Josué 17:18 - Chuj San Sebastian Bible

¹⁸ A wal lum jolmctac witz, lum caw 'ay stel sat cha, a 'oj eyico'oc, 'oj eyac' e nab'en e c'ann te te 'ay 'a sat lum cha, yujto ax 'oj eyico'oc lum smasnil. A eb' cananeo cajn 'a sat lu'um, 'oj e pechl eb' ta', wach'xam caw jeln eb', wach'xam 'ay pax sq'uen caruaje eb', xchi Josué 'a eb'.

Chuj San Mateo Bible

¹⁸ Yuj chi' a lum tzalquixtac te ay ste'al tzeyiquejcan smasanil, ol laj e ch'aquel te' ste'al lum chi'. Ol e satel eb' cananeo cajan ta', vach'chom te jelan eb', vach'chom ay pax scarruaje eb' q'ueen yic oval, xchi vin̈.

Josué 17:18 ပူးပေါင်းရင်းမြစ်များ

Gn 49:24

Palta ach tic, caw wal 'ay ep, te'nn̈ej yaj a jul-lab' yuj yip in Diosal an Jacob in tic, atn Wilmal, in Tan̈mal an Israel in tic.

A Ch'an̈ Schab'l Libro Samuel 18:6

Xlajw xoj cha, x'at eb' soldado chi 'a owl cha, axta schaj sb'a eb' yet' eb' yit israel chi 'a scalte yic Efraín, ata 'ix yac' eb' owl cha.

Ro 8:31

Yuj jun tzo'n̈ tzwal tic, caw man̈x 'a tas tzqui nac ticnec. Caw 'aych Dios quet'ec. Yuj cha, ¿tom 'ay junc mach tztac' ya'n ganar ya'n owl quet'ec?

Ro 8:37

Wach'xam 'oj jawc jun tzo'n̈ tic 'a quib'n̈ec, palta caw 'oj ca'c ganar yuj jun 'ay schamc'ojlal 'ayn̈ec.

Dt 33:17

Caw wach' yilx eb' yin̈tl José, 'icha junc sb'ab'l 'unnal junc no quelm wacax, caw jelan. 'Ay yip 'icha junc no simrón wacx caw niwc sch'a'ac. 'Oj stec smasnil chon̈ab', masnto 'aj tzlajw c'och yolyib'n̈q'uinl tic. A sch'ac chi tzch'oxn 'eli to caw 'ay yip, atn smil-l sb'isl eb' yin̈tl Efraín, yet' smil-l sb'isl eb' yin̈tl Manasés, xchi.

A Ch'an̈ Carta D'a Eb' Hebreo 13:6

Yuj cha, caw matz on̈ xiwc caln 'ixtic: A Cajlil, a tzcolwj wet'oc. Yuj cha, caw matz in xiw yuj tas 'oj in yutc eb' wit 'anma'il, xqui chi.

Josué 13:6

Ax eb' cajn 'a lum jolmctac witz 'a yol yic Líbano, masnto 'a Misrefot-maim, yet' smasnil eb' sidonio. An 'oj wi'l smasnil jun tzo'n̈ 'anma chi 'a eyojltac ax israel ex tic. Ach 'oj a po'jc lu'um, ax a'n lum yico'oc eb' et chon̈b' tic, yic tz'ochcn lum smacl lumoc eb', 'icha wal yaj waln can 'ayach.

Josué 15:9

Axta tzmeltzj 'a lum jolm witz cha, masnto 'a 'aj tzpac' a a yic Neftoa. Tzlajw cha, tz'atxi masnto 'a jun niwquil chon̈b' 'ay 'a lum witz yic Efrón, tz'e'x 'a Baala, atn jun chi tzcuch pax Quiriat-jearim.

Josué 17:17

Yuj cha, xta'w Josué 'a eb' yin̈tl José cha, atn eb' yic Efraín yet' eb' yic Manasés, xyaln 'a eb' 'ixtic: —Ax tic ma'oj stac' to cojn jun macn̈ lum lum tic 'oj eyic', yujto caw niwn e b'isul, caw jeln ex paxi.

Josué 20:7

Yuj cha, si'n 'el eb' israel jun tzo'n̈ chon̈b' 'aj wach' scoln sb'a eb' tzmilwji, atn jun tzo'n̈ chon̈b' tic: Quedes 'a Galilea 'a eb' lum jolmctac witz yic Neftalí, Siquem 'a jolm witz yic Efraín, Quiriat-arba (tzcuch pax Hebrón) 'a jolm witz yic Judá.

A Ch'an̈ B'ab'el Libro Samuel 1:1

A 'a chon̈b' Ramataim 'a yol slum eb' yin̈tl Efraín, ata cajn jun winc Elcana sb'i. Yunnal win Jeroham, yixchicn Eliú, schab'l 'ichicn win Tohu, win yunnal Zuf cajn 'a scal eb' yic Efraín.