Job 9:32 - Chuj San Sebastian Bible

³² An tic, ma'oj stac' in pacn in b'a 'a Dios, yujto man̈ 'anma'oc. Ma'oj stac' wi'n 'at 'a sat junc eb' juez yic tzin b'onyaj in b'a yet'oc.

Chuj San Mateo Bible

³² Max yal in pacan in b'a d'a Dios icha d'a junoc comon anima. Max yal valani to syal in b'at yed'oc d'a yichan̈ eb' juez.

Job 9:32 ပူးပေါင်းရင်းမြစ်များ

Job 33:12

Palta a tas 'ix al tic, caw man̈ tojloc, yujto a Dios yel xo wal niwn yel'ch 'a quib'n̈ an̈ 'anman̈ tic.

Job 33:7

Yuj cha, may yuj tzach xiw wu'uj, yujto ma'oj wa'ch in b'a yajlil 'ayach.

Job 9:14

An xo tic, ¿'aj 'oj wic' tas 'oj wal 'a 'a?

Job 9:19

Q'uinloc cob' tzquec pural Dios yuj junc tas, palta to tztac' yuj smasnil. Toto tzcob' cawtc cot Dios qui b'o yaj 'a sat junc eb' yajal, ¿mach wal junc tzte'wtzej sb'a sb'on yaji?

Job 9:3

Q'uinloc cob' tzqui tej qui b'a yet'oc, toc am 'ay xon junc paxti'al tztac' qui pacn 'a scal junc mil paxti tzyal 'ayon̈.

Job 9:31

palta a Dios 'icha to tzin ste'cn 'ejm 'a scal junc yaxlu'um, ax in pichul 'icha to tzq'uixw wu'uj.

Salmos 143:2

Man̈ in a b'eyc'ojloc an a checb' in tic, yujto may junc 'anma tojl 'a ojltac.

Ec 6:10

A tas 'ayc' ticnec, toxn tzalx xon 'a pecti'. An̈ 'anman̈ec tic, cojc xon tas cajec. Matz tac' qui tenec qui b'a yet' qui Mam Dios yujto 'ec'b'al yip 'a quib'n̈ec.

Is 45:9

A mach tzyac' owl yet' mach b'ojnac, a jun cha, lajn 'icha lum tz'acb'il lum c'un spoji. Toc wal tzyal lum tz'acb'il lum chi 'ixtc 'a mach tzb'oni: ¿Tas tza b'o'o? Ach tic man̈ ojcoc tzach munlji, tom xchi lu'um.

Jeremías 49:19

'Icha wal junc no león tz'elt 'a swaymtacl sti a Jordán, wal 'a yajn̈ej tzc'och no 'a lum pan̈n 'a'lic 'aj tzwa no calnelu, tzsactzic can e no yu'uj, 'ixta wal 'oj waj in c'och 'a chon̈b' Edom. A eb' 'anma cajn ta', 'oj 'at eb' 'eloc, ax jun mach sic'b'il 'el wu'uj, a 'oj wa'cn 'och yajlilc ta'. ¿Mach wal junc 'oj stac' slajb'tzan sb'a wet'oc? ¿Mach wal 'oj stac' sten sb'a wet'oc? ¿Mach wal junc yajl 'oj stac' ste'wtzan sb'a 'a wojltac?

Nm 23:19

A Dios man̈ lajnoc 'icha eb' 'anma'. Matz yac' 'es, matz jel snab'en. Toto 'ay junc tas tzyala, tz'el'chn̈ej yu'uj. May 'aj tz'ec' tas tzyala.

Ro 9:20

Palta caw matz tac' calnec 'ixta'. May junc mach tztac' sten sb'a yet' Dios. A junc lum chen, ¿tom tztac' yaln lum 'ixtc 'a jun tz'acm cha: ¿Tas yuj 'ixtc in otej? tom 'oj schic lu'um?

1 Jn 3:20

Wach'xam cojquec to may qui ch'olnil, palta ax Dios yel xo 'ec'b'al yel'ch 'ayn̈ec. Yojcn̈ej smasnil tas.

A Ch'an̈ B'ab'el Libro Samuel 16:7

Palta xyaln Jehová 'ixtc 'a Samuel: Man̈ ach 'och q'ueln 'a win tic yuj tas yilx 'ochi, man̈ elch ste'il, yujto matz in nib'j winac. Ax 'anmax tic, a wal yilx 'och junc mach, a chi tzeyilchi, palta an tic a snab'en eb' tzwilchi, xchi.