Job 42:6 - Chuj San Sebastian Bible

⁶ Yuj cha, tznachj 'el wu'uj to may jac wel'chi, yel xo wach' tzin 'emwocn 'a sat lu'um, mto 'a scal stan̈il c'ac' yic tzin nan in b'a yuj tas xwala, xchi Job.

Chuj San Mateo Bible

⁶ Yuj chi' snachajel vuuj to malaj jab'oc velc'ochi, vach' tzin emxon̈ej c'ojan d'a cal pococ tic yed' d'a scal q'uen tic'aq'uil taan̈ tic yic tzin naan in b'a, xchi vin̈aj Job chi'.

Job 42:6 ပူးပေါင်းရင်းမြစ်များ

Gn 18:27

'Ix yaln pax Abraham 'ixtic: —'Ac' niwnc'ojlal 'ayin, to tzin paxtin to jacx et'oc, ach tic Yajl ach, an tic 'anmann̈ej, may jac wel'chi.

A Ch'an̈ B'ab'el Libro Yic Yab'ixal Eb' Rey 21:27

A yic xlajw yab'n win Acab jun tzo'n̈ paxti cha, 'ix stziln jat spichul, ax jun tzo'n̈ pichl n̈achtac sat, a 'ix ya'chi, 'ix ya'n 'och sb'a 'a c'ajb'c'ojlal. 'Ix way win yet' jun tzo'n̈ pichl yic najb'al cha, caw wal tzcus winac yic tz'eq'ui.

Esdras 9:6

Xwaln 'a 'ixtic: Ach in Diosal, caw wal tzin q'uixw wi'n chan̈ in sat 'ayach, man̈xtzac nachj wu'uj tas tzwutj waln in b'a 'ayach. Yujto x'ec' 'a yib'n̈ yoch qui mul on̈, 'ix q'ue'ch wal qui mul 'a satchan̈ on̈.

Job 2:8

Yuj cha, 'ix 'at win Job, ax 'a 'aj b'uln 'ec' nan̈l q'uen stan̈il c'ac', ata x'at 'em wocn 'a yib'n̈ jun tan̈ cha, xyi'n cot jab' sc'axpil chen, sn̈ichb'tan̈n 'ec' 'a sniwnal cha.

Job 30:19

In sjuln 'ejm 'a scal b'iq'uich, 'icha xoj wal pococ mto 'icha q'uen stan̈il c'ac', 'ixta xoj wilx 'a sat.

Job 42:5

A 'a yic yaln̈taxi ton̈j tzwab' alxi, palta ax ticnec, caw wal tzach wilch yet' in sat.

Job 42:7

A yic xlajw yaln Jehová jun tzo'n̈ tic 'a Job, 'ix yaln pax 'ixtc 'a win Elifaz: Caw wal tzin owx 'och 'ayach, yet' 'a eb' chawn̈ ajun et' tic, yujto man̈ wach'c tas xeyal 'a in patc 'icha 'ix yutj sb'a win in checb' Job tic.

Job 9:31

palta a Dios 'icha to tzin ste'cn 'ejm 'a scal junc yaxlu'um, ax in pichul 'icha to tzq'uixw wu'uj.

Salmos 51:17

A jun xajmb'al tza nib'j ach in Diosal, atn yic tzqui nan qui b'a yuj qui mul. Caw matz on̈ a patquilj can 'el an̈ tzquij 'ejm qui b'a 'a yic tzqui nan qui b'a cha.

Is 5:5

Ax ticnec, 'oj wal 'ayex tas 'oj wutc jun munljel tic: 'Oj wi'l scol-lal, sec 'oj lajwc can pax 'ejmi. 'Oj jacx can 'el scol-lal cha, sec 'oj te'xoc can 'ejm yuj no noc'.

Is 58:5

A jun tzeyal c'ajb'c'ojlal cha, to tzeya'ch e b'a 'a cusc'ojlal, tz'em pacn e jaj 'icha eb' te 'aj, tzlaj ex 'ec' c'otn yet' e n̈achtac pichl 'a yib'n̈ stan̈il c'ac'. Atn jun chi tzeyal cob' c'ajb'c'ojlal, tzeyaln paxi to chab'il ex wuj yet' jun e nab'en cha.

