Job 8:9 - Chuj San Sebastian Bible

⁹ An̈ec tic, 'icha to 'ewt on̈ jawc 'a yolyib'n̈q'uinl tic, mant 'a jac tas cojquec; ax jab' qui q'uinlec 'a sat lum tic, lajn wal yec' 'icha wewen.

Chuj San Mateo Bible

⁹ A on̈ tic ichato evi on̈ alji, malaj jab'oc tas cojtac. A co q'uinal d'a sat lum tic lajan icha yec' junoc en̈ul.

Job 8:9 ပူးပေါင်းရင်းမြစ်များ

Gn 47:9

Xta'w Jacob 'a win rey 'ixtic: —130 ab'il nant in q'uinal, til wal 'aj tzlaj in 'eq'ui, caw wal mant niwnoc in q'uinal, yujto yailaln̈ej tz'aj yec' jab' tiempo tic wu'uj, palta mantzac c'och wab'lil 'icha sq'uinl eb' 'in mam wicham, xchi winac.

1 Cr 29:15

Yujto an̈ tic on̈, 'e'lb'a quec' 'a a sat on̈, lajn quec' 'icha 'e'nc smasnil eb' qui mam quichm on̈; a qui q'uinl 'a sat lum lum tic on̈, lajn 'icha xob' lum lu'um, caw yajn̈ej tz'eq'ui.

2 Cr 10:6

Xlajw cha, 'ix sc'anb'n Roboam snab'en 'a eb' yichm wincal chon̈ab', atn eb' munljnac yet' Salomón, atn smam, 'ix yaln 'a eb' 'ixtic: —¿Tas wal junc nab'en tzeyac' 'ayn ax tic, tas 'oj wutc ta'wc in b'a 'a eb' 'anma tic? xchi.

Job 14:1

An̈ 'anman̈ tzon̈ 'alj 'el 'a yolyib'n̈q'uinl tic, caw jab' wal qui q'uinal, scal pax yailal tz'aj yec' tiempo cuj on̈.

Job 14:2

Lajn on̈ 'icha junc nichte wanto cob' spojli, ax tz'aji, tztacj pax 'el muc'uc; 'ixta yec' qui q'uinl on̈, lajn pax tz'aj yec' 'icha junc wewen.

Job 32:7

'Ixtc xwutj in nani: Paxtin cab' eb' 'ichm winc tic, yujto caw wal 'ay snab'en eb'; til xo wal tas yojc eb', sch'oxl cab' eb' sjelnal cha, xin chi.

Job 7:6

A 'in q'uinal, caw wal ji'lti sb'ey tzwab'i, lajn wal sb'ey 'icha junc jul-lab' b'ey ch'al tzc'an eb' jalum, yuj cha, to tzlajw c'och in q'uinal, man̈x 'a tas 'aych yipc in c'ojol.

Job 8:10

Palta ax eb' 'anma 'e'nc 'a pecti cha, til wal tas wach' a cuyn can 'a spatc eb'.

Salmos 102:11

A 'in q'uinal, lajn wal yec' 'icha junc wewen, wan in tacj chan̈ 'icha te c'ultac.

Salmos 102:12

Ach xo pax Mamin Jehová, yajl ach 'a jun 'ejmn̈ej. 'Oj naxoc cot a b'i yuj junjn c'aj eb' 'anma tz'ec' 'a sat lum lum tic.

Salmos 144:4

An̈ 'anman̈ tic on̈, lajn on̈ wal 'icha qui'n quic' jun 'ejmoc, 'ixta quec' on̈, ax qui q'uinl tic on̈, lajn wal yec' 'icha wewen.

Salmos 39:5

Caw wal c'ochn 'ix otj can in q'uinal, 'icha to may jac yel'ch 'a a sat. Yel ton b'i'an, qui masnil an̈ 'anman̈ tic on̈, caw may yel'ch jab' qui q'uinl tic on̈.

Salmos 82:5

Palta ax tic, matz nachj 'el eyu'uj, caw may e nab'en; 'icha to a 'a q'uic'q'uinl tzex b'eyi. C'uxn tzsatl tojlal eyu'uj.

Salmos 90:4

A jun mil ab'il, 'ichan̈ej yec' jun c'u 'a yic 'ewi, 'ixta 'a yol a sat. 'Ichan̈ej yec' jaye'oc hora 'a junc 'ac'wal, 'ixta 'ayach.