Job 9:5 - Chuj San Sebastian Bible

⁵ Yuj yowl sc'ojl Dios, tzya'n tzicb'tan̈x eb' lum niwc witz, tzlaj 'el c'acp yu'uj, palta may junc mach tztac' yojcan 'eli tas yuj 'ixta tz'aji.

Chuj San Mateo Bible

⁵ A yuj yoval sc'ol Dios tz'ib'xiq'ue lum nivac vitz, tz'el lum c'acap, malaj mach ojtannac tato tzuji juntzan̈ chi'.

Job 9:5 ပူးပေါင်းရင်းမြစ်များ

Job 26:6

A campusan 'aj mucn eb' chamnac, man̈ c'ultacc yaj 'a sat Dios.

Job 28:9

A eb' winac, tzlaj 'och t'un̈n eb' 'a sat q'ue'en, tzlaj syamnc 'och eb' sjoyn q'uet yich eb' lum niwc witz.

Job 34:25

A Dios yojtac tas tzlaj sb'o eb', a 'a 'ac'wal tzc'och 'a eb', tzsatn can 'el eb'.

Job 40:11

Tzcham wal eln 'och eb' b'an̈quintac yeq'ui; 'ac' owl yet' eb', masnto tz'em eb' o'oj.

Job 41:11

Toc 'ay mach 'a'jnac junc tas 'ayin, yuj cha tzyaln to 'ay in b'oc 'a 'a. ¡A smasnil tas 'ay 'a yolyib'n̈q'uinl tic, wicn̈ej yaji!

Salmos 114:6

¿Tas yuj 'icha to 'ix b'atjchan̈ eb' lum witz yet' eb' lum tzalan, 'icha sb'atjchan̈ no mam calnelu, mto 'icha no nene calnelu, 'ixta x'aj eb' lu'um?

Salmos 46:2

Yuj cha, wach'xam tzicb'tan̈x lum lum tic, mto tzpax 'ejm jun tzo'n̈ witz tic 'a yich a mar,

Salmos 68:8

A yic cha, caw x'ib'x lum lum o'oj, 'ix cot n̈ab' 'a satcha'an̈. X'ib'x lum tzaln Sinaí 'a ojltac ach qui Diosal an̈ israel on̈ tic on̈.

Is 40:12

¿Tom 'ay junc ex tox xe yechtej a mar 'a yol e c'ab', mto tox xe yechtej satchan̈ yet' yune e c'ab'? ¿Tom 'ay junc ex tox xe yechtej smasnil spoccal lum lum tic 'a yol junc 'echtab', mto tox xe yechtej jantc yal-l smasnil eb' lum witz yet' eb' lum tzalctac?

Nahúm 1:5

Caw tz'ib'x eb' lum witz 'a yojltac Dios, caw tz'ulb'x pax 'ejm eb' lum tzaln yu'uj. Smasnil lum lum tic yet' smasnil eb' 'anma cajn ta', caw tz'ib'x eb' yuj xiwlal 'a yic tzch'oxn sb'a Dios.

Nahúm 1:6

May junc mach tztac' ste'wtzan sb'a 'a yowl sc'ojl Dios. May mach tztac' stenn 'och wa'an. A yowl sc'ojl cha, caw lajn sn̈ilchj 'icha te c'ac', tzpoj q'uen niwc tenm 'a yojltac.

Habacuc 3:10

A yic xa ch'oxn a b'a, caw x'ib'x chan̈ eb' lum niwc witz yuj xiwlal. 'Ix cot yaxn̈ab' 'a satcha'an̈, ax a mar, til wal sc'an̈ chan̈ a', yic xq'ue wan chel-loc a 'a cha'an̈.

Habacuc 3:6

A yic tzach 'och wa'an, caw tz'ib'x lum lum tic o'oj. Smasnil jun tzo'n̈ nacion̈, xlaj 'ib'x chan̈ eb' yuj xiwlal yic ach 'och q'ueln 'a eb'. A jun tzo'n̈ lum niwc witz 'ayc' xon 'a yictax pecti', 'ix laj poj eb' lu'um, 'ix lan̈chj 'ejm smasnil lum witz cha, atn 'a 'aj 'e'nc ach 'a yictax pecti'.

Zacarías 4:7

Wach'xam til wal yajltacl sb'o watut 'icha junc niwquil witz, palta a 'a sat ach Zorobabel, man̈ 'ajltacc 'oj 'aj sb'o'i. Ach wal 'oj a'ch q'uen niwquil q'uen niwn yel'ch 'oj q'ue 'a sjolm schicn watut cha, ya' sb'a ax eb' chon̈ab', wan yel yaw eb' yaln 'ixtic: Man̈x jantcoc swach'l yilx x'aji, ya' cab' Dios swach'c'ojlal 'a yib'an̈, 'oj xchic eb', xchi Dios, xchi jun ángel cha.

Mt 21:21

—Wal yel tzwal 'ayex, toto tzeya'ch Dios 'a e c'ojol, toto may e chab'c'ojlal, tzann̈j tas 'oj stac' eyu'uj. Man̈ cojnoc tas xin b'o 'a te higo tic 'oj stac' eyu'uj. Palta tztac' eyaln 'a jun witz tic: 'Eln̈ 'a et'l tic, julb't a b'a 'a yojl a mar, toto 'oj e chioc, 'oj stac' eyu'uj.

Mt 27:51

Yajn̈j wal cha, 'ix jat snan̈l jun te nip 'aych smacloc snan̈l yatut Dios, 'ix jat cot 'a sjolom masnto x'eml sjat 'a yich. 'Ix 'ec' pax jun niwn quixcab', ax jun tzo'n̈ niwc q'ue'en, 'ix laj jati.

Lc 21:11

Til wal 'aj 'oj 'ec' jun tzo'n̈ quixcab' caw ow. Til wal 'aj 'oj yamchjc eb' 'anma yuj yab'il, ax sjaw pax niwn wejl 'a yib'n̈ eb'. 'Ay wal jun tzo'n̈ senya caw niwn yel'ch 'oj sch'ox sb'a 'a satcha'an̈, caw wal 'oj xiw chan̈ eb' 'anma yu'uj.

1 Co 13:2

Wach'xam caw 'ac'b'il copiso calnec 'el spaxti Dios, mto tznachj 'el tas cujec, smasnil tas mant 'a mach 'ojtnac, toxn̈ej cojquec cab' smasnil tas 'a yolyib'n̈q'uinl tic, wach'xam caw tzca'c 'och qui c'ojl 'a Dios si'mb'il, sec tztac' qui'nec 'el junc witz 'a yet'ul, palta toto may qui chamc'ojlalec, to 'ixta', caw may jac copisoec.

Apoc 11:13

At wal cha, ax yec' jun quixcab'. Caw ow 'oj 'ec'oc. Til wal n̈a 'oj laj lan̈chjoc 'ejm 'a jun niwquil chon̈b' cha. A 'a junjn lajlajn̈e n̈ail, junjn 'oj laj lan̈chjoc 'a 'a. Uque mil 'anma 'oj cham yu'uj. Ax jun tzo'n̈ xo eb' 'anma', caw 'oj xiw chan̈ eb'. Ax laj yalnc eb', chajtlto caw niwn yel'ch Dios 'a satcha'an̈.

Apoc 6:14

'Icha junc un̈ tzchulxb'ec'an, 'ixta x'aj satchan̈ satli. Ax smasnil lum witz, yet' jun tzo'n̈ lum lum 'ay 'a snan̈l a mar, c'uxn 'ix 'ib'xi. 'Ix laj 'el eb' 'a yet'ul.