Job 6:9 - Chuj San Sebastian Bible

⁹ Comnoc tz'el 'a sc'ojl in ya'n lajwoc sec tzin sat 'ejmi.

Chuj San Mateo Bible

⁹ Comonoc tz'el d'a sc'ol Dios chi' in sataneli, yic tzin lajviel d'a juneln̈ej.

Job 6:9 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 19:4

Xlajw cha, 'ix 'at 'a lum cusltac lu'um, jun c'u 'ix b'ey'ti, ax x'aji, 'ix c'unb'cha'an̈. Yuj cha, 'ix 'em wocn 'a yich jun te te'; ata 'ix snib'j cham sb'a. 'Ix yaln 'ixtic: Colb'l xo wal wil tic Mamin Jehová, tztac' xo wal in chami, ¿tom an yel xo wach'n 'a yib'n̈ eb' in mam wicham? xchi.

Job 10:1

Man̈xtzac in nib'j to pitzn in. 'Oj in checltoc 'el in yailal, ax in paxtin yet' in c'a'lc'ojlal.

Job 11:20

Palta ax eb' maysch'olnil snab'en, 'oj cob' sayc' eb' mach 'oj colwjoc 'a 'a, palta caw nab'a xoj. Man̈x 'oj 'ilchjoc 'aj wach' scoln sb'a eb', axn̈ej schamlil eb' 'aj 'oj ya'ch snab'en, xchi win Zofar.

Job 14:13

Comnoc wal tzin a c'ub'j 'el yet' chaml muc'uc, sec tz'ec' yowl a c'ojl tic 'a wib'an̈, ax a nani b'a'n̈ tzin a na paxta.

Job 19:21

Ex in wach'c'ojol, 'o'ch cab' e c'ojl 'ayin, yujto a Dios 'ix 'a'n 'och in yailal.

Job 6:8

Comnoc wal tz'el 'a sc'ojl Dios ya'n tas tzin c'an 'a 'a; comnoc tzyac' tas 'icha tzin nib'ej.

Job 9:21

Wach'xam may in mul, palta man̈x 'a yel'ch jun chi 'ayin; man̈xtzac in nib'j to pitzn in.

Salmos 32:4

Ach in Diosal, sc'ual, yac'wlil scot yowl a c'ojl 'a wib'an̈. 'Icha wal tz'aj stacj te nichte yuj cuaresma, 'ixta 'in 'aji.

Is 38:12

Yujto a 'in q'uinal 'ijn 'ix sat 'ejm 'icha tz'aj sma'x 'ejm junc mantiado 'a yet'l yuj junc 'ilm calnelu, tzyi'n 'ati. 'Icha wal tz'aj slot'x 'elt junc nip 'a 'aj tzjalxi, 'ixta x'aj in q'uinl tic xwab'i, xin chi. Mamin, sc'ual yac'wlil wab'n syal o'oj.

Jonás 4:3

A ticnec, tzin tew 'aych Mamin Jehová, to tzej 'ec' in q'uinal. Yel xo wach' to tzin chami, yic pax to an̈j 'ijnoc pitzn in, xchi Jonás.

Jonás 4:8

Ax yic xq'uel c'u 'a junx c'u, xya'n cot Dios jun 'ic' caw ow sc'aq'uil, ata xcot 'a stojlal 'aj tzq'uel c'u. Yuj cha, caw ow xma'wj yoc c'u chi 'a sjolm Jonás cha, 'ix 'el yip yuj jun c'ac' cha, caw wal snib'j cham sb'a. —Yel xom wach' to tzin chami, yic pax to cob' pitzn in, xchi.

Apoc 9:6

A wal 'a jun tiempoal cha, 'oj cob' sayc' eb' 'anma tas tz'aj schami, palta toxn man̈x 'oj chax yuj eb'. Wach'xam caw 'oj snib'c cham sb'a eb', palta man̈x 'oj stac' scham eb'.