Josué 11:21 - Chuj San Sebastian Bible

²¹ An̈jtona', a 'a yic jun tiempoal cha, ata 'ix yijcan 'ec' Josué smasnil jun tzo'n̈ chon̈b' 'aj cajn 'ec' eb' yin̈tl Anac 'a lum Hebrón, 'a Debir, 'a Anab yet' 'a smasnil lum jolmctac witz yic Judá yet' lum yic Israel.

Chuj San Mateo Bible

²¹ An̈ejtona' d'a jun tiempoal chi' ix satjiel masanil juntzan̈ chon̈ab' tic yuj vin̈aj Josué, aton b'aj cajan eb' yin̈tilal vin̈aj Anac: Hebrón, Debir, Anab, masanil tzalquixtac yic Judá yed' d'a yol yic Israel.

Josué 11:21 ပူးပေါင်းရင်းမြစ်များ

Jeremías 3:23

Wal yel, nab'an̈ej on̈ xit'c ca'ch sq'uin̈l jun tzo'n̈ comn dios 'a lum jolmctac witz. Palta cojn 'aych Jehová qui Diosal on̈, ata 'ay qui colnb'il on̈.

Jeremías 9:23

'Ix yaln pax Jehová 'ixtic: A eb' jelan, man̈ cab' yac' eb' tzaljoc sc'ojl yet' sjelnal. An̈jtona eb' 'ay yip, man̈ cab' yac' eb' tzaljoc sc'ojl yet' yip, an̈jtona eb' rico, man̈ cab' yac' eb' tzaljoc sc'ojl yet' sricoal cha.

Am 2:9

An Jehová in, an tzwala, to in satjnac 'el eb' amorreo, yuj wa'n slum eb' 'ayex. Wach'xam niwc stel eb' 'icha te c'ute', wach'xam tzatz eb' 'icha te jiy, palta 'oj in satl eb' 'a jun 'ejmn̈ej.

Nm 13:33

'Ix quil eb' niwc stel ta 'on̈, atn eb' yin̈tl can win Anac. An̈ec xo tic, yo'lab' wal tzon̈ 'ajc 'och wetzn 'a stz'ey eb' 'icha no cotc c'ulub', an̈jtona', 'ixta pax on̈ yiln 'och eb', xchi eb'.

Dt 1:28

Ax ticnec, ¿'aj wach' tzon̈ c'ochec? A eb' quit chon̈b'ec tic, 'ix yal eb' to a 'a jun lugar cha, 'ay eb' 'anma caw jeln to 'a quib'n̈ec. Caw niwc stel eb', caw niwc pax ab' schon̈b' eb', chan̈ pax ab' ya'jt smuroal schon̈b' eb' cha. Xyiln pax ab' eb' ewin yin̈tl win Anac, atn eb' niwc ste'il, caw 'ay smay eb', atn wal yuj jun tzo'n̈ eb' cha, caw tzon̈ xiwec, xe chi.

Dt 2:21

A eb' 'anma cha, caw niwn sb'isl eb' 'a yol schon̈ab', caw niwc pax stel eb'. Lajn eb' 'icha eb' yin̈tl Anac. Palta a Jehová, a satn 'el eb' yuj eb' amonita. A yic xlajw 'el eb' 'a sat lu'um, ax eb' amonita chi xcajn lu'um.

Dt 9:2

A eb' 'anma cajn ta', niwc wincn̈ej eb', niwc stel eb', yin̈tl can win Anac eb', cab'jnaquec yalxi: ¿Mach wal junc 'oj ste'wtzoc sb'a 'a yojltac eb' yin̈tl win Anac? xchi.

Apoc 6:2

Ax xwilni, 'ay jun chej caw sac, 'ay jun 'ay q'ue 'a yib'an̈, yamb'il jun sjul-lab' yu'uj. 'Ix 'ajx pax jun scorona. Xlajw cha, x'ati, x'at ya'nc owal, yuj ya'n ganar si'mb'il.

Jueces 1:20

'Ix ya'n eb' lum Hebrón 'a Caleb, 'icha yaj yaln can Moisés. Ax Caleb chi 'ix pechn 'el eb' 'oxwn̈ yin̈tl can yunnal win Anac.