'en noc'.

Josué 21:5

Ax jun tzo'n̈ xo eb' yin̈tl Coat cha, x'ajx pax lajn̈e chon̈b'al 'a eb'. Ata x'elt 'a yic eb' yin̈tl Efraín, 'a eb' yic Dan, yet' 'a spacl xo eb' yin̈tl Manasés.

Josué 24:33

A yic xcham Eleazar win yunnal Aarón, ata xmucx can sniwnal win 'a lum tzaln 'ay 'a yol yic win Finees, atn win yunnal winac, lum 'ac'b'il smacloc win 'a lum jolmctac witz 'a yol yic Efraín.