Josué 2:4 - Chuj San Sebastian Bible

⁴ Yuj cha, xyaln 'ix 'ixtic: —Yel toni 'ix jaw ewin 'a watut tic, palta man̈ wojcoc 'aj xcot ewinac.

Chuj San Mateo Bible

^4-6 Ix yalan ix icha tic: —Yeltoni, ay juntzan̈ eb' vin̈ ix ec' d'a tic, palta man̈ vojtacoc b'ajtil ix cot eb' vin̈. Axo yic vanxo sq'uic'b'i ix b'at eb' vin̈, yujto yorailxo smacchaj spuertail chon̈ab'. Man̈ vojtacoc tas b'eal b'aj ix b'at eb' vin̈. Tato elan̈chamel tzex b'at d'a spatic eb' vin̈, tecan tzato yamchaj eb' vin̈ eyuuj, xchi ix. Icha chi' ix aj yalan ix, palta toxo ix sc'ub'ejel eb' vin̈ ix d'a span̈anil yib'an̈ spat, d'a yalan̈ juntzan̈ an̈ lino manojail yaji.

Josué 2:4 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 6:19

Xlajw cha, 'ix 'at Eliseo 'at yal 'a eb' 'ixtic: —Man̈oc jun b'e tic tze sayq'ui, yet' jun chon̈b' tic. 'Ochn̈ec tza'n wu'uj, ax ex wi'n 'at 'a 'aj 'ayc' jun winc tze sayc' cha, xchi 'a eb'. Axta xyij 'at eb' 'a Samaria.

Ex 1:19

Yujto man̈ lajnoc eb' 'ix israel chi quet' an̈ 'aj Egipto on̈ tic; caw 'ay yip sniwnal eb' 'ix, mantzac on̈ c'och on̈, tz'alj yune eb' 'ix, xchi eb' 'ix.

Santiago 2:25

'Ixta pax jun 'ix Rahab sb'i 'a pecti', atn jun 'ix 'ajmul 'ix. Ya'jnac 'ix sposada eb' schecb' eb' quit israelec. Xlajw cha, schecn pax 'at 'ix eb' 'a junx b'e, sec matz yamchj eb'. Yuj wal tas sb'ojnac 'ix cha, yoch 'ix wach'l 'a sat Dios.

Josué 2:3

Yuj cha, 'ix 'at ya'nc win rey chi 'at alxoc 'ixtc 'a 'ix Rahab cha: —'Ac' 'elt jun tzo'n̈ winc 'ix jaw 'a atut cha, yujto 'ilwjum ewinac, 'ajc'ojl pax yajch ewin 'ayn̈ec, xchi winac.

Josué 2:5

A yic wan xo sq'uic'b'i 'ix 'atx ewinac, yujto ata yorail smacchj qui chon̈b'ec tic. Man̈ wojcoc b'i'an 'ajm xc'och ewinac. Palta q'uinloc tzex 'at 'a spatquil eb', tecn tzyamchj eb' eyu'uj, xchi 'ix.

Josué 6:17

Tox 'ix yala to tzsatl jun chon̈b' tic yet' smasnil 'anma cajn 'a 'a. Cojxn 'ix Rahab, 'ix 'ajmul 'ix, cojxn 'ix 'oj colchjoc can 'el yet' eb' xc'och scol sb'a 'a yatut 'ix, yujto a 'ix xc'ub'n 'el eb' 'ilwjum qui checjnaquec coti.

Josué 6:25

A Josué 'ix scolcn 'el 'ix Rahab yet' smasnil eb' yican yet' pax smasnil tas 'ay 'a 'ix, yujto a 'ix c'ub'jnac 'el eb' 'ilwjum schecjnac cot Josué 'a chon̈b' Jericó. Atxo 'a yic jun tiempoal cha, ata x'el yich scan eb' yin̈tl 'ix Rahab 'a scal eb' israel.