Josué 13:29 - Chuj San Sebastian Bible

²⁹ 'Ixta pax 'a spacl eb' yin̈tl Manasés, 'ix ya'cn Moisés slum eb', 'ix pojx 'ec' lum lum chi 'a eb', a tzyal jayc'aj eb'.

Chuj San Mateo Bible

²⁹ An̈ejtona', yac'nacpaxcan slum nan̈alxo eb' yin̈tilalcan Manasés vin̈aj Moisés chi', ato syal jay macan̈ pax yaj eb'.

Josué 13:29 ပူးပေါင်းရင်းမြစ်များ

1 Cr 5:23

Ax junx spacl 'in̈tal eb' yic Manasés, yujto caw 'ix niwtj eb', yuj cha, 'ix c'och cajn eb' 'a jun lum lum 'ay 'a yol yic Basán, masnto tzc'och jun lum chi 'a Baal-hermón, atn Senir mto switzl Hermón.

Nm 32:22

'Ixtnta 'oj eyutc eyi'n can 'ec' lum lum chi yuj Jehová. A yic tox xlajw 'el eb' 'anma chi 'a sat lu'um, tztac' xo e meltzj paxta, yujto tzeyiclj tas 'aj tzeyac' e ti 'a Jehová yet' 'a eb' quit chon̈b' tic. 'Ixta to b'i'an, ax eyica'an lum lum tic yuj Jehová.

Nm 32:40

'Ixtnta xyutj Moisés ya'n can lum Galaad chi 'a eb' yin̈tl Maquir, 'ix can cajn eb' ta'.

Dt 3:13

Ax jab'x lum Galaad cha, smasnil lum Basán, 'a 'aj ya'jnac win Og yajlil, yet' smasnil lum Argob, checl yaj 'a sat eb' 'anma', to yic eb' niwc stel lu'um. A lum chi xwac' 'a spacl eb' yin̈tl Manasés.

Josué 13:28

Atn lum lum tic xyique'ej can eb' yin̈tl Gad. A tzyal jayc'aj eb' 'a smacl cha, 'ixta slum eb' x'ajxi'; x'ajx schon̈b'al yet' yaldeail 'a eb'.

Josué 13:30

A eb' x'ica'an smasnil lum yic win Og sreyl Basán, smasnil lum Mahanaim yet' 60 chon̈b' 'ay 'a yol yic Jair 'a yol yic Basán cha.

Josué 17:5

Yujto a eb' 'ix yisl Zelofehad, 'ix 'ajx slum eb' 'ix 'icha x'aj yajx slum eb' winac, yuj cha, to lajn̈ petn̈ slum eb' yin̈tl Manasés scha'aj. Chuc pax yaj lum yic Galaad, yet' lum yic Basán 'ix 'ajx 'a jun tzo'n̈ xo eb' yin̈tl Manasés cha, atn lum 'ay 'a stojlal 'aj tzq'uel c'u 'a sti 'ec' a Jordán. Yuj cha, ax lum Galaad 'ix 'ajx 'a jun tzo'n̈ xo eb' yin̈tl Manasés.

Josué 22:7

Spacln̈ej eb' yin̈tl Manasés 'ac'b'ilx can smacl lum 'a yol yic Basán yuj Moisés. Ax spacl xo eb', a Josué a x'a'n slum eb' 'a stojlal 'aj tz'em c'u 'a a Jordán. A yic 'ix yaln can sb'a Josué 'a eb' 'ix can smacl 'a stojlal 'aj tzq'uel c'u 'a sti a Jordán, xyaln can wach' paxti 'a yib'n̈ eb',