Josué 13:30 - Chuj San Sebastian Bible

³⁰ A eb' x'ica'an smasnil lum yic win Og sreyl Basán, smasnil lum Mahanaim yet' 60 chon̈b' 'ay 'a yol yic Jair 'a yol yic Basán cha.

Chuj San Mateo Bible

^30-31 A slum eb' chi' sb'atn̈ej d'a Mahanaim, aton lum yic vin̈aj Og sreyal Basán d'a peca' yed' pax chon̈ab' Astarot yed' Edrei b'aj ec'nac cajan vin̈aj Og chi'. Ix ochpaxcan nan̈alxo lum yic Galaad d'a yol smacb'en nan̈alxo eb' yin̈tilal Maquir. Axo 60 chon̈ab' d'a yol yic Basán chi', ata' ix can cajan eb' yin̈tilal Jair yin̈tilalcan Manasés. A eb' yin̈tilalcan Manasés chi', ay b'aj scuchpax eb' yin̈tilal Maquir, yujto a vin̈aj Maquir chi' yuninal vin̈aj Manasés.

Josué 13:30 ပူးပေါင်းရင်းမြစ်များ

Gn 32:3

Xlajw cha, xchecn 'at Jacob jun tzo'n̈ eb' schecb' 'a lum Seir, 'a yol yic Edom, yic tz'at alxoc yab'xil 'a Esaú chajtlto wan sjapx jun yu'tac chi 'a 'a.

Nm 21:33

Xlajw cha, 'ix meltzj eb', 'ix stojlb'tzan 'at sb'a eb' 'a stojlal lum Basán, palta ax win Og, win sreyl Basán, 'ix 'elt yet' eb' soldado smasnil yic tzya'n owl yet' eb' israel chi 'a lum Edrei.

Dt 3:10

C'uxn xquijec 'ec' jun tzo'n̈ chon̈b' 'aj tzyac' win Og yajlil, atn smasnil lum chon̈b' 'ay 'a lum pan̈n cha, smasnil lum Galaad yet' lum Basán, masnto tzc'och 'a chon̈b' Salca yet' 'a chon̈b' Edrei, xchi Moisés.

Dt 3:4

An̈jtona', 'ix quijec 'ec' smasnil eb' chon̈b' 'ay 'a yol slugar win cha, man̈x 'a junc xcan cujec. 'Ay 60 eb' lum chon̈b' chi 'a smasnil, tzyal 'el'chi, smasnil lum chon̈b' 'ay 'a yol yic Argob, 'a 'aj tzyac' win Og yajlil 'a lum Basán.

Josué 13:26

Tz'el yich 'a Hesbón, masnto tzc'och 'a Ramat-mizpa, yet' Betonim, tz'eln̈j lum 'a Mahanaim, masnto tzc'och 'a smon̈jonal yic Debir.

Josué 13:29

'Ixta pax 'a spacl eb' yin̈tl Manasés, 'ix ya'cn Moisés slum eb', 'ix pojx 'ec' lum lum chi 'a eb', a tzyal jayc'aj eb'.