Job 8:20 - Chuj San Sebastian Bible

²⁰ A Dios matz patquilj can 'el junc mach tojl snab'en, matz colwj pax 'a mach to tu tas tz'el sb'oni.

Chuj San Mateo Bible

²⁰ A Dios, max actajcan junoc mach vach' spensar yuuj. Max colvajlaj d'a eb' sc'ulan chucal.

Job 8:20 ပူးပေါင်းရင်းမြစ်များ

Gn 18:25

Ma'oj stac' a b'on 'ixta', yic tza satn 'el eb' may smul yet' eb' 'ay smul, 'icha to lajn xoj eb' tzyal cha. Man̈ a b'o 'ixta'. Caw Yajl ach 'a yolyib'n̈q'uinl tic. Toc wal 'oj a b'o tas man̈ tojloc, xchi Abraham 'a Dios.

Job 21:30

A yic tzcot yowl sc'ojl Dios, yajn̈ej tzya'n cot yailal, ax eb' maysch'olnil sb'eyb'al, toc 'ay tz'i'n eb'.

Job 4:7

Na cot nab'an, ¿tom 'ayx 'aj xjaw yailal 'a yib'n̈ junc mach to may smul?

Job 9:22

Yujto lajn xoj yel'ch jun tzo'n̈ tic tzwila: A Dios tzalni yic tzcham eb' 'ay smul, a pax tzalni yic tzcham eb' may pax smul.

Salmos 34:17

A eb' 'anma wach' sb'eyb'al, a yic tzyaln sb'a eb' 'a Jehová, yajn̈ej tzyab'n tas tzyal eb'. Caw tzcolx 'el eb' 'a scal smasnil somc'ojlal yu'uj.

Salmos 37:24

Wach'xam tztelw 'ejm eb', palta man̈ ye'n̈joc stelw 'ejm eb' cha, yujto a Jehová a yamjnac eb'.

Salmos 37:37

Tzcham wal cochc q'ueln 'a eb' wach' snab'en, caw wach' 'oj 'el'choc eb', yujto a junc'ojlal tzsayc' eb'.

Salmos 94:14

Ma'oj actc can eb' a chon̈b' tic sch'ocoj.

Pr 10:9

A eb' wach' sb'eyb'al, may 'aj 'oj xiw eb'; ax eb' tu tzyutj sb'a, 'oj jawc 'a yib'n̈ eb'.

Is 45:1

A Jehová a 'ix si'n 'och Ciro reyal, caw a 'ix quetzn b'ey yet' swach' c'ab', sec tz'ejm jun tzo'n̈ nacion̈ yu'uj, yuj pax yi'n 'ec' yopiso eb' rey. A Jehová, a 'oj 'a'nc jacwc spuertail jun tzo'n̈ chon̈b' 'a Ciro, may junc mach 'oj stac' smacni. Yuj cha, tzyaln Dios 'a 'ixtic: