Josué 10:30 - Chuj San Sebastian Bible

³⁰ 'Ix 'ajx jun chon̈b' chi yet' sreyl 'a yol sc'ab' eb' soldado israel yuj Jehová. Man̈x 'a junc mach pitzn xcan 'a jun chon̈b' cha. 'Icha wal 'ajnc win sreyl Jericó yuj eb', 'ixta 'ix yutj eb' win sreyl Libna cha.

Chuj San Mateo Bible

³⁰ Ix ac'jipaxoch jun chon̈ab' chi' yed' sreyal d'a yol sc'ab' eb' yuj Jehová. Man̈xa junoc ix can ta'. Ix smilcham vin̈ sreyal Libna chi' eb' icha val ix aj vin̈ sreyal Jericó.

Josué 10:30 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 10:11

Xlajw cha, 'ix swach' miln cham Jehú jaywn̈ xo eb' yin̈tl Acab 'a Jezreel cha, eb' niwn yel'chi, eb' to caw swach'c'ojl sb'a yet'oc, yet' eb' 'aych ya'malc 'och sti eb' 'a sdioal yu'uj, man̈x 'a junc eb' xcan 'a spitznal.

Nm 32:22

'Ixtnta 'oj eyutc eyi'n can 'ec' lum lum chi yuj Jehová. A yic tox xlajw 'el eb' 'anma chi 'a sat lu'um, tztac' xo e meltzj paxta, yujto tzeyiclj tas 'aj tzeyac' e ti 'a Jehová yet' 'a eb' quit chon̈b' tic. 'Ixta to b'i'an, ax eyica'an lum lum tic yuj Jehová.

Dt 2:33

Ax Jehová qui Diosalec, a 'ix 'a'n win 'a yol qui c'ab'ec, sec tzqui satc 'el win yet' eb' yunnal yet' pax smasnil eb' schon̈ab'.

Dt 7:2

A yic 'oj ya'nc 'och Jehová jun tzo'n̈ nacion̈ chi 'a yol e c'ab', c'uxn tze satl eb' smasnil. May junc trato tze b'o yet' eb', man̈ 'o'ch pax e c'ojl 'a eb'.

Josué 10:28

A 'a jun c'u cha, ata 'ix 'och pax Josué 'a yol chon̈b' Maceda yet' eb' soldado. 'Ix satcn 'el eb' jun chon̈b' cha, smiln can eb' smasnil 'anma cajn ta', man̈x 'a xon junc xcani. 'Icha wal yutjnac Josué win sreyl chon̈b' Jericó, 'ixta pax xyutj win sreyl chon̈b' Maceda cha.

Josué 10:29

Xlajw cha, 'ix 'atx Josué yet' smasnil eb' soldado cha, axta xc'ochx eb' yac' owl 'a chon̈b' Libna, 'ix 'ochx owl chi yuj eb' ta'.

Josué 10:31

'Ix 'atx Josué yet' eb' soldado 'a Libna, axta xc'ochx eb' 'a chon̈b' Laquis. Ax 'a yojltac cot jun chon̈b' cha, ata sb'o chan̈ eb' scamplamento. Xlajw cha, 'ix 'och eb' 'a owal.

Josué 11:12

'Ixta pax xyutj Josué smasnil jun tzo'n̈ xo chon̈b' junn̈j xyutj sb'a cob' yet' jun chon̈b' cha. C'uxn xmilx cham eb' rey 'a jun tzo'n̈ chon̈b' chi yet' q'uen espada, c'uxn satl smasnil tas 'ay 'a junjn chon̈b' cha, 'icha yaj yaln can Moisés, win schecb' Dios.

Josué 8:24

Xlajw schamcn smasnil eb' 'aj Hai cha, atn eb' xpechn eb' israel cha, 'ix meltzj pax eb' israel 'a chon̈b' Hai. 'Ix swach' miln eb' smasnil eb' 'anma xcan 'a yol chon̈b' cha.

Josué 8:29

Ax Josué, 'ix ya'n milxoc win sreyl Hai, xya'n t'un̈xoc q'ue sniwnal win 'a sc'ab' jun niwquil te'. T'un̈n q'ue sniwnal masnto x'em c'u. Ax yic wan sq'uic'b'i 'ix ya'n Josué jiyxoc 'emt winac. Ax 'a yol sti spuertail schon̈b' win cha, ata x'at can sniwnal win yuj eb' israel cha. 'Ix si'n can q'ue b'uln eb' q'uen q'uen 'a yib'n̈ winac, caw niwquil x'ajcn chan̈ b'uln q'ue'en.

Josué 9:3

Palta ax eb' heveo cajn 'a Gabaón, 'ix yab' eb' tas 'ix yutj Josué chon̈b' Jericó yet' chon̈b' Hai.