Job 7:6 - Chuj San Sebastian Bible

⁶ A 'in q'uinal, caw wal ji'lti sb'ey tzwab'i, lajn wal sb'ey 'icha junc jul-lab' b'ey ch'al tzc'an eb' jalum, yuj cha, to tzlajw c'och in q'uinal, man̈x 'a tas 'aych yipc in c'ojol.

Chuj San Mateo Bible

⁶ A in q'uinal elan̈chamel tz'eq'ui, icha yec' sjul-lab' eb' ch'alvum sjulec' d'a scal sch'al. Van sc'och in q'uinal tic d'a slajvub', man̈xa tas ayoch yipoc in c'ool.

Job 7:6 ပူးပေါင်းရင်းမြစ်များ

Job 13:15

Wach'xam yuj cha tzin smiln cham Dios, palta 'oj wa'chn̈ej Dios yipc in c'ojol, 'oj in col in b'a 'a yojltac.

Job 14:19

An̈jtona', 'icha tz'aj yul eb' q'uen q'uen 'a yol sb'e a', mto 'icha tz'aj yijx 'at sat lum lum yuj n̈ab', 'ixta wal tzotj a'n lajwc 'ejm tas 'aych cob' yipc qui c'ojl an̈ 'anman̈ tic on̈.

Job 16:22

An tic, jaye xoj ab'il 'ayn 'eq'ui, ax in 'at 'a chamel, ata' man̈x 'a mach tztac' smeltzji.

Job 17:1

Caw wal teb'il xoj tzwij wic' tzwab'i, wan xo slajw c'och in q'uinal, lista xo yaj yet'l chaml in stan̈wni.

Job 17:11

Caw wal b'el-li yec' junjn c'u 'a wib'an̈, ax smasnil tas cob' nab'il in b'oni, c'uxn 'ix juw 'eli.

Job 17:15

¿'Ajtil 'ay tas tzcob' wa'ch yipc in c'ojl cha? A tas yipc'ojlal yaj wu'uj, ¿'ajtil 'ay chinec?

Job 17:16

¿Tom 'oj c'och jun tzo'n̈ chi wet' 'a 'aj 'ay yet'l chamel, sec wach' junxn̈ej 'oj can jun tzo'n̈ chi wet' 'a yol lu'um? xchi Job.

Job 19:10

In yac' lajwc 'ejm wal si'mb'il, ax tas 'aych yipc in c'ojol, c'uxn xlajw 'el 'icha tzyac' junc te te tztacj yet' sch'an̈lyib'.

Job 6:11

Man̈x 'a wip tzwab'i yic tzwa'n techjoc yailal, man̈x 'a pax tas yuj 'i'n cob' to pitzn in.

Job 9:25

A jab' in q'uinl tic, caw wal ji'lti yec' muc'uc, may xon pax 'aj xwil jac tzaljc'ojlal.

Salmos 102:11

A 'in q'uinal, lajn wal yec' 'icha junc wewen, wan in tacj chan̈ 'icha te c'ultac.

Salmos 144:4

An̈ 'anman̈ tic on̈, lajn on̈ wal 'icha qui'n quic' jun 'ejmoc, 'ixta quec' on̈, ax qui q'uinl tic on̈, lajn wal yec' 'icha wewen.

Pr 14:32

Toto maysch'olnil qui b'eyb'alec, mun a qui maysch'olnilal chi tz'i'n cot 'a quib'n̈ec; ax toto wach' qui b'eyb'alec yic 'oj qui chamec, 'ay jun tas 'aych yipc qui c'ojol.

Jeremías 2:25

¡Ex 'aj Israel, 'ochn̈ec wan eyoyb'x 'ec' e sayn 'ec' e diosal. Nab'an̈ej tze mac' lajwc eyoc, nab'an̈ej tztacj e ti eyeq'ui! Palta ax tic, xeyal 'ixtic: Ma'ay, an̈ tic on̈, tox 'ix ca'ch qui c'ojl 'a jun tzo'n̈ comn dios on̈, yuj cha, 'oj cochn̈j tza'n yuj eb' on̈, xe chi.

Ef 2:12

A 'a yic yalan̈, mant 'ayc 'och Cristo eyet'oc. May eyaln eyic yet' eb' wit israelal. May pax eyaln eyic 'a jun tzo'n̈ strato Dios 'ix yac' 'a eb', yic ya'n sti 'a eb'. 'Ayx 'ec' ton 'a yolyib'n̈q'uinl tic, palta may junc tas wach' eya'jnac 'och yipc e c'ojol, yujto mant 'ayc 'och Dios eyet'oc.

Santiago 1:11

A yic tzjaw c'u, caw 'ay c'ac', tztacj 'ejm lojnjoc te yu'uj, yajn̈ej tzpucl snichte'. Man̈x 'a sch'olnil yilxi. 'Icha stacj 'ejm snichte cha, 'ixta 'oj 'aj eb' rico, yic wan smolb'tzan eb' stumin.

Santiago 4:14

Palta 'in man̈ cojcoquec tas cajc q'uic'an. A qui q'uinlec 'a yolyib'n̈q'uinl tic, yajn̈ej tz'eq'ui. Lajn 'icha xob' lu'um, junn̈j rato tzlajw q'ue wa'an.

A Sb'ab'el Carta San Pedro 1:13

Yuj cha, caw te'n tzeyutj e nab'en. Lista tzeyutj e b'a. Caw tzeya'ch yipc e c'ojl tas 'oj yac' Dios 'ayn̈ec yuj swach'c'ojlal, yic 'oj jawc Jesucristo.

A Sb'ab'el Carta San Pedro 1:24

'Icha tzyal 'a Ch'an̈ U'un̈: A sq'uinl eb' 'anma smasnil, lajn 'icha te c'ultc c'un stacji. Caw yajn̈ej tzlajw 'ejm swach'l yilx eb', 'icha tz'aj slajw 'ejm swach'l yilx te nich te 'ay 'a lum 'a'lic. A te c'ultac, caw yajn̈ej tztacj can 'el te', ax snich te', tzlaj puccn 'eli.