Josué 11:1 - Chuj San Sebastian Bible

¹ A yic xyab'n win Jabín sreyl Hazor yuj smasnil jun tzo'n̈ tic, 'ix ya'n 'at win schecb' 'a win Jobab sreyl Madón, 'a win sreyl Simrón yet' 'a win sreyl Acsaf, yic tzyaln 'at sti', to junn̈j tzyutj sb'a eb'.

Chuj San Mateo Bible

¹ Ayic ix yab'an vin̈aj Jabín sreyal Hazor masanil juntzan̈ chi', ix yac'anb'at schecab' vin̈ d'a vin̈aj Jobab sreyal Madón, d'a vin̈ sreyal Simrón yed' d'a vin̈ sreyal Acsaf, yic junn̈ej tz'aj eb' vin̈.

Josué 11:1 ပူးပေါင်းရင်းမြစ်များ

A Ch'an̈ Schab'l Libro Samuel 10:15

'Ix yiln eb' sirio cha, to xlajw 'el eb' yuj eb' israel, yuj cha, 'ix syamn pax sb'a eb' jun 'ejm xo.

A Ch'an̈ B'ab'el Libro Yic Yab'ixal Eb' Rey 4:11

A yunnal Abinadab, a yistzil, atn 'ix Tafat yisl Salomón, a 'ajcuenta yi'n cot jun tzo'n̈ chi 'a smasnil yol smacb'en Dor.

A Ch'an̈ B'ab'el Libro Yic Yab'ixal Eb' Rey 9:15

'Ix ya'ch win rey Salomón eb' yin̈tl eb' cananeo 'a munljel 'a 'ac'b'il puralil, atn eb' man̈ chamncoc yuj eb' israel yic yi'n can 'ec' eb' slum eb' cananeo cha. Tzyal 'el'chi atn eb' amorreo, eb' hitita, eb' ferezeo, eb' heveo yet' eb' jebuseo. Moson̈ej yaj eb', man̈ yico'oc sb'a eb'. Yuj smunljel eb', 'ix sb'on win Salomón yatut Dios yet' yatut winac. Sb'ojnac pax eb' 'anma chi jun tzo'n̈ xo chon̈ab': atn Hazor, Meguido yet' Gezer. (A win sreyl Egipto, ya'jnacx win owl yet' chon̈b' Gezer cha, 'emnc yuj winac, smiln cham win smasnil eb' 'anma cajn ta', sn̈usn can pax win jun chon̈b' cha. A jun chon̈b' chi siyj can win 'a 'ix yisil, yic xnupn 'ix yet' Salomón. Ax Salomón chi 'ix b'on pax jun chon̈b' chi jun 'ejm xo yuj smunljel eb' cananeo cha.) An̈jtona', a pax eb' xyac' win b'onc chon̈b' Bet-horon jun 'ay 'a yaln̈ 'ejmi, Baalat, yet' Tamar, ata 'ay 'a lum cusltac lum yic Judá, yet' jun tzo'n̈ chon̈b' 'aj tzmolx tas tzc'uxxi, yet' jun tzo'n̈ chon̈b' 'aj 'ay no chej tz'och 'a jun tzo'n̈ caruaje yic owal. Sb'on pax eb' smasnil jun tzo'n̈ xo tas 'ix yac' Salomón sb'o eb' 'a Jerusalén, 'a Líbano yet' 'a smasnil yol smacb'en. A pax eb' lan̈jnac jun tzo'n̈ lum ch'olctac 'a stojlal 'aj tzq'uel c'u 'a Jerusalén. Sb'o eb' jun tic, yic tox 'ix 'el 'ix yisl win sreyl Egipto, 'ix yistzil win Salomón 'a yol Schon̈b' David, 'ix c'och cajn 'ix 'a yatut 'ix sb'o win 'a junx lugar. 'Ay 550 eb' winc 'aych yilmalc jun tzo'n̈ munljel cha. May junc eb' yit chon̈b' Salomón chi xyac' pural smunlj 'a jun tzo'n̈ munljel cha. A yic eb', to x'och eb' syajlilc eb' soldado yic tz'ijx b'ey eb' yuj eb', x'och eb' comandanteil, capitan̈il 'a jun tzo'n̈ caruaje, yet' 'a jun tzo'n̈ eb' soldado tz'ec' 'a yib'n̈ chej.

A Ch'an̈ Schab'il Libro Yic Yab'ixal Eb' Rey 15:29

A 'a yol stiempoal Peka win sreyl Israel, ata 'ix jaw win Tiglat-pileser sreyl Asiria yet' eb' soldado, xyac' eb' owl yet' eb' Israel. 'Ix yac' ganar eb' 'aj Asiria jun tzo'n̈ chon̈b' tic: Atn Ijón, Abel-bet-maacá, Janoa, Cedes, Hazor, Galaad, Galilea, yet' smasnil smacb'en Neftalí; 'ix 'ijx 'at eb' 'anma 'aj jun tzo'n̈ chon̈b' tic 'a chon̈b' Asiria.

Is 26:11

Mamin Jehová, caw wach'x yaj yailal o'oj, palta matz nachj 'el yuj eb' 'anma'. A yic 'oj yilnc eb' a niwquil chamc'ojlal 'a eb' a chon̈ab', caw 'oj q'uixwc can 'el eb' 'ajc'ojl yajch 'ayach, satl cab' eb' yuj yowl a c'ojl tzn̈ilchj 'icha te c'ac'.

Is 43:2

A yic 'oj eyec' 'a yojl a mar, mto yic 'oj e c'axb'toc a niwc a tzb'eyi, ma'oj e jic' a'. A yic 'oj eyec' 'a scal c'ac', ma'oj e tz'a'i, yujto 'ayn 'ec' eyet' ta'.

Josué 10:43

Xlajw xoj cha, 'ix meltzj Josué yet' smasnil eb' soldado 'a 'aj 'ay scamplamento 'a Gilgal.

Josué 11:10

Xlajw cha, xmeltzj pax Josué yet' eb' soldado, 'ix jaw eb' 'a chon̈b' Hazor. 'Ix smiln can win sreyl jun chon̈b' cha, yet' smasnil eb' cajn ta', c'uxn satl smasnil yuj eb', sn̈usn can eb' jun chon̈b' cha. Atn jun chon̈b' tic caw niwn yel'ch 'a scal jun tzo'n̈ xo eb' chon̈b' cha.

Josué 9:2

'Ix smol aln eb', to junn̈j tzyutj sb'a eb' yic tzya'n eb' owl yet' Josué yet' pax eb' israel cha.

Jueces 4:17

Palta ax win Sísara, 'ix c'och win 'elc 'a 'aj 'ay smantiado 'ix Jael, atn 'ix yistzil win Heber quenita, yujto wach' yaj win Jabín sreyl Hazor yet' eb' yunnal win Heber cha.

Jueces 4:2

Yuj cha, xya'n Dios eb' 'a yol sc'ab' win Jabín sreyl Canaán, win ya'jnac reyl 'a Hazor. A win syajlil eb' soldado win rey cha, atn win tzcuch Sísara. Ata cajn win 'a Haroset-goim.

Jueces 5:19

Xlajw cha, xjaw eb' rey yac' owal. Xjaw eb' sreyl Canaán yac' owl 'a Taanac, 'a sti a a tzcuch Meguido, palta may tumin, may ricoal xyij eb'.