Josué 20:8 - Chuj San Sebastian Bible

⁸ Ax 'a junx sc'axpil 'ec' a Jordán, 'a stojlal 'aj tzq'uel c'u 'a Jericó, ata si'l eb' 'oxe xo chon̈b' tic: Béser 'ay 'a lum span̈nil yic cusltac lu'um, 'a yol yic eb' yin̈tl Rubén. Ramot 'a yic Galaad, 'a yol smacb'en eb' yin̈tl Gad. Golán 'a yol yic Basán, 'a yol smacb'en eb' yin̈tl Manasés.

Chuj San Mateo Bible

⁸ Axo d'a junxo sc'axepalec' a' Jordán, d'a stojolal b'aj sjavi c'u d'a Jericó, ata' ix siq'uel oxexo chon̈ab' eb': Aton chon̈ab' Beser d'a ac'lic yic tz'inan luum d'a yol yic eb' yin̈tilal Rubén, chon̈ab' Ramot d'a yol yic Galaad d'a yol yic eb' yin̈tilal Gad yed' chon̈ab' Golán d'a Basán, d'a yol yic eb' yin̈tilal Manasés.

Josué 20:8 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 22:6

Xlajw cha, 'ix ya'n win sreyl eb' israel chi syam sb'a eb' tzyalch sb'a schecb'oc Dios. Jab'xoj man̈ chan̈e'oc ciente eb', 'ix yaln win 'a eb' 'ixtic: —¿Tzam stac' 'at wa'nc owl 'a chon̈b' Ramot, 'a yol yic Galaad mto ma'ay? xchi win 'a eb'. —Mamin rey, 'ixc 'a owl cha, yujto a Jehová, a 'oj 'a'nc jun chon̈b' chi 'a yol a c'ab', xchi eb' 'a 'a.

A Ch'an̈ Schab'il Libro Yic Yab'ixal Eb' Rey 8:28

Junn̈j 'ix yutj Ocozías snab'en yet' Joram yunnal Acab, yic 'ix ya'n eb' owl yet' Hazael sreyl chon̈b' Siria 'a Ramot, 'a yol yic Galaad. Palta 'ix lajw Joram yuj eb' sirio cha,

1 Cr 6:78

Ax 'a yol yic eb' yin̈tl Rubén, 'a stojlal 'aj tzq'uel c'u 'a a Jordán, 'a yojltac Jericó, ata 'ix 'ajx pax chon̈b' Beser 'a eb', ata 'ay 'a cusltac lu'um, yet' Jaza, Cademot yet' Mefaat, yet' ya'lical junjn chon̈b' 'aj tzwa scajb'en noc' eb'.

1 Cr 6:80

Ax 'a yol yic eb' yin̈tl Gad, 'ix 'ajx chon̈b' Ramot 'ay 'a yol yic Galaad 'a eb', yet' Mahanaim, Hesbón yet' Jazer, yet' ya'lical junjn chon̈b' 'aj tzwa scajb'en noc' eb'.

Dt 3:10

C'uxn xquijec 'ec' jun tzo'n̈ chon̈b' 'aj tzyac' win Og yajlil, atn smasnil lum chon̈b' 'ay 'a lum pan̈n cha, smasnil lum Galaad yet' lum Basán, masnto tzc'och 'a chon̈b' Salca yet' 'a chon̈b' Edrei, xchi Moisés.

Dt 4:43

A jun tzo'n̈ chon̈b' cha, atn eb' tic: chon̈b' Beser, 'a span̈nil lum cusltac lum 'a 'aj xcan eb' yin̈tl Rubén; chon̈b' Ramot, 'a yol yic Galaad, 'a lum 'aj xcan eb' yin̈tl Gad; yet' pax chon̈b' Golán, 'a yol yic Basán, 'a lum 'aj xcan spacl eb' yin̈tl Manasés.

Josué 20:7

Yuj cha, si'n 'el eb' israel jun tzo'n̈ chon̈b' 'aj wach' scoln sb'a eb' tzmilwji, atn jun tzo'n̈ chon̈b' tic: Quedes 'a Galilea 'a eb' lum jolmctac witz yic Neftalí, Siquem 'a jolm witz yic Efraín, Quiriat-arba (tzcuch pax Hebrón) 'a jolm witz yic Judá.

Josué 20:9

Atn jun tzo'n̈ chon̈b' tic si'cn 'el eb', sec ata tzcol sb'a eb' israel mto eb' chuc chon̈b'al cajn 'a scal eb'. Toto 'ay mach tzmiln junc yit 'anma'il, to man̈ sc'anc sc'ojl tzmilwji, tztac' scoln sb'a 'a junc eb' chon̈b' cha. Palta yowlal tzb'eyc'ojlax yuj eb' chon̈b' cha. Toto man̈ sc'anc sc'ojl tzmilwji, matz tac' smilx yuj junc yican jun tzcham cha.

Josué 21:27

Ax 'a eb' yin̈tl Gersón, win yunnal Leví, a 'a eb' x'ajx 'oxlajn̈e chon̈b' yet' swalab' no cajb'en noc' 'a junjn chon̈b' cha. 'A yol smacb'en spacl xo eb' yin̈tl Manasés ata x'elt chab' xo chon̈b' cha: Atn Golán, 'ay 'a yol yic Basán, 'aj tzcol sb'a eb' tzmiln junc 'anma', yet' chon̈b' Beestera. Ax 'a yol smacb'en eb' yin̈tl Isacar, ata x'elt chan̈e xo chon̈ab': Atn Cisón, Daberat, Jarmut yet' En-ganim. 'A 'a yol smacb'en eb' yin̈tl Aser, ata x'elt chan̈e xo chon̈ab': Atn Miseal, Abdón, Helcat yet' Rehob. 'A yol yic Neftalí, ata x'elt 'oxe xo chon̈ab': Atn Cedes 'ay 'a yol yic Galilea, 'aj tzcol sb'a eb' tzmiln junc 'anma'. X'ajx pax Hamot-dor yet' Cartán 'a eb' cha.