Jeremías 31:19

'Ix quij 'el qui b'a 'ayach, palta xqui na qui b'a ticnec. A yic xcojcan 'eli, to caw may qui ch'olnil on̈, chijn on̈ 'ejmi, tzon̈ 'ec' yuj q'uixwc'ojlal. 'Emmquilal xoj tzcutj qui b'a yuj jantc qui mul x'och 'a yictax quelm on̈t on̈, xchi eb' 'aj chon̈b' Efraín 'ayin.

Ez 16:63

'Oj wac' niwnc'ojlal 'a yuj tas sb'o cha, palta 'oj sna coti, man̈x 'a wal b'a'n̈ 'oj sb'an̈ sb'a, to an tzwala, xchi Dios, xa chi 'a yib'n̈ Jerusalén, xchi 'ayin.

Ez 20:43

Axta 'oj e na coti, to caw maysch'olnil e b'eyb'al, 'oj eyojcoc 'eli to 'ix 'och e mul. 'Oj syaj sb'a e c'ojl yuj tas xe b'o cha.

Ez 36:31

A yic 'oj e nanc cot e tu b'eyb'al cha, mto e mul, ax eyiln cot e b'a, to maysch'olnil tas e b'ojnac, ax eyecn q'uixwc e b'a yuj tas maysch'olnil tze b'o cha.

Ez 6:9

Ax eb' ma'oj cham cha, 'oj in sna cot eb' 'a jun tzo'n̈ nacion̈ 'aj 'ayc' cha, 'oj sna cot eb' tas in yutj eb' yic xwab'n syal yuj eb', yujto 'ix yij 'el sb'a eb' 'a in tz'ey, ax 'a jun tzo'n̈ yechl comn dios 'aj xlaj yac' 'ejm sb'a eb'. 'Oj laj yec q'uixwc sb'a eb' yuj smasnil tas yajb'entac xlaj sb'o'.

Dn 9:3

Yuj cha, in leslwi, in tew 'a Jehová Dios. In 'och 'a c'ajb'c'ojlal, xwa'n 'och te pichl n̈achtac sat. In 'em wocn pax 'a scal q'uen stan̈il c'ac'.

Lv 13:12

Palta toto tox xtacj sat jun yab'il cha, tox 'ix b'ut'j 'el smasnil sniwnal yu'uj, a tzyal tas tzyutj win ya'mal 'och sti eb' 'anma chi yiln 'ochi, tztac' xo yaln winac to man̈x 'a smay, tztac' yoch 'a scal yit 'anma'il.

Mt 11:21

—A wal ex 'aj Corazín, caw 'oltac ex. Yet' ex 'aj Betsaida, caw 'oltacx paxi. Octom a 'a Tiro yet' 'a Sidón b'ob'il jun tzo'n̈ milagro 'icha xb'o 'a e cal. Toto 'ixta', pectix snajnac sb'a eb'. Tox 'ix ya'ch eb' jun tzo'n̈ pichl n̈achtac. Tox am 'ix yac' q'ue eb' stan̈l c'ac' 'a sjolom, sec tzcheclji, to caw tzcus eb' yuj smul.

Lc 10:13

A wal ex 'aj Corazín, caw 'oltac ex, yet' ex 'aj Betsaida, caw 'oltacx paxi. Octom a 'a Tiro yet' 'a Sidón b'ob'il jun tzo'n̈ milagro 'icha xb'o 'a e cal. Toto 'ixta', pectix am snajnac sb'a eb' 'anma cha. Tox am xya'ch eb' jun tzo'n̈ pichl n̈achtac, yet' stan̈l c'ac' tzyac' q'ue eb' 'a sjolom, sec tzcheclji, to caw tzcus eb' yuj smul.

Josué 7:6

Yuj cha, 'ix stziln 'el Josué spichl yet' eb' yichm wincal chon̈ab', xlaj sjopn q'ue eb' pococ 'a sjolom yic tzch'oxn 'el eb' scusc'ojlal cha. Xlajw cha, 'ix 'em cumn eb' 'a yojltac 'elt scaxail strato Jehová masnto x'emch quiln sat eb' 'a lu'um, 'ixtan̈ej yaj eb' masnto 'ix 'em c'u.