Josué 11:23 - Chuj San Sebastian Bible

²³ Yuj cha, 'ixta wal xyutj Josué yi'n can 'ec' smasnil lum lum cha, 'icha wal yaj yaln can Jehová 'a Moisés. Xlajw cha, spojn can 'ec' Josué chi lum 'a scal eb' yit israelal, yic tz'ochcn lum smacl lumoc eb'. A yic xlajw ye'cn jun tzo'n̈ cha, 'ixta to b'i'an, 'ix 'och wan owl 'a jun tzo'n̈ lugar cha.

Chuj San Mateo Bible

²³ Icha val chi' ix aj yic'ancanec' masanil lum luum chi' vin̈aj Josué chi', icha val ajnac yalan Jehová d'a vin̈aj Moisés. Ix lajvi chi', ix spucanec' lum vin̈ d'a scal masanil yin̈tilal Israel chi', yic smacb'enan luum eb'. Ix lajvi juntzan̈ chi', ichato chi' ix och vaan oval d'a juntzan̈ lugar chi'.

Josué 11:23 ပူးပေါင်းရင်းမြစ်များ

Nehemías 9:24

'Ix c'och eb' yunnal eb' yi'c lum Canaán. Ach 'ix ac' 'ajxc ganar eb' 'anma cajn 'a sat lu'um. A eb' rey yet' eb' 'anma cajn 'a jun lum cha, 'ix a'ch eb' 'a yol sc'ab' eb'; 'ix sb'on eb' tas tznib'j sb'o 'a eb' cananeo cha.

Salmos 46:9

'Ix yac' lajwc jun tzo'n̈ owal, masnto 'aj tzlajw c'och yolyib'n̈q'uinl tic; 'ix wecchj can jul-lab' yu'uj, 'ix wecchj can pax jun tzo'n̈ lanza, xya'n can 'och sc'a'l jun tzo'n̈ caruaje yic owal.

Ex 34:11

Yicljec smasnil tas 'ix wal 'ayx tic, sec an xo 'oj wi'l eb' 'anma chi 'aj 'oj e c'och cha, atn eb' amorreo, eb' cananeo, eb' hitita, eb' ferezeo, eb' heveo yet' eb' jebuseo.

Dt 1:38

A Josué win yunnal Nun, win a checab', a win 'oj 'ochx can a jeloc, yic tzyi'n b'ey jun chon̈b'al eb' 'anma tic. 'A'cn snab'enoc, yujto a 'oj 'a'noc 'och eb' et chon̈b' 'a sat lum lum cha.

Dt 25:19

Yuj cha, a yic 'oj e colx 'el yuj Jehová qui Diosalec, a eb' 'ajc'ojl oyn 'och 'a sti lum lum 'oj yac' Jehová Dios eyico'oc, yowlal tze satl yab'xil eb' yin̈tl Amalec 'a sat lum lum cha, man̈ eyac' sat e c'ojl 'a jun checnb'il tic.

Josué 11:18

Caw najtl xyac' Josué owl yet' eb' rey cha.

Josué 12:7

Xlajw cha, ax Josué yet' eb' yit israelal cha, 'ix yac' eb' owl yet' jun tzo'n̈ eb' rey. 'Ix 'ejm eb' yuj eb' israel, atn eb' 'ay 'a sc'axpil 'ec' sti a Jordán 'a stojlal 'aj tz'em c'u, tz'atn̈j 'a lum Baal-gad 'a span̈nil lum Líbano yet' eb' 'ay 'a lum jolm witz Halac 'a stojlal norte, tzcan 'a stz'ey stojlal sur yic Edom. Locn eb' 'ay 'a lum yichtc witz 'a stz'ey lum span̈nil sti a Jordán 'a stojlal 'aj tz'em c'u, yet' eb' 'ay 'a lum cusltac lum tzcan 'a stojlal sur. 'Ix yij 'ec' eb' israel slum eb' hitita, eb' amorreo, eb' cananeo, eb' ferezeo, eb' heveo yet' eb' jebuseo. Ax Josué 'ix pojn 'ec' jun tzo'n̈ lum chi 'a eb' yit israelal.

Josué 18:10

'Ix ya'n 'och win Josué suerte 'a yib'n̈ lum 'a yojltac Jehová 'a Silo cha. Xlajw cha, spojn can 'ec' lum lum chi 'a scal eb' yit israelal cha.

Josué 22:4

A ticnec, a Jehová xyac' 'el'choc sti ya'jnac cani, a eb' quit chon̈b'ec smasnil 'ayx sjunc'ojlal eb'. Yuj cha, a ticnec meltzjan̈ec, paxn̈ec 'a eyet'l 'a 'aj 'aycn e macl lum ya'jnac can Moisés 'ayx 'a stojlal 'aj tzq'uel c'u 'a sc'axpil 'ec' a Jordán.

Josué 23:1

Niwn xo tiempo scan eb' israel 'a junc'ojlal yuj Jehová yet' eb' 'ajc'ojol, ax yic caw 'ichm winc xo Josué,