Josué 17:16 - Chuj San Sebastian Bible

¹⁶ 'Ix yaln eb' 'ixtic: —Wal yel, a lum jolmctac witz, caw ma'oj 'e'choc lum 'ayn̈ on̈. Palta ax eb' cananeo cajn 'a span̈nil jun lum cha, 'ay sq'uen caruaje eb' yic owal, 'ixta pax eb' cajn 'a Bet-seán yet' eb' cajn 'a junjn yaldeail lum ya'lical Jezreel, xchi eb'.

Chuj San Mateo Bible

¹⁶ Ix yalan eb' icha tic: —Tocval ol yab' lum tzalquixtac tic d'ayon̈. A eb' cananeo cajan d'a ac'lic chi' ay scarruaje eb', icha pax chi' eb' cajan d'a Bet-seán yed' eb' cajan d'a juntzan̈ aldea d'a ac'lic Jezreel, xchi eb'.

Josué 17:16 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 18:45

Ax x'aji, yajn̈ej 'ix q'uic'b' 'och 'asn 'a satcha'an̈. 'Ix jaw wal jun niwquil 'ic', ax Acab 'ix 'och 'a yol scaruaje 'ix 'at 'a chon̈b' Jezreel. Ya' sb'a cha, 'ix cot wal jun niwquil n̈ab' cha.

A Ch'an̈ B'ab'el Libro Yic Yab'ixal Eb' Rey 18:46

Ax pax Elías cha, yajn̈ej 'ix sjaln snan̈l yet' spichul. 'Ix ya'n carela. 'Ix b'ab'l c'och 'a Jezreel yuj Acab, yujto a Jehová 'ix colwj yet'oc.

A Ch'an̈ B'ab'el Libro Yic Yab'ixal Eb' Rey 21:1

'Ay jun win 'aj Jezreel, Nabot sb'i winac, 'ay jab' slum win 'aj 'ay yawb'en uva 'a stz'ey 'aj 'ay sdespacho win Acab, win rey 'a chon̈b' Samaria.

A Ch'an̈ B'ab'el Libro Yic Yab'ixal Eb' Rey 21:23

Ax pax yuj 'ix Jezabel, 'ixtc xyutj Jehová yaln yuj 'ix: A e no tz'i 'oj chinc schib'jal 'ix Jezabel 'a yol smacb'en chon̈b' Jezreel, xchi.

A Ch'an̈ B'ab'el Libro Yic Yab'ixal Eb' Rey 4:12

Baana yunnal Ahilud, a 'ajcuenta yi'n cot jun tzo'n̈ chi 'a Taanac, 'a Meguido yet' 'a smasnil yol yic Bet-seán. A jun cha, junn̈j yaj yet' Saretán 'a yaln̈ 'emt Jezreel, tzchaj cot 'a Bet-seán, masnto tzc'och 'a Abel-meholá, yet' 'a junx scaxpil yic Jocmeam.

A Ch'an̈ Schab'il Libro Yic Yab'ixal Eb' Rey 9:10

Ax pax yuj 'ix Jezabel, a no tz'i 'oj chinc 'ejm 'ix 'a yol yic Jezreel, man̈x 'a mach 'oj mucnoc, xchi Jehová, xchi jun schecb' Dios cha. Ax yic xlajw yaln jun tzo'n̈ tic, xlajwn̈ej cha, 'ix sjacn spuertail jun n̈a cha, 'ix 'at 'eloc.

A Ch'an̈ Schab'il Libro Yic Yab'ixal Eb' Rey 9:37

A sniwnal cha, sactzicnac 'oj 'ajcn 'icha tz'aj spuct stza no noc' 'a sat lum 'a yol yic Jezreel, sec wach' may junc mach 'oj stac' yaln 'ixtic: A 'a tic mucn 'ix Jezabel, man̈ xchioc, xchi Dios, xchi Elías cha, xchi Jehú.

