Josué 2:19 - Chuj San Sebastian Bible

¹⁹ Toto 'ay junc mach tz'elt 'a yol atut tic, ax tz'aji tzcham yuj owl cha, mun tzyij cot chaml chi 'a yib'an̈, may caln quic 'a on̈. Palta toto 'ay junc quit chon̈b' on̈, to a tzmiln junc mach 'ayc' 'a yol atut tic, toto 'ixta', quib'n̈ tzcan b'in on̈.

Chuj San Mateo Bible

¹⁹ Tato ay junoc tz'el d'a yol a pat tic ayic van cac'an oval chi', tato schami, max canlaj schamel chi' d'a quib'an̈, palta tato a d'a yol a pat tic ayec' junoc scham cuuj, a schamel chi' scan d'a quib'an̈.

Josué 2:19 ပူးပေါင်းရင်းမြစ်များ

A Ch'an̈ Schab'l Libro Samuel 1:16

A yic wan smilx scham win cha, ya' sb'a cha, xyaln David 'a win 'ixtic: —Mun ach 'ix ej cot chaml 'a eb'an̈, yic 'ix alni chajtlto ach 'ix a mil cham jun win rey sic'b'il 'och yuj Jehová, xchi.

A Ch'an̈ B'ab'el Libro Yic Yab'ixal Eb' Rey 2:32

'Och cab' smulc yuj Jehová, yujto man̈ yojcoc in mam, atn David, yic 'ix smiln cham win Joab chi win Abner yunnal Ner, sgeneralil eb' soldado israel, yet' pax Amasa yunnal Jeter, sgeneralil eb' soldado Judá. A eb' chawn̈ cha, caw wach' eb', yiclum eb'.

Ex 12:13

A schic'l no noc' chi 'oj e succh 'a smac eyatut cha, a 'oj ch'oxnoc 'ajtil 'ay te n̈a chi 'aj cajn ex, sec a yic 'oj wec' in mil cham eb' b'ab'l 'unn 'a eb' 'aj Egipto tic, may junc ex 'oj e chami. A yic 'oj wilnc 'och chic' cha, c'ax'e'l 'oj weq'ui.

Ex 12:22

Tze chan schic'l no 'a yol junc palagan, tze sayn jun yuchc te sc'ab' hisopo, tze lab'n 'ejm 'a scal schic'l no cha, tze sucn 'och 'a smasnil smarcoal smac eyatut. May junc ex tzex 'elt 'a sti smac eyatut, masnto tzsacb'i.

Ex 12:23

Yujto a yic 'oj 'ec' Jehová 'a jun 'ac'wl cha, 'oj 'ec' smil cham eb' 'anma 'a Egipto tic, ax yiln 'och chic' 'a sti smac eyatut cha, c'ax'e'l 'oj 'ec'oc, ma'oj chaxc 'och jun ángel chi smil eb' b'ab'l 'unn 'a yol eyatut.

Lv 20:11

Tzann̈j mach tzb'on 'ajmulal yet' yistzil smam, tzyi'n 'el sq'uixwel smam cha. A jun cha, yowlal tzchami, tzcham pax 'ix 'ix cha, mun a eb' tzyij cot chaml 'a yib'an̈.

Lv 20:9

Tzann̈j mach tzb'aj smam snun, a jun cha, yowlal tzchami, mun wal a tzyij cot chaml 'a yib'an̈.

Mt 24:17

A eb' 'ay q'ue 'a span̈nil yib'n̈ yatut, yic tz'em paxt eb', man̈x cab' 'och eb' yic' 'elt junc tas 'a yol yatut cha, yic tz'at eb' 'eloc.

A Tas Sc'ulejnac Eb' Schecab' Jesús Hechos 18:6

Palta ton̈j xcot yowl eb' 'a 'a. Caw xlaj b'uchwj eb' 'a 'a. Yuj cha, 'ix stzicb'tan̈n spichl yil eb', yic tzch'oxn senyail 'a eb', chajtlto ye'xn̈ej tzyij 'el sb'a 'a scal eb'. 'Ix yaln can 'a eb' 'ixtic: —Ax tic, mun tzeyij cot eyailal 'a eyib'n̈ 'a jun 'ejmn̈ej. An xo tic, man̈x 'a waln wic 'ayex. A ticnec, 'oj in 'at wal-l 'a eb' man̈ israeloc, xchi can 'a eb'.

A Tas Sc'ulejnac Eb' Schecab' Jesús Hechos 20:26

Yuj cha, a 'a jun c'u tic tzwalcni, man̈x 'a in cuenta 'ayex.

A Tas Sc'ulejnac Eb' Schecab' Jesús Hechos 27:31

Palta ax Pablo, x'at 'a win capitan̈ yet' 'a eb' soldado, xyaln 'a ewin 'ixtic: —Toto tz'el ewin 'a yol te barco tic, toxn ma'oj qui colchjec, xchi 'a eb'.

A Scarta San Pablo D'a Eb' Aj Filipos 3:9

Junxn̈ej tzin 'ajcn yet'oc. A ticnec, tzyal Dios to wach'n 'a sat, yujn̈ej to tzwa'ch in c'ojl 'a Cristo, man̈ yujoc to tzin yiclj tas tzyal ley yic Moisés. Palta yujn̈ej to tzwa'ch in c'ojl 'a Cristo, tzin 'och wach'l 'a sat Dios.

A Ch'an̈ Carta D'a Eb' Hebreo 10:29

Ax ticnec, toto tzqui patquilj can 'el Yunnal Dios, toto man̈x 'a yel'ch schic'l 'a qui satec, toto tzca'c sq'uixwloc Yespíritu Dios, atn jun 'ay schamc'ojlal 'ayn̈ec, toto 'ixta', ¿jantc tom wal niwn yailal 'oj qui cha 'a yib'n̈ eb' ma'ix yiclni ley yic Moisés? Yujto a schic'l Yunnal Dios cha, a 'a'jnac 'el'choc strato Dios 'ayn̈ec. Yu'uj, c'uxn x'el qui mul 'ayn̈ec.

Josué 2:12

Yuj cha, tzin tew 'och 'ayex, to tzeya'cn e ti 'ayn 'a sat Jehová, sec 'icha wal xwutj ex in colni, 'ixta pax tzeyutj e coln can 'el smasnil eb' wican. A ticnec b'i'an, toto tzeyac' 'el'choc tas wan waln tic, 'a'c junc senya 'ayin, sec wojtac to 'oj eyac' 'el'choc e ti cha.

Josué 2:14

'Ix ta'w ewin 'a 'ix 'ixtic: —Toto may 'aj tzal-l jun tic, tzcac' qui ti o'oj, to a yic 'oj ya'noc Jehová quico'oc jun lum tic on̈, 'oj ach qui na coti, ax ach qui coln can 'el on̈, xchi ewinac.

Josué 2:20

Toto tzal-l yab'xil tas tzwul qui b'o tic on̈, an̈ xo tic on̈, man̈x yowlalc tz'el'ch tas 'aj xca'cn qui ti 'ayach, xchi ewinac.