Josué 10:28 - Chuj San Sebastian Bible

²⁸ A 'a jun c'u cha, ata 'ix 'och pax Josué 'a yol chon̈b' Maceda yet' eb' soldado. 'Ix satcn 'el eb' jun chon̈b' cha, smiln can eb' smasnil 'anma cajn ta', man̈x 'a xon junc xcani. 'Icha wal yutjnac Josué win sreyl chon̈b' Jericó, 'ixta pax xyutj win sreyl chon̈b' Maceda cha.

Chuj San Mateo Bible

²⁸ An̈eja' d'a jun c'u chi', ix och vin̈aj Josué chi' d'a chon̈ab' Maceda yed' eb' vin̈ soldado, ix satanel masanil tas eb'. Ix xicancham masanil anima eb' d'a chon̈ab' chi' yed' yespada, man̈xo junoc ix cani. Ix smilcham vin̈ sreyal Maceda chi' eb' icha val ix aj vin̈ sreyal Jericó.

Josué 10:28 ပူးပေါင်းရင်းမြစ်များ

Salmos 110:1

A Jehová a 'ix aln 'a Wajlil 'ixtic: 'Emn̈ wocn 'a in wach' c'ab', masnto 'oj can eb' 'ajc'ojl yajch 'aych 'a yaln̈ wu'uj, xchi.

Lc 19:27

A eb' 'ajc'ojl yajch 'ayin, eb' xnib'n ma'in 'och 'a wopiso tic, tzlaj 'at eyi' cot eb', ax yic tzjaw eb', tze miln eb' 'a wojltac tic, xchi winac, xchi Jesús.

1 Co 15:25

Yujto a Cristo, yowlal 'oj can Reyal, masnto 'oj can smasnil jun tzo'n̈ 'eb' 'ajc'ojl yajch 'a Cristo chi 'a yaln̈ yu'uj.

Dt 2:34

Smasnil lum chon̈b' 'ay 'a yol slugar win cha, 'ix laj can lum 'a yol qui c'ab'ec yuj qui satnec 'eli. 'Ix laj qui milnec eb' winac, eb' 'ix 'ix yet' eb' 'unin; man̈x 'a eb' xcan 'a spitznal cujec.

Dt 7:16

Yuj cha, a smasnil chon̈b' 'oj yac' Jehová qui Diosal 'a yol e c'ab', yowlal tze satl eb' smasnil. Man̈ 'o'ch e c'ojl 'a eb', man̈ eyac' 'ejm e b'a 'a sdiosal eb', toto ma'ay, 'icha ch'an̈ yal 'oj 'ajch 'ayex.

Dt 7:2

A yic 'oj ya'nc 'och Jehová jun tzo'n̈ nacion̈ chi 'a yol e c'ab', c'uxn tze satl eb' smasnil. May junc trato tze b'o yet' eb', man̈ 'o'ch pax e c'ojl 'a eb'.

Josué 10:30

'Ix 'ajx jun chon̈b' chi yet' sreyl 'a yol sc'ab' eb' soldado israel yuj Jehová. Man̈x 'a junc mach pitzn xcan 'a jun chon̈b' cha. 'Icha wal 'ajnc win sreyl Jericó yuj eb', 'ixta 'ix yutj eb' win sreyl Libna cha.

Josué 10:32

Ax 'a yewial sc'och eb' ta', 'ix 'ajx jun chon̈b' Laquis chi 'a yol sc'ab' eb' yuj Jehová. 'Icha xyutj eb' chon̈b' Libna, 'ixta xyutj eb' smiln cham eb' 'anma smasnil 'a jun chon̈b' cha, yet' pax smasnil no cajb'en noc'.

Josué 10:35

A 'a jun c'u cha, ata smil cham smasnil eb' 'anma cajn 'a jun chon̈b' cha, yet' smasnil no noc'. 'Icha wal x'ajcn chon̈b' Laquis, 'ixta xyutj can eb' jun chon̈b' cha.

Josué 10:37

A yic x'och eb' 'a jun chon̈b' cha, 'ix lajw can 'el jun chon̈b' chi smasnil yuj eb'. Smiln can eb' win rey, smasnil eb' 'anma', no cajb'en noc' yet' jun tzo'n̈ xo chon̈b' 'a sla'nil cha. 'Icha xyutj can eb' chon̈b' Eglón, 'ixta xyutj can eb'.

Josué 10:39

'Ix smiln cham eb' sreyl jun chon̈b' cha, yet' pax smasnil 'anma cajn 'a stz'ey cha. Man̈x 'a xon junc 'anma pitzn xcan ta', c'uxn xlajw 'el eb' smasnil. 'Icha wal xyutj can eb' Hebrón yet' sreyal, Libna yet' sreyal, 'ixta pax xyutj can eb' junx chon̈b' cha.

Josué 6:21

Xlajw cha, xlaj smilnoc can eb' soldado chi eb' 'anma cha, eb' winac, eb' 'ix 'ix, eb' quelem, eb' 'ichmtac 'anma', no wacax, no calnelu yet' no b'uru, c'uxn xlajw can 'el smasnil yuj eb'.

Josué 8:2

'Icha wal xeyutj chon̈b' Jericó yet' sreyal, 'ixta pax tzeyutj chon̈b' Hai yet' sreyal. Ax ticnec, a tas 'ay 'a jun chon̈b' cha, tztac' cab' scan 'ayx yet' smasnil scajb'en noc' eb' 'anma cha. Wach' tzotj a'n 'och stzol-l jun owl cha, tzac' sc'ub'c 'el sb'a nan̈loc eb' soldado chi 'a spatc 'el chon̈b' cha, xchi Dios.

Josué 9:3

Palta ax eb' heveo cajn 'a Gabaón, 'ix yab' eb' tas 'ix yutj Josué chon̈b' Jericó yet' chon̈b' Hai.