Josué 2:24 - Chuj San Sebastian Bible

²⁴ 'Ix yaln eb' 'ixtic: A Jehová a tz'a'n jun lugar chi 'ayn̈ec, ax eb' 'anma 'ayc' ta', 'ac'b'ilx eb' 'a yol qui c'ab'ec. Man̈x 'anmac yaj snab'en eb' smasnil yuj xiwlal, xchi eb'.

Chuj San Mateo Bible

²⁴ Ix yalan eb' vin̈ icha tic: A Jehová van yac'anoch juntzan̈ chon̈ab' chi' d'a yol co c'ab', yujto a eb' anima ta' ichato chamnacxo eb' yuj xivelal d'ayon̈, xchi eb' vin̈.

Josué 2:24 ပူးပေါင်းရင်းမြစ်များ

Ex 15:15

A eb' syajlil eb' 'aj Edom, toxn̈ej 'oj sat sc'ojl eb'. Ax eb' syajlil eb' 'aj Moab, 'oj laj 'ib'xoc eb' yuj xiwlal cha. 'Ixta pax eb' cananeo, 'oj laj sc'ub'c 'el sb'a eb'.

Ex 23:31

Tox 'ix wac' 'ejm smon̈jonal 'ajtil 'oj 'ec' lum e lum cha: tz'el yich lum 'a a Chac Mar, masnto tzc'och lum 'a a Éufrates, tz'ec' pax lum 'a a Mar Mediterráneo 'a 'aj 'ayc' eb' filisteo, masnto tzc'och lum 'a cusltac lu'um. 'Oj wa'ch eb' cajn 'a jun lugar chi 'a yol e c'ab', ax xo 'oj e pechl eb' 'a sat lum lum cha.

Pr 25:13

A junc checb' yiclum schecxi, lajn wal 'a spatron̈ 'icha yic tzcu'nec a sicla 'a yic caw 'ay qui tan̈til 'a scal c'ac', caw tzsicb' qui c'ojlec yu'uj, 'ixta jun checb' chi 'a spatron̈ cha.

Josué 1:8

May cab' b'a'n̈ tzcan awtn ch'an̈ un̈ 'aj tz'ib'b'il can ley, sc'ual, yac'wlil a cuyn ch'an̈, sec wach' 'oj a yiclc tas tz'ib'b'il can 'a ch'an̈. Toto 'oj a yicloc, wach' 'oj 'el'choc smasnil tas 'oj a b'o'.

Josué 2:23

Xlajw chi b'i'an, 'ix pax 'emt ewin chawn̈ 'ilwjum chi 'a lum jolm witz cha. X'e'x eb' 'a yojl a Jordán, 'ix c'ochx eb' 'aj 'aycn Josué. Syamn 'och eb' yaln 'a 'a, tas 'ix laj 'aj eb'.

Josué 5:1

Ax smasnil eb' sreyl eb' amorreo cajn 'a junx sc'axpil 'ec' sti a Jordán, 'a stojlal 'aj tz'em c'u, yet' pax eb' sreyl eb' cananeo cajn 'a sla'nil sti a Mar Mediterráneo, 'ix yab' eb' yab'xil, to tacjnac chan̈ a Jordán yuj Jehová yic ye't chon̈b' Israel 'a yojl a'. Yuj cha, caw wal xiw chan̈ eb', may xon junc eb' ste'wtzej sb'a sjaw yac' owl yet' eb' israel.

Josué 6:2

Palta xyaln Jehová 'a Josué 'ixtic: A ticnec tzwac' chon̈b' Jericó 'a yol e c'ab' yet' sreyal yet' pax eb' soldado.

Josué 8:1

'Ix yaln pax Jehová 'ixtc 'a Josué: Man̈ ach xiwoc, man̈ ach 'och 'il. 'Ij 'at smasnil eb' a soldado tic, tz'at a'nc owl 'a chon̈b' Hai. An 'oj wac' jun sreyl Hai chi 'a yol a c'ab', eb' 'anma', schon̈b' eb' yet' smasnil slum eb'.

Jueces 1:2

Xta'w Jehová 'a eb' 'ixtic: A eb' yin̈tl Judá tz'at yac' owl yet' eb' b'ab'el. An 'oj wac' lum lum chi 'a eb', xchi.

Jueces 18:10

A eb' 'anma cajn ta', 'ayc' eb' 'a junc'ojlal. Caw wal niwquil lum lum cha, may tas tzyac' palta 'a eb' 'anma cajn chi ta'. A Dios 'oj 'a'noc lum 'a yol qui c'ab'ec, xchi eb'.

Jueces 7:9

A 'a jun 'ac'wl cha, 'ix yaln Jehová 'ixtc 'a Gedeón: Lem, 'ixc muc'uc, 'at 'a'c owl yet' eb' madianita cha, yujto an tzwac' eb' 'a yol e c'ab'.