Josué 17:4 - Chuj San Sebastian Bible

⁴ Atn eb' 'ix tic, xjaw 'a yojltac win ya'mal 'och sti eb' 'anma 'a Dios, atn win Eleazar yet' 'a Josué yunnal Nun, yet' 'a eb' syajlil chon̈b' cha. Xyaln eb' 'ix 'ixtc 'a eb': —A Jehová 'ix aln can 'a Moisés, chajtlto tz'ajx qui lum on̈, 'icha tz'aj yajx yic eb' quican on̈, xchi eb' 'ix. Yuj cha, xya'n Josué slum eb' 'ix, 'icha yic eb' yican smam eb' 'ix cha, yujto 'ixta yutjnac Jehová yalni.

Chuj San Mateo Bible

⁴ Ix c'och eb' ix d'a yichan̈ vin̈aj sacerdote Eleazar yed' d'a yichan̈ vin̈aj Josué yed' eb' yajalil chon̈ab'. Ix yalan eb' ix icha tic d'a eb': A Jehová ix alancan d'a vin̈aj Moisés to tz'ac'jican co luum, icha ix aj yac'ji slum masanil eb' ay cuj co b'a yed'oc, xchi eb' ix. Yuj chi' ix ac'ji slum eb' ix yuj vin̈aj Josué icha ix aj yac'ji yic eb' ayto yuj sb'a eb' ix yed'oc, icha ajnac yalan Jehová.

Josué 17:4 ပူးပေါင်းရင်းမြစ်များ

Nm 27:1

A 'a yin̈tl can Manasés ata 'ay own̈ eb' 'ix 'ix to snul'j sb'a, atn eb' 'ix tic; Maala, Noa, Hogla, Milca yet' Tirsa. Yisl win Zelofehad eb' 'ix. A yin̈tl eb' 'a smam yicham, atn stzol-l eb' tic: Hefer, Galaad, Maquir, Manasés yet' José.

Nm 27:4

Man̈ wach'oc, toto tzsatl sb'i qui mam 'a scal eb' yin̈til, yujto may junc yunnal winac. Yuj cha, to tzeyac' qui macl lum chi 'on̈, 'elt cab' lum 'a eb' lum yic eb' yu'tac qui mam on̈, xchi eb' 'ix.

Nm 36:10

Yuj cha, ax eb' 'ix yisl Zelofehad, syiclj eb' 'icha xyutj Jehová yaln 'a Moisés, atn 'ix Maala, Tirsa, Hogla, Milca yet' 'ix Noa. 'Ix laj yij sb'a eb' 'ix yet' ewin yican can smam,

Gl 3:28

Man̈x 'a yel'chi, toto israel on̈, mto griego on̈. Wach'xam 'ayn̈ 'och mosoal to man̈ quico'oc qui b'a, wach'xam mun quic qui b'a, toxn̈ej winac, toxn̈ej 'ix, may yel'chi, yujto junxn̈ej cajc qui masnil yet' Cristo. 'Icha to junxn̈ej 'anmal cajc qui masnil.

Josué 14:1

A nan̈l slajn̈c'ajil eb' yin̈tl Israel mantzac schaj slu'um, 'ix schaj eb' slum chi 'a lum Canaán, lum xpojx can 'ec' yuj win Eleazar ya'mal 'och sti eb' 'anma 'a Dios, yet' Josué yunnal Nun, yet' eb' yajl yaj 'a junjn c'aj eb' yin̈tl Israel. Ton̈j xya'ch eb' suerte 'a yib'n̈ lu'um yic xpojx 'ec' can lum 'a eb', 'icha wal yaj yaln can Jehová 'a Moisés.

Josué 17:5

Yujto a eb' 'ix yisl Zelofehad, 'ix 'ajx slum eb' 'ix 'icha x'aj yajx slum eb' winac, yuj cha, to lajn̈ petn̈ slum eb' yin̈tl Manasés scha'aj. Chuc pax yaj lum yic Galaad, yet' lum yic Basán 'ix 'ajx 'a jun tzo'n̈ xo eb' yin̈tl Manasés cha, atn lum 'ay 'a stojlal 'aj tzq'uel c'u 'a sti 'ec' a Jordán. Yuj cha, ax lum Galaad 'ix 'ajx 'a jun tzo'n̈ xo eb' yin̈tl Manasés.

Josué 21:1

A eb' yajl yaj 'a eb' yin̈tl Leví, x'at eb' 'a chon̈b' Silo, 'a yol yic Canaán, yic tzpaxtin eb' yet' win ya'mal 'och sti eb' 'anma 'a Dios, atn Eleazar, yet' Josué yet' pax eb' yajl yaj 'a junjn 'in̈tal eb' israel cha. Ata xyal eb' 'a eb' 'ixtic: —A Jehová 'a'jnac yalcn Moisés, chajtlto tz'ajx qui chon̈b' 'aj wach' tzon̈ can cajn on̈, yet' pax lum swalab' qui cajb'en noc' on̈, xchi eb'.