Job 7:4 - Chuj San Sebastian Bible

⁴ A yic tzin waycn 'ejm 'a junjn sq'uic'b'alil, caw wal tznajtxb'i yec' 'ac'wl chi tzwab'i; caw tzin tzactzj in teltn 'eq'ui, may b'a'n̈ xon tzsacb'i; yuj cha, tzwaln 'ixtic: ¿Janc' wal 'oj in q'ue wa'an? xin chi.

Chuj San Mateo Bible

⁴ Ayic tzin ec' jichan, te najat yec' ac'val svab'i. Tzin tzactzaj vec' b'alb'onoc, max sacb'ilaj. Svalan icha tic: ¿Janic' ol in q'ue vaan? xin chi.

Job 7:4 ပူးပေါင်းရင်းမြစ်များ

Job 17:12

Ax tic, a 'ac'wal a chi tzeyalch c'ual, ax yic q'uic'q'uinl cha, tzeyalni to jab'xoj sacb'i.

Job 30:17

A 'in yailal tic, c'uxn tz'och syal 'a yol in b'aquil; toxn matz 'och wan syail tz'ec' 'ac'wal.

Salmos 109:23

Wan in lajw 'ec' 'icha tzyac' wewen, a 'ic' tzin ma'n chan̈ 'icha tzyac' no c'ulub'.

Salmos 130:6

Caw tan̈b'il a colwal wu'uj, 'icha stan̈wni eb' tan̈m chon̈b' sacb'i, 'icha snib'n eb' sacb' cha, 'ixta 'in.

Salmos 6:6

Caw wal tz'el'ch wip woq'ui. Til wal woc' 'a junjn 'ac'wal, caw tzlojx 'el in c'an̈jolm yuj yal in sat.

Salmos 77:4

Mamin Jehová, may 'aj tzin a chaj wayoc, caw man̈x in 'anmac tzwab'i, man̈xtzac stac' in paxtini.

Is 54:11

Xyaln pax Dios 'ixtic: 'Oltacch wal ach chon̈b' Jerusalén, 'ix ab' wal syal tas 'ix 'ec' 'a eb'an̈, may xon mach 'ix 'a'n jac sniwnal a c'ojol. Ax pax ticnec jun, an 'oj wac' b'oxc 'a chon̈b' jun 'ejm xo yet' q'uen q'uen wach' yilxi, ax wa'n 'ejm yipnub'al yich 'a yib'n̈ q'uen safiro.

Dt 28:67

Til wal xiwc'ojlal 'oj jawc 'ayex, yujto til wal tas 'ay smay 'oj eyila'. A 'a yic sq'uin̈b'ial, 'oj eyal 'ixtic: Comnoc 'ay mayoc sq'uic'b'i, 'oj e chioc. Ax 'a yic 'ac'wl cha, 'oj eyal pax 'ixtic: Comnoc 'ay mayoc sacb'i, 'oj e chioc.