Josué 18:8 - Chuj San Sebastian Bible

⁸ Ax yic wan s'at eb' winc chi 'at yechtoc lum lum cha, xyaln Josué chi 'a eb' 'ixtic: —'Ixquec 'a sat smasnil lum lum cha, tzeyi'n chan̈ yechl lu'um, ax yic tzlajw eyiln lu'um, tzex meltzj paxi, sec an 'oj wa'ch suerte 'a yib'n̈ lum 'a yojltac Jehová 'a chon̈b' Silo tic, xchi 'a eb'.

Chuj San Mateo Bible

⁸ Ayic van sb'at eb' vin̈ yechtej lum chi', ix yalan vin̈aj Josué chi' d'a eb' vin̈: Ixiquec d'a masanil juntzan̈ luum chi', tze tz'ib'ani chajtil yaj luum. Ayic slajvi eyilan lum chi', tzex paxta, a inxo ol vac'och suerte d'a luum d'a yichan̈ Jehová d'a Silo tic, xchi vin̈ d'a eb' vin̈.

Josué 18:8 ပူးပေါင်းရင်းမြစ်များ

Gn 13:17

A ticnec, 'ixc muc'uc, tza b'eytzan smasnil ste'il, yet' sat jun lum tic, yujto 'oj wac' 'ayach, xchi Dios 'a Abram.

Is 34:17

Junjn no', checl yaj yet'l no', a Dios ch'oxjnac yet'l no 'aj tz'aji, ata 'oj 'aj cajn no 'a jun 'ejmn̈ej, xchi.

Ro 14:19

Yuj cha, caw tzqui na'ec, tas tzcutjec qui b'a, sec junc'ojlal tzon̈ 'ajc qui masnil. Tzqui nanec paxi, chajtl tzcutjec qui mol 'a'nec 'och qui te'nal.

Josué 13:7

A ticnec, pojcn 'ec' lum lum tic 'a eb' b'aln̈e 'in̈tal yet' 'a spacl xo eb' yin̈tl Manasés, xchi Dios 'a Josué.

Josué 15:1

A lum lum 'ix yique'ej eb' yin̈tl can Judá, xc'och lum 'a smon̈jonal yic Edom, ax 'a sur, 'ix c'och lum 'a lum cusltac lum yic Zin.

Josué 18:1

'A yic tox 'ix yijcan 'ec' eb' israel lum lum cha, syamn sb'a eb' smasnil 'a chon̈b' Silo, 'ix sb'on chan̈ eb' jun Mantiado 'aj tzqui chaj qui b'a yet' Dios.

Josué 18:10

'Ix ya'n 'och win Josué suerte 'a yib'n̈ lum 'a yojltac Jehová 'a Silo cha. Xlajw cha, spojn can 'ec' lum lum chi 'a scal eb' yit israelal cha.

Josué 18:6

Ax yic 'oj lajwc spojnc can eb' lum lum cha, ax yi'n cot eb' 'ayin, yuj tas yaj lu'um, ax wa'n 'och suerte 'a yib'n̈ lum 'a yojltac Jehová qui Diosalec.

Josué 18:9

'Ix 'at ewin pojm lum cha, 'ix 'ec' eb' yil smasnil lu'um. Uc c'aj xyutj eb' spojn lu'um, stz'ib'n eb' sb'i jun tzo'n̈ chon̈b' 'ay 'a junjn c'aj lu'um. Xlajw cha, xmeltzj eb' 'a camplamento 'a Silo, 'a 'aj 'aycn Josué.

A Ch'an̈ B'ab'el Libro Samuel 14:41

Yuj cha, xyaln Saúl 'ixtc 'a Jehová: —'A'ch suerte 'a quib'n̈ wal 'a stojlal, mach x'och smul 'a qui cal tic on̈, xchi. Ax x'aji, a 'a yib'n̈ Jonatán yet' 'a yib'n̈ Saúl, ata x'em jun suerte cha, ax eb' chon̈ab', 'ix colchj can 'el eb'.