Jonás 4:6 - Chuj San Sebastian Bible

⁶ Ax Jehová Dios 'ix 'a'n q'uib' jun 'ib'n̈ te tz'usup. A jun te cha, 'ix q'uib'i, xya'n yen̈l 'a Jonás. Caw wal xtzalj yet' jun te cha.

Chuj San Mateo Bible

⁶ Axo Jehová ix ac'an q'uib' jun ib' te' ch'upac'te'. A jun te' chi' ix q'uib'q'ue yen̈uloc vin̈. Yuj chi' vach' yajec' vin̈ ta'. Ix te tzalaj vin̈ yuj te'.

Jonás 4:6 ပူးပေါင်းရင်းမြစ်များ

Ester 5:9

Caw tzalj Amán yic x'el paxt 'a 'aj xwa eb' cha, palta a yic xyilni to 'ayc' Mardoqueo 'a spuertail sdespacho win rey, yuj cha, caw wal xcot yowl winac, yujto a yic x'ec' win 'a stz'ey, ma'ix q'ue lin̈njoc, ma'ix 'em n̈ojn pax jac 'a winac.

Job 7:2

A junc moso cha, comnoc yajn̈ej tzq'uic'b' mu'c 'a snab'en yic tz'ilji, mto 'icha junc munljum caw tznib'j schaj stojl muc'uc.

Pr 23:5

yujto a q'uen tumin, yajn̈ej tzlajw 'ejm q'ue'en, 'icha to tz'och sc'axil, tz'at jen̈njoc 'icha tzyac' no cotc salt'iw.

Is 39:2

Caw wal chab'il sjaw eb' schecb' chi yuj Ezequías. Xlajw cha, 'ix sch'oxn 'a eb' tas molb'il yuj 'a yol yatut, atn q'uen plata, q'uen oro, perjuma, aceite caw wal wach' yet' 'a 'aj molb'il yamc'ab' yic owal, yet' pax jantcn̈ej tas 'ay 'a 'a. C'uxn 'ix sch'ox 'ilxoc smasnil.

Am 6:13

Ax tic, caw tze b'an̈ e b'a, yujto 'ix 'ejm jun yune chon̈b' Lodebar eyu'uj, palta toc 'ay jac yel'chi, tzeyaln cob'i, to caw tztac' eyu'uj, yic 'ix eyi'n 'ec' chon̈b' Carnaim.

Jonás 4:5

'Ix 'el Jonás 'a sti 'el chon̈ab'. Ax 'a stojlal 'aj tzq'uel c'u, ata sb'o q'ue xil te yen̈loc yib'an̈. Xlajw cha, 'ix 'em wocn 'a yen̈ul, stan̈wni yila', tas 'oj 'aj jun chon̈b' cha.

Jonás 4:7

Ax yic sacb'el 'a junx c'u, xya'n Dios pitzwc chan̈ jun no c'ochol, ax no xc'uxn 'el jun te cha, xtacj 'el te yuj no'.

Lc 10:20

Palta man̈ yujoc to tzyiclj ewin demonio 'ayex, tzex tzalji. Palta tzaljan̈ec, yujto tz'ib'b'ilx can e b'i 'a satcha'an̈, xchi Jesús 'a eb'.

1 Co 7:30

A eb' tzcusi, matz tac' cojn jun scusc'ojlal eb' chi tzna'a. Yet' eb' tzalji, matz tac' cojn jun stzaljc'ojlal eb' chi tzna'a. Yet' eb' tzmanwji, man̈ocn̈ej ta tzya'ch eb' snab'en.