Job 7:16 - Chuj San Sebastian Bible

¹⁶ Man̈xtzac techj wuj tzwab'i, nab'a xoj pitzn in. Man̈x in extoc. A 'in q'uinl tic, lajn tz'aj yec' 'icha yic tzyi'n junc mach yic'.

Chuj San Mateo Bible

¹⁶ Maxtzac techaj vuj svab'i, nab'axon̈ej pitzan in. Man̈xo in ixtej. A in q'uinal tic lajan icha yic squic'an juneloc quic'.

Job 7:16 ပူးပေါင်းရင်းမြစ်များ

Gn 27:46

Xlajw cha, xyaln 'ix Rebeca 'a Isaac 'ixtic: —Caw wal tzcus in c'ojl yuj eb' 'ix hitita, eb' 'ix yistzil ni Esaú tic. Yuj cha, toto tzyij sb'a ni Jacob yet' junc eb' 'ix hitita cajn 'a Canaán tic, yel xo am wach' tzin chami, xchi 'ix.

A Ch'an̈ B'ab'el Libro Yic Yab'ixal Eb' Rey 19:4

Xlajw cha, 'ix 'at 'a lum cusltac lu'um, jun c'u 'ix b'ey'ti, ax x'aji, 'ix c'unb'cha'an̈. Yuj cha, 'ix 'em wocn 'a yich jun te te'; ata 'ix snib'j cham sb'a. 'Ix yaln 'ixtic: Colb'l xo wal wil tic Mamin Jehová, tztac' xo wal in chami, ¿tom an yel xo wach'n 'a yib'n̈ eb' in mam wicham? xchi.

Job 10:1

Man̈xtzac in nib'j to pitzn in. 'Oj in checltoc 'el in yailal, ax in paxtin yet' in c'a'lc'ojlal.

Job 10:20

Ya' sb'a to man̈ najtoc yoc jab' in q'uinl tic, comnoc tz'el 'a a c'ojl a'n in junc'ojlal. 'Ac' wil jac tzaljc'ojlal,

Job 14:6

'Ij 'el a sat 'ayin sec tzin can 'a junc'ojlal, ya' sb'a tzlajw c'och in q'uinl 'icha junc mach tzmunlj 'a junjn c'u.

Job 6:9

Comnoc tz'el 'a sc'ojl in ya'n lajwoc sec tzin sat 'ejmi.

Job 7:15

Yel xo am wach' tzin a pitz' chamoc; wach' cab' to tzin chami.

Job 7:7

Ach in Diosal, na cot nab'an to a jab' in q'uinl tic, lajn 'icha yic tzyi'n junc mach yic' jun 'ejmoc, 'ixta yeq'ui. Man̈x b'a'n̈ 'oj wil jacx tzaljc'ojlal 'a tic.

Job 9:21

Wach'xam may in mul, palta man̈x 'a yel'ch jun chi 'ayin; man̈xtzac in nib'j to pitzn in.

Salmos 144:4

An̈ 'anman̈ tic on̈, lajn on̈ wal 'icha qui'n quic' jun 'ejmoc, 'ixta quec' on̈, ax qui q'uinl tic on̈, lajn wal yec' 'icha wewen.

Salmos 39:10

'Ijcan 'el in yailal 'ix a'chi, yujto wan in lajw 'ejm tzwab' yu'uj.

Salmos 39:13

'Ij 'el a c'a'lc'ojlal 'a wib'an̈, 'ac' jacx in tzaljc'ojlal ya' sb'a mantzac in chami.

Salmos 39:6

An̈ 'anman̈ tic, lajn yec' qui q'uinl 'icha wewen. Nab'an̈ej tzquixtj qui b'a qui molb'tzan qui ricoal, ax tz'aji, chucx mach 'oj lajnoc.

Salmos 62:9

Caw matz tac' ca'nec 'och eb' quit 'anmal yipc qui c'ojol, wach'xam meb'a eb' mto rico eb'. Lajn eb' 'icha junc tas man̈ alc xon jab'oc tz'ejm 'a yojl junc libra, wach'xam junxn̈ej tzcutjec quechtan eb' smasnil, toxn matz 'ejm xon jun libra chi yuj eb'.

Salmos 78:33

Yujn̈ej wal cha, 'ix satn 'el Dios eb', 'icha wal yic tzqui'n quic', 'ixta x'aj eb' satl 'a scal xiwc'ojlal.

Salmos 78:39

'Ix sna cot Dios, chajtlto chamlb'a 'anman̈ej eb' qui mam quichmec cha, lajn eb' yet' 'ic' tz'atcni, man̈xtzac meltzj paxi.

Ec 2:17

Ax x'aji in tzactzj cha'an̈, nab'a xoj pitzn in, yujto a smasnil tas tzin b'o 'a yolyib'n̈q'uinl tic, ton̈j tzwixtj in b'a in b'oni. Mayxon jac yel'ch smasnil, lajn wal 'icha yic tzcob' qui pechnec qui b'a yet' 'ic' yic tzcob' ca'lnoc qui yamni.

Jeremías 8:3

An Jehová in, tztac' wuj smasnil, an tzwala, to a jantc eb' 'anma 'oj canc 'a spitznal 'a jun tzo'n̈ 'anma tic, caw 'oj snib'c cham sb'a eb', 'a yib'n̈ to tzcancn eb' 'a pitznal 'a 'aj 'oj sactzic can 'at eb' 'a jun tzo'n̈ xo lugar.

Jonás 4:3

A ticnec, tzin tew 'aych Mamin Jehová, to tzej 'ec' in q'uinal. Yel xo wach' to tzin chami, yic pax to an̈j 'ijnoc pitzn in, xchi Jonás.

Jonás 4:8

Ax yic xq'uel c'u 'a junx c'u, xya'n cot Dios jun 'ic' caw ow sc'aq'uil, ata xcot 'a stojlal 'aj tzq'uel c'u. Yuj cha, caw ow xma'wj yoc c'u chi 'a sjolm Jonás cha, 'ix 'el yip yuj jun c'ac' cha, caw wal snib'j cham sb'a. —Yel xom wach' to tzin chami, yic pax to cob' pitzn in, xchi.