Josué 18:13 - Chuj San Sebastian Bible

¹³ Tz'atxi, axta tz'e'x 'a Luz (atn pax tzcuch Bet-el) 'a stojlal sur. Tz'emxi, masnto 'a Atarot-adar, atn jun witz 'ayc' 'a stojlal sur 'a yol yic Bet-horón lum 'ay 'a yalan̈.

Chuj San Mateo Bible

¹³ Sb'atn̈ej, tz'ec' d'a yalan̈ emta chon̈ab' Luz scuchanpax Betel d'a sur, tz'emc'och d'a Atarot-adar d'a slac'anil lum vitz ay d'a sur yic junxo Bet-horón ay d'a yalan̈.

Josué 18:13 ပူးပေါင်းရင်းမြစ်များ

Gn 28:19

A 'a jun lugar cha, ata 'ay jun chon̈b' xon 'a pecti', tzcuch Luz, palta ax Jacob xjeln can sb'i, xya'n sb'ic Bet-el.

Nehemías 11:31

Ax eb' yin̈tl Benjamín, 'ay eb' xcan cajn 'a Geba, 'a Micmas, 'a Aía, 'a Bet-el yet' 'a yaldeail eb', yet' pax 'a Anatot, 'a Nob, 'a Ananías, 'a Hazor, 'a Ramá, 'a Gitaim, 'a Hadid, 'a Seboím, 'a Nebalat, 'a Lod, 'a Ono, yet' 'a lum pan̈n yic Carisim. An̈jtona', 'ay pax eb' levita schaj smacl lum 'a yol yic Judá yet' 'a yol yic Benjamín.

Josué 10:11

'Ay pax eb' xcob' yac' ganar s'at 'elc 'a eb' israel cha, ya' sb'a wan spichlj 'ejm eb' 'a lum span̈nil Bet-horón. Ax Jehová 'ix 'a'n cot jun tzo'n̈ niwc sq'uenal sacb'at 'a yib'n̈ eb', masnto 'a Azeca. Yel xo wal caw niwn eb' xcham yuj q'uen sq'uenal sacb'at cha, 'a yib'n̈ pax eb' xtzu'x cham yuj eb' israel cha.

Josué 16:5

A smon̈jonal slum eb' yin̈tl Efraín, tz'el yich 'a stojlal 'aj tzq'uel c'u, 'a Atarot-adar masnto tzc'och 'a Bet-horón, lum 'a yib'n̈q'ue'i.

Josué 18:14

Axta tzmeltzj smon̈jonal chi 'a stojlal sur 'a lum witz 'ay 'a yojltac 'at Bet-horón, masnto 'a Quiriat-baal (tzcuch pax Quiriat-Jearim). Yic eb' yin̈tl Judá yaj jun chon̈b' cha, atn smon̈jonal lum tic 'ay 'a stojlal 'aj tz'em c'u.

A Ch'an̈ B'ab'el Libro Samuel 13:18

ax jun macn̈ xo eb' x'atcn 'a Bet-horón; ax eb' yic yoxmacn̈il, 'ix 'atcn eb' 'a lum span̈nil yic Zeboim, 'a 'aj tz'el yich lum cusltac lu'um.