Josué 10:25 - Chuj San Sebastian Bible

²⁵ 'Ix yaln Josué 'ixtic: Man̈ ex xiwoc, may cab' e chab'c'ojlal; caw te'n tzeyutj e b'a eya'n owal, yujto 'ixtn tic 'oj yutc Jehová smasnil eb' 'ajc'ojl yajch 'ayn̈ec, xchi.

Chuj San Mateo Bible

²⁵ Ix yalanxi vin̈ d'a eb' vin̈: Man̈ ex xivoc, mocab' chab'axq'ue e c'ool. Te tec'an tzeyutej e b'a eyac'an oval, yujto ix yal Jehová to icha val tic ol yutej masanil eb' ayoch ajc'olal d'ayon̈, xchi vin̈ d'a eb'.

Josué 10:25 ပူးပေါင်းရင်းမြစ်များ

Salmos 63:9

Ax eb' tzin nib'n milnc chamoc, 'oj 'atcn eb' 'a yol sjul-l eb' chamnc 'anma';

Salmos 77:11

'Oj in na cot jun tzo'n̈ tas satjub'tac yilx b'ob'il yuj Jehová 'a yictax pecti';

Ro 8:37

Wach'xam 'oj jawc jun tzo'n̈ tic 'a quib'n̈ec, palta caw 'oj ca'c ganar yuj jun 'ay schamc'ojlal 'ayn̈ec.

2 Co 1:10

Jab'xoj wal man̈toc caw chamnc on̈ yuj jun niwn yailal chi 'on̈, ax Dios coljnacn̈ 'el 'a yol sc'ab' on̈. Wan on̈ scoln pax 'el ticnec on̈. 'Aych yipc qui c'ojl on̈, to an̈ja 'oj on̈ scol-l 'a jun tzo'n̈ yailal chi 'on̈.

Ef 6:10

A ticnec ex wu'tac, ex wanab', caw te'n tzcutjec qui b'a 'a yol sc'ab' Cajlilec. 'Och cab' qui te'nalec yuj spoder.

Dt 7:19

Nac cot jun tzo'n̈ yailal 'e'nc 'a yib'n̈ eb' 'aj Egipto cha. Xeyiln pax jun tzo'n̈ milagro caw satjub'tac yilxi, yet' wal spoder Jehová on̈ yi'nec 'elt 'a jun lugar cha. 'Icha wal yutjnac Jehová eb' 'aj Egipto cha, 'ixta 'oj yutc eb' chon̈b' 'aj tzex xiw cha.

Josué 1:6

Te'n tzotj a b'a, man̈ ach xiwoc, yujto ach 'oj a pojc smacl lum eb' et israelal tic 'a 'a, atn lum 'aj wa'jnac in ti wa'n 'a eb' e mam eyicham.

Josué 1:9

An tzwala, te'wtzej a b'a, man̈ ach xiwoc, may cab' a chab'c'ojlal, yujto Jehová in, a Diosal in, 'aynn̈ej 'och et' 'aj tzach 'eq'ui, xchi Dios 'a Josué.

Josué 10:8

'Ix yaln Jehová 'ixtc 'a Josué cha: —Man̈ ach xiw xon jac yuj ewinac, yujto an 'oj wac' ewin 'a yol e c'ab', may xon wal junc win 'oj ste'wtzoc sb'a ya'n owl eyet'oc, xchi.

A Ch'an̈ B'ab'el Libro Samuel 17:37

A Jehová in coln 'el 'a yol sc'ab' no león, yet' 'a yol sc'ab' no oso, an̈jtona a pax 'oj in coln 'el 'a yol sc'ab' win filisteo tic, xchi David. —'Ixc 'an, a cab' Jehová tz'och et'oc, xchi Saúl 'a David.