Job 7:21 - Chuj San Sebastian Bible

²¹ ¿Tom wal matz tac' in a'n niwnc'ojlal yuj in mul? ¿Tom matz tac' in a'n niwnc'ojlal yuj tas maysch'olnil tzin b'o'o? 'In to jab'xoj in 'atcn 'a scal pococ, 'oj in a sayq'ui, palta man̈x 'oj wilchji, xchi Job.

Chuj San Mateo Bible

²¹ ¿Tom maxtzac ac' nivanc'olal in mul? ¿Tom maxtzac ac' nivanc'olal tastac chucal ix in c'ulej? Toxo val tzin b'atcan d'a yol luum. Ol in a sayeq'ui, man̈xo ol in chax uuj, xchi vin̈aj Job chi'.

Job 7:21 ပူးပေါင်းရင်းမြစ်များ

A Ch'an̈ Schab'l Libro Samuel 24:10

'Ix lajw cha 'ix snan sb'a David to 'ix 'och smul yi'n chan̈ sb'isl eb' chon̈ab, yuj cha, 'ix yaln 'a Jehová 'ixtic: —Mamin Jehová, tzin tew wal 'ayach, to tzac' niwnc'ojlal in mul an a checb' in tic; caw maysch'olnil xwutj in b'a, 'icha junc mach may xon jac snab'en, xchi.

Job 10:14

Q'ueln ach 'och 'ayin, yic tzelni 'aj tz'och in mul, sec tztac' in a'n cuenta yuj in paltail cha.

Job 10:9

Na cot nab'an, to an tic b'ob'iln 'oj 'a lum pococ; ax ticnec ¿tom tzin a'x can 'och pococal muc'uc?

Job 13:19

Toto 'ay mach tzalni to caw 'ay in mul, wach' cab' tzin 'och wan walni, tztac' cab' in cham b'i'an.

Job 14:10

An̈ xo pax an̈ 'anman̈ tic on̈, a yic tzon̈ chami, jun 'ejmn̈ej tzon̈ chami. 'Ajm til tzon̈ c'ochcn on̈, ¿tom 'ayt 'aj tzon̈ 'ilx pax jun 'ejm xo?

Job 17:14

A yet'l chaml 'aj 'oj in c'och cha, yet' pax no a'ay, a chi 'oj walch in mamoc, in nunoc, wanb'oc.

Job 20:8

Ton̈j 'oj satchan̈ eb' 'icha junc tas tzquil 'a qui wayich, man̈x 'a mach 'oj 'ilnc eb'.

Job 27:19

A eb' maysch'olnil snab'en, 'oj 'ec' teln eb' sway 'a jun slajb' 'ac'wl yet' smasnil sricoal, ax yic 'oj 'elx swayn̈ eb', man̈x 'a xon jac tas 'ay 'a eb'.

Job 3:13

Comnoc chamnc in, to 'ixta', caw wal tzaljc'ojlal tzin wayi, caw wal tzin 'ilj 'a junc'ojlal.

Job 33:9

An tic wach' in, may xon in mul, may in paltail, toc 'ay tu tzin b'o'o.

Job 7:8

A eb' tzin 'iln 'och ticnec, man̈x b'a'n̈ 'oj in yilch eb'; wach'xam cob' 'oj in sayx 'eq'ui, palta man̈x 'oj wilchji.

Job 8:1

Xlajw cha, 'ix ta'w win Bildad 'aj Súah, 'ix yaln win 'ixtic:

Job 9:28

palta a smasnil in yailal tic, ton̈j tzin yac' somchjoc 'eli, yujto wojtac to matz in yal Dios wach'il.

Salmos 103:15

A qui q'uinlec an̈ 'anman̈ec tic, lajn wal 'icha sq'uinl te c'ultac; tzq'uib' cha'an̈, tznichni;

Salmos 37:36

palta yajn̈ej 'ix satl eb', man̈x 'a eb' 'ayq'ui. 'Ix cob' in sayc' eb' palta man̈x 'ic 'ilchj eb' wu'uj.

Ec 12:7

A yic 'oj lajwc c'och jab' qui q'uinlec tic, ax qui niwnalec 'oj meltzjoc can pax 'och poccal 'a sat lum tic, 'icha xon yaj 'a yic yaln̈taxi; ax qui pixnec, 'oj meltzjoc can pax 'a Dios, yujto a 'a'jnac 'ayn̈ec.

Is 26:19

Palta ax eb' chamnac, eb' to ec yaji, 'oj pitzwc pax eb'. A eb' 'icha ton̈j waynac, 'oj 'el swayn̈ eb' cha, ax sq'ue 'awjoc eb' 'a tzaljc'ojlal. 'Icha wal tz'aj sq'uel junc 'awb'en yuj chicb'chan̈ tz'ejm 'a yib'an̈, 'ixta wal 'oj otc a'n cot a sacq'uinlal 'a yib'n̈ eb' chamnac, yic 'oj q'uex wan eb' 'a 'aj mucan.

Is 64:9

Mamin, man̈ ye'n̈joc cab' 'ay cot owl 'a quib'n̈ on̈, comnoc man̈xtzac a na cot 'aj xlaj 'och qui mul on̈. ¡'Ilt nab'an, to a chon̈b' caj qui masnil on̈!

Dn 12:2

Til wal eb' chamnc xo 'oj pitzwc paxi. 'Ay eb' 'oj scha sq'uinl 'a jun 'ejmn̈ej. 'Ay pax jun tzo'n̈ xo eb' jun, 'oj 'atcn eb' 'a q'uixwc'ojlal 'a scal yailal 'a jun 'ejmn̈ej.

Os 14:2

Palta meltzjan̈c pax 'a Jehová, tzeyaln e b'a 'a 'ixtic: 'A'n̈ niwnc'ojlal yuj qui mul on̈ Mamin, chaj qui 'emmquilal tic on̈, yet' qui wach' paxti tzcal 'ayach.

Jn 1:29

Ax 'a junx c'u, 'ix yiln sb'a Juan to wan sc'och Jesús 'a 'a, yuj cha, xyaln 'ixtic: —'Iltec, a jun wan sjaw tic, 'icha yopiso junc quelm calnelu, 'ixta yopiso yuj Dios, yujto a tzwul 'i'nc 'el qui mulc qui masnil 'a yolyib'n̈q'uinl tic.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

1 Jn 1:9

Toto tzcalc q'uet qui mul 'a Dios, a tz'a'n lajwc can qui mulc cha, tzyi'n can pax 'el jantcn̈ej maysch'olnil 'aych 'ayn̈ec. Yujto caw tojl snab'en. Caw tz'el'ch jantcn̈ej tas tzyala.

1 Jn 3:5

Cojquec xo, yuj yi'n 'el Jesucristo qui mulec, swulc' 'a yolyib'n̈q'uinl tic. A Jesucristo cha, caw may jac smul.