Josué 10:29 - Chuj San Sebastian Bible

²⁹ Xlajw cha, 'ix 'atx Josué yet' smasnil eb' soldado cha, axta xc'ochx eb' yac' owl 'a chon̈b' Libna, 'ix 'ochx owl chi yuj eb' ta'.

Chuj San Mateo Bible

²⁹ Ix lajvi chi', ix b'at vin̈aj Josué chi' yed' eb' vin̈ soldado d'a chon̈ab' Libna, ix yac'an oval eb' yed'oc.

Josué 10:29 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 19:8

'Ix yab'n win syajlil eb' soldado sreyl Asiria, chajtlto man̈x 'ayc 'ec' win rey chi 'a chon̈b' Laquis. Yuj cha, 'ix meltzji, 'ix schaj sb'a yet' win rey chi 'a chon̈b' Libna, wan ya'n win owl yet' jun chon̈b' cha.

A Ch'an̈ Schab'il Libro Yic Yab'ixal Eb' Rey 8:22

Ax eb' 'aj Edom cha, 'ix yac' ganar eb' yi'n 'el sb'a 'a yaln̈ schecnb'il eb' 'aj Judá, 'ix yique'ej sb'a eb' sch'ocoj, masnto ticnec. An̈jtona 'a jun tiempoal cha, 'ix yique'ej can pax sb'a chon̈b' Libna.

2 Cr 21:10

Palta a eb' 'aj Edom, 'ix ya'n̈j ganar eb' yi'n 'el sb'a 'a yaln̈ schecnb'il eb' 'aj Judá. An̈jtona 'a jun tiempoal cha, 'ix yique'ej sb'a chon̈b' Libna, yujto 'ix yactj can yaln sb'a Joram chi 'a Jehová, atn sDiosal yet' eb' smam yicham.

Is 37:8

'Ix yab'n win syajlil eb' soldado sreyl Asiria, chajtlto man̈x 'ayc 'ec' win rey chi 'a chon̈b' Laquis. Yuj cha, 'ix meltzji, 'ix schaj sb'a yet' win rey chi 'a chon̈b' Libna, wan ya'n win owl yet' jun chon̈b' cha.

Jeremías 52:1

A Sedequías junschawinquil ab'il sq'uinal yic yoch reyal, uxlche ab'il ya'jnac reyl 'a Jerusalén, Hamutal sb'i snun, yisl win Jeremías 'aj Libna.

Josué 10:28

A 'a jun c'u cha, ata 'ix 'och pax Josué 'a yol chon̈b' Maceda yet' eb' soldado. 'Ix satcn 'el eb' jun chon̈b' cha, smiln can eb' smasnil 'anma cajn ta', man̈x 'a xon junc xcani. 'Icha wal yutjnac Josué win sreyl chon̈b' Jericó, 'ixta pax xyutj win sreyl chon̈b' Maceda cha.

Josué 10:30

'Ix 'ajx jun chon̈b' chi yet' sreyl 'a yol sc'ab' eb' soldado israel yuj Jehová. Man̈x 'a junc mach pitzn xcan 'a jun chon̈b' cha. 'Icha wal 'ajnc win sreyl Jericó yuj eb', 'ixta 'ix yutj eb' win sreyl Libna cha.

Josué 15:42

Lum schan̈c'ajil, 'ay b'aln̈e chon̈b' yet' yaldeail. Atn Libna, Eter, Asán, Jifta, Asena, Nezib, Keila, Aczib yet' Maresa.

Josué 21:13

A sb'isl chon̈b' x'ajx 'a eb' yin̈tl Aarón, eb' ya'mal 'och sti eb' 'anma 'a Dios, 'ay 'oxlajn̈e chon̈b' 'a smasnil yet' swalab' no cajb'en noc' 'a junjn chon̈b' cha. A 'a yol smacb'en eb' yin̈tl Judá yet' Simeón, ata 'ay b'aln̈e chon̈b' x'ajx 'a eb': Atn chon̈b' Hebrón 'aj tz'at scol sb'a eb' tzmiln junc yit 'anma'il. X'ajx pax chon̈b' Libna, Jatir, Estemoa, Holón, Debir, Aín, Juta, yet' Bet-semes. Ax 'a yol smacb'en eb' yin̈tl Benjamín, ata 'ay chan̈e xo chon̈b' x'ajx 'a eb': Atn chon̈b' Gabaón, Geba, Anatot yet' Almón.

Josué 6:21

Xlajw cha, xlaj smilnoc can eb' soldado chi eb' 'anma cha, eb' winac, eb' 'ix 'ix, eb' quelem, eb' 'ichmtac 'anma', no wacax, no calnelu yet' no b'uru, c'uxn xlajw can 'el smasnil yuj eb'.

Josué 8:2

'Icha wal xeyutj chon̈b' Jericó yet' sreyal, 'ixta pax tzeyutj chon̈b' Hai yet' sreyal. Ax ticnec, a tas 'ay 'a jun chon̈b' cha, tztac' cab' scan 'ayx yet' smasnil scajb'en noc' eb' 'anma cha. Wach' tzotj a'n 'och stzol-l jun owl cha, tzac' sc'ub'c 'el sb'a nan̈loc eb' soldado chi 'a spatc 'el chon̈b' cha, xchi Dios.

Josué 8:29

Ax Josué, 'ix ya'n milxoc win sreyl Hai, xya'n t'un̈xoc q'ue sniwnal win 'a sc'ab' jun niwquil te'. T'un̈n q'ue sniwnal masnto x'em c'u. Ax yic wan sq'uic'b'i 'ix ya'n Josué jiyxoc 'emt winac. Ax 'a yol sti spuertail schon̈b' win cha, ata x'at can sniwnal win yuj eb' israel cha. 'Ix si'n can q'ue b'uln eb' q'uen q'uen 'a yib'n̈ winac, caw niwquil x'ajcn chan̈ b'uln q'ue'en.