Josué 10:37 - Chuj San Sebastian Bible

³⁷ A yic x'och eb' 'a jun chon̈b' cha, 'ix lajw can 'el jun chon̈b' chi smasnil yuj eb'. Smiln can eb' win rey, smasnil eb' 'anma', no cajb'en noc' yet' jun tzo'n̈ xo chon̈b' 'a sla'nil cha. 'Icha xyutj can eb' chon̈b' Eglón, 'ixta xyutj can eb'.

Chuj San Mateo Bible

³⁷ Ayic ix och eb' chi' d'ay, ix satanel eb' d'a juneln̈ej. Ix smilancham vin̈ sreyal jun chon̈ab' chi' eb' yed' masanil anima yed' juntzan̈xo anima ay d'a juntzan̈xo chon̈ab' d'a slac'anil chi', icha val ix aj Eglón.

Josué 10:37 ပူးပေါင်းရင်းမြစ်များ

Ex 17:13

'Ixta 'ix yutj Josué ya'n ganar eb' amalecita 'a owal.

Josué 10:28

A 'a jun c'u cha, ata 'ix 'och pax Josué 'a yol chon̈b' Maceda yet' eb' soldado. 'Ix satcn 'el eb' jun chon̈b' cha, smiln can eb' smasnil 'anma cajn ta', man̈x 'a xon junc xcani. 'Icha wal yutjnac Josué win sreyl chon̈b' Jericó, 'ixta pax xyutj win sreyl chon̈b' Maceda cha.

Josué 10:35

A 'a jun c'u cha, ata smil cham smasnil eb' 'anma cajn 'a jun chon̈b' cha, yet' smasnil no noc'. 'Icha wal x'ajcn chon̈b' Laquis, 'ixta xyutj can eb' jun chon̈b' cha.

Josué 10:36

'Ix 'atx Josué yet' smasnil eb' soldado 'a Eglón, axta xc'ochx eb' 'a chon̈b' Hebrón, 'ix ya'n pax eb' owl ta'.

Josué 10:38

'Ix 'atx Josué yet' smasnil eb' soldado, axta xc'ochx eb' yac' owl 'a chon̈b' Debir.

Josué 10:39

'Ix smiln cham eb' sreyl jun chon̈b' cha, yet' pax smasnil 'anma cajn 'a stz'ey cha. Man̈x 'a xon junc 'anma pitzn xcan ta', c'uxn xlajw 'el eb' smasnil. 'Icha wal xyutj can eb' Hebrón yet' sreyal, Libna yet' sreyal, 'ixta pax xyutj can eb' junx chon̈b' cha.

Josué 10:40

A Josué satn 'el smasnil eb' 'anma cajn 'a jun tzo'n̈ lugar cha. 'Ix satl smasnil eb' rey 'ay 'a lum jolmctac witz, eb' 'ay 'a yol yic Neguev, eb' 'ay 'a lum niwc pan̈an yet' eb' 'ay 'a lum pa'ctac. C'uxn xcham eb' smasnil yu'uj, man̈x 'a xon wal junc mach pitzn xcan 'a jun tzo'n̈ chon̈b' cha. C'uxn satl eb' smasnil 'icha yaj yaln Jehová, atn sDiosal Israel.

Josué 11:12

'Ixta pax xyutj Josué smasnil jun tzo'n̈ xo chon̈b' junn̈j xyutj sb'a cob' yet' jun chon̈b' cha. C'uxn xmilx cham eb' rey 'a jun tzo'n̈ chon̈b' chi yet' q'uen espada, c'uxn satl smasnil tas 'ay 'a junjn chon̈b' cha, 'icha yaj yaln can Moisés, win schecb' Dios.