Job 7:20 - Chuj San Sebastian Bible

²⁰ Ach in Diosal stan̈mal 'anma aji, toto tz'och in mul 'ayach, ¿tom tzab' syal yu'uj? ¿Tas wal yuj a 'ayn tza tojlb'tzej 'och a jul-lab'? ¿Tom 'al wajch 'aych 'icha junc 'icatz?

Chuj San Mateo Bible

²⁰ Ach Dios, Yilumal anima aji. Tato tz'och in mul, ¿tom tzab' syail yuuj? ¿Tas yuj a d'ayin tzac'och ijan a jul-lab'? ¿Tom al vajoch d'ayach icha junoc icatz?

Job 7:20 ပူးပေါင်းရင်းမြစ်များ

Nehemías 9:6

Xlajw cha, xyaln pax eb' 'ixtic: Ach tic, cojxn̈ej ach Jehová ach. Ach a b'ojnac satchan̈ to satjub'tac yilxi, yet' smasnil c'anal; ach 'ix a b'o lum lu'um yet' pax a mar yet' smasnil tas 'ay 'a 'a. Ach ton wal tzac' sq'uinl smasnil tas. Yuj wal cha, tz'och eb' ángel 'emmquilal 'ayach.

Job 10:14

Q'ueln ach 'och 'ayin, yic tzelni 'aj tz'och in mul, sec tztac' in a'n cuenta yuj in paltail cha.

Job 10:2

Ax waln 'a Dios 'ixtic: Ach in Diosal, man̈ ala' to 'ay in mul. Toto 'ay in mul cha, al 'ayin 'aj 'ix 'och in mul.

Job 10:6

¿Tas pax yuj tza nib'j wal to tza say el in mul mto in paltail?

Job 13:26

Caw wal ya tas tzal 'ayn tzwab'i, tza c'anb'n cot 'ayin, 'aj xlaj 'och in paltail 'a yic quelm in 'unin.

Job 14:16

A ticnec q'ueln ach 'och 'a in b'eyb'al, axam 'a yic jun c'ul cha, man̈x 'oj ec' am cuenta 'a in b'eyb'al.

Job 22:5

palta yel xo wal niwn a mul 'a sat, man̈x alchjb'enoc a mul cha.

Job 3:24

Tzcob' in nib'nc wa in b'a, palta ton̈j tzjaw si'snoc in c'ojl woq'ui, toxn matz 'och wan in c'acw wab'n syail.

Job 31:33

May 'aj xin c'ub'j 'el in mul 'icha tzyac' jun tzo'n̈ xo eb', may 'aj c'ultac yaj in mul wu'uj,

Job 33:27

Ax yaln 'a sat eb' 'anma 'ixtic: 'Ix 'och in mul, 'ay tas man̈ tojloc xlaj in b'o', palta ma'ix ya'ch Dios in yailal 'icha wal smoj in chani;

Job 33:9

An tic wach' in, may xon in mul, may in paltail, toc 'ay tu tzin b'o'o.

Job 35:3

Wach'xam 'ix al 'a Dios 'ixtic: ¿Tas aln eco wach'xam tz'och in mul? ¿Tom 'ay jac 'oj wic' 'a spatic yic matz 'och in mul 'ayach? xa chi.

Job 35:6

Toto tza'ch a mul, toc 'ay 'oj 'aj Dios o'oj; wach'xam caw wal niwn tzotj a sayn a muloc, toc 'ay 'oj 'ajoc.

Job 6:4

Yujto a Dios tztac' yuj smasnil, 'icha to 'ix 'och sjul-lab' 'a in niwnal. A jun sjul-lab' cha, caw 'ay svenenoal sti', yuj cha, caw wal tzyab' in niwnal syail. A Dios 'ix yoych wal tas 'ay smay 'ayin.

Salmos 21:12

A yic tza tojlb'tzan 'och a jul-lab' 'a eb', tza xib'tn can 'at eb'.

Salmos 36:6

Caw wal tojl a nab'en, lajn wal 'icha lum niwc witz, ax a b'eyc'ojlal, lajn yaj 'icha a mar caw xab' yich. Ach tza tan̈wj eb' 'anma', yet' pax no noc'.

Salmos 80:4

Mamin Jehová, qui Diosal ach on̈, tzta'n̈j oj smasnil, ¿b'a'n̈ to wal tzactj owx 'och 'ayn̈ an̈ a chon̈b' on̈ tic yic matz a chaj qui lesl on̈?

Lm 3:12

'Icha wal to stojlb'tzej 'och Dios chi sjul-lab' 'ayin, in slin̈n 'och 'a sat sjul-lab' cha, sjuln 'och 'ayn xwab'i, 'icha to xc'axw 'ec' 'a in niwnal.