Jeremías 49:2

Palta an Jehová in, an tzwala: 'Ay wal jun c'u 'oj jawoc, caw 'oj 'ab'xoc yel 'aw yic owl 'a chon̈b' Rabá, atn sniwquil chon̈b' eb' amonita. Jun b'uln̈ 'oj 'ajcn chan̈ sma'x 'ejm lan̈chjoc. Smasnil jun tzo'n̈ yaldeail, 'oj tz'a yuj c'ac'. An Jehová in, an tzwala, to 'ixta 'oj yutc eb' israel yi'n can pax 'ec' slum jun 'ejm xo.

Josué 17:11

'Ix yij pax eb' yin̈tl Manasés chi jun tzo'n̈ xo chon̈ab', atn eb' lum xcan 'a yol yic Isacar yet' 'a yic Aser, junjn eb' chon̈b' chi yet' yaldeail 'ay 'a stz'ey: Atn Bet-seán, Ibleam, Dor, Endor, Taanac, Meguido, yet' pax 'oxe xo chon̈b' yamn yaji.

Josué 17:15

—Ya sb'a to caw niwn e b'isl ax tic, ma'ix 'e'ch lum jolmctac witz yic Efraín 'ayex, 'ixquec 'a lum calcte 'a lum yic eb' ferezeo yet' 'a lum yic eb' yin̈tl Refa. A lum chi tze ch'acte'ej, xchi Josué 'a eb'.

Josué 17:17

Yuj cha, xta'w Josué 'a eb' yin̈tl José cha, atn eb' yic Efraín yet' eb' yic Manasés, xyaln 'a eb' 'ixtic: —Ax tic ma'oj stac' to cojn jun macn̈ lum lum tic 'oj eyic', yujto caw niwn e b'isul, caw jeln ex paxi.

Josué 17:18

A wal lum jolmctac witz, lum caw 'ay stel sat cha, a 'oj eyico'oc, 'oj eyac' e nab'en e c'ann te te 'ay 'a sat lum cha, yujto ax 'oj eyico'oc lum smasnil. A eb' cananeo cajn 'a sat lu'um, 'oj e pechl eb' ta', wach'xam caw jeln eb', wach'xam 'ay pax sq'uen caruaje eb', xchi Josué 'a eb'.

Jueces 1:19

A Jehová, a 'ayc' yet' eb' yin̈tl Judá, yuj cha, sta'n yi'n 'ec' eb' lum jolmctac witz, palta ma'ix stac' spechx 'el eb' cajn 'a lum pan̈n chi yuj eb', yujto a eb' cha, 'ay sq'uen caruaje eb' yic owal.

Jueces 4:13

yuj cha, syamtzan win Sísara chi b'aln̈e ciente scaruaje yic owal, yet' smasnil eb' soldado 'ayc' yet'oc, x'atn̈j eb' 'a Haroset-goim, masnto 'a sti a Cisón.

Jueces 4:3

A win Jabín cha, 'ay b'aln̈e ciente scaruaje win yic owal, 'aych q'uen hierro 'a spatquil. Junc'l ab'il xcan eb' israel 'a yol sc'ab' winac. Caw wal x'ixtx eb' si'mb'il, yuj cha, xtew eb' 'a Jehová, sec tzcolx eb' yu'uj.

Jueces 6:33

A 'a yic jun tiempoal cha, syamn sb'a smasnil eb' madianita, eb' amalecita, yet' jun tzo'n̈ xo eb' cajn 'a stojlal 'aj tzq'uel c'u. Junxn̈ej xyutj sb'a eb'. 'Ix c'axw 'ec' eb' 'a a Jordán, axta sb'o eb' scamplamento 'a span̈nil Jezreel.

A Ch'an̈ B'ab'el Libro Samuel 29:1

'Ix yac' eb' filisteo syam sb'a smasnil soldado 'a lum Afec, ya' sb'a 'ayc' eb' israel 'a scamplamento 'a spac'b'a yic Jezreel.