Josué 18:14 - Chuj San Sebastian Bible

¹⁴ Axta tzmeltzj smon̈jonal chi 'a stojlal sur 'a lum witz 'ay 'a yojltac 'at Bet-horón, masnto 'a Quiriat-baal (tzcuch pax Quiriat-Jearim). Yic eb' yin̈tl Judá yaj jun chon̈b' cha, atn smon̈jonal lum tic 'ay 'a stojlal 'aj tz'em c'u.

Chuj San Mateo Bible

¹⁴ Smeltzajb'at smojonal chi' d'a stojolal sur d'a lum vitz ay d'a yichan̈ Bet-horón chi', masanto d'a Quiriat-baal, scuchanpax Quiriat-jearim, yic eb' yin̈tilal Judá yaj jun chon̈ab' chi'. Aton smojonal d'a stojolal b'aj tz'em c'u.

Josué 18:14 ပူးပေါင်းရင်းမြစ်များ

A Ch'an̈ Schab'l Libro Samuel 6:2

Xlajw cha, 'ix 'at David 'a Baala 'a yol yic Judá, ajun smasnil eb' soldado yet'oc yic tz'at yi'noc cot eb' te scaxail strato Dios, atn jun 'aj tzb'inax sb'i Jehová tztac' yuj smasnil, jun 'ay sdespacho 'a snan̈l eb' querubín.

Josué 15:60

Lum slajn̈c'ajil 'ay chab' chon̈b' yet' yaldeail, eb' lum 'ay 'a jolmtac witz: Atn Quiriat-baal, (atn pax tzcuch Quiriat-jearim) yet' Rabá.

Josué 15:9

Axta tzmeltzj 'a lum jolm witz cha, masnto 'a 'aj tzpac' a a yic Neftoa. Tzlajw cha, tz'atxi masnto 'a jun niwquil chon̈b' 'ay 'a lum witz yic Efrón, tz'e'x 'a Baala, atn jun chi tzcuch pax Quiriat-jearim.

Josué 18:13

Tz'atxi, axta tz'e'x 'a Luz (atn pax tzcuch Bet-el) 'a stojlal sur. Tz'emxi, masnto 'a Atarot-adar, atn jun witz 'ayc' 'a stojlal sur 'a yol yic Bet-horón lum 'ay 'a yalan̈.

Josué 18:15

Ax smon̈jonal lum 'ay 'a stojlal sur, ata tz'el yich 'a Quiriat-jearim, 'a stojlal 'aj tz'em c'u, masnto 'aj tzpac' a a yic Neftoa.

Josué 9:17

Xlajw xoj cha, 'ix 'at eb' soldado israel chi 'at yil eb'; ax 'a schab'jial 'ix c'och eb' 'a schon̈b' eb' cha, atn chon̈b' Gabaón, chon̈b' Cafira, chon̈b' Beerot yet' chon̈b' Quiriat-jearim.

A Ch'an̈ B'ab'el Libro Samuel 13:18

ax jun macn̈ xo eb' x'atcn 'a Bet-horón; ax eb' yic yoxmacn̈il, 'ix 'atcn eb' 'a lum span̈nil yic Zeboim, 'a 'aj tz'el yich lum cusltac lu'um.