Job 42:2 - Chuj San Sebastian Bible

² Wojc wal si'mb'il to smasnil tas tztac' o'oj; a tas tza nib'j a b'o', tza b'on̈ej.

Chuj San Mateo Bible

² Vojtac to masanil syal uuj, a tas tza nib'ej, tza b'on̈ej.

Job 42:2 ပူးပေါင်းရင်းမြစ်များ

Gn 18:14

¿Tecn 'ay tas matz tac' wuj am e nani? Yab'n 'ixtc junab', 'oj in jaw jun 'ejm xo wul ach wila'. 'Oj 'aljoc jun swinc 'unn 'ix Sara tic, xchi 'a Abraham cha.

Job 23:13

Toto 'ay tas tznib'j Dios tzb'o'o, toc 'ay mach tztac' stenn 'och wa'an, tzb'on̈j 'icha tas tzna cha.

Job 25:2

A Dios caw wal 'ay spoder; smoj tzon̈ xiwc 'a 'a; a tz'a'n 'ejm junc'ojlal 'a scal eb' 'ay 'a satcha'an̈.

Job 42:1

Yuj cha, xta'w Job, xyaln 'ixtc 'a Dios:

Salmos 135:6

Smasnil tas tznib'j sb'o 'a satcha'an̈, 'a sat lum tic, 'a yol a mar yet' 'a xab'l yich a', tzb'on̈j yu'uj.

Salmos 139:2

Ojc wali tas tz'el in b'oni, ojc paxi tas wanto in nani.

Salmos 44:21

toto 'ixta', ¿toc am ma'on̈ el coti? ¿toc 'ay junc tas c'ultac yaj to man̈ ojcoc?

Pr 19:21

Til wal tas tz'el snan 'anma', palta cojn tas tzchaj sc'ojl Jehová, a chi tzb'o'i.

Ec 3:14

'Ix wojcan 'eli, to a smasnil tas b'ob'il yuj Dios, 'ayc'n̈ej 'a smasnil tiempo. May tas tztac' ca'nec 'och stz'acub', matz tac' pax qui'nec 'el jab'oc. A Dios 'ixta x'utni, sec wach' tzon̈ 'ochc 'emmquilal 'a 'a.

Is 14:27

Toto tox sna Jehová jun tzo'n̈ tic, ¿mach wal junc 'oj stac' stenn 'eq'ui? Toto wach'x yaj yu'uj, ¿mach wal junc 'oj stac' sjelni?

Is 43:13

A 'a yictax pecti', Dios in xoni. May junc mach tztac' scoln 'el sb'a 'a yol in c'ab', may junc mach tztac' sjun 'el tas tzin b'o'o, xchi Dios.

Is 46:10

A 'a yictax pecti', waln cani tas 'oj ujc 'a slajb' c'ual. Waln cani to 'oj ujc tas nab'il wu'uj, 'oj in b'o smasnil tas tzin nib'ej.

Jeremías 17:10

An Jehová in, an tzin b'eyc'ojlej snab'en eb' 'anma'. Wojtac tas 'ayc' 'a snab'en junjn mach. An tzwac' spac yic jun jun, 'icha tas smoj schani, a tzyala tas tz'el sb'oni, xchi Dios.

Jeremías 32:17

Mamin Jehová, yet' wal a niwn poder yet' pax a jelnal 'ix a b'on satcha'an̈, yet' lum lum tic. Caw may tas 'ajltac sb'o 'ayach.

Ez 38:10

An Jehová in, an tzwal 'ixtic: Caw tu tas 'oj a nib'c a b'o 'a jun tiempoal cha.

Dn 4:32

'Oj a pechx 'el 'a scal eb' 'anma', ax yet' no calte'al noc' 'oj a c'och cajan. Uque ab'il 'oj a lo te c'ultc 'icha e no wacax, masnto 'oj nachjoc 'el o'oj, to a jun Dios yel xo niwn yel'chi, a tz'a'n yajlil 'a yib'n̈ smasnil 'anma', yet' 'a yib'n̈ smasnil nacion̈ 'ay 'a sat lum lum tic. A tz'a'n 'och eb' yajl tznib'j ya'ch yajlil, xchi jun paxti cha.

Dn 4:35

Qui masnil an̈ cajn on̈c 'a sat lum lum tic, caw may jac quel'chec 'a sat. Tzb'o tas tznib'j sb'o 'a scal eb' 'ayc' 'a satcha'an̈, yet' 'a qui cal an̈ cajn on̈c 'a sat lum tic. May junc mach tztac' stenn 'och wa'an, yic tzyaln 'a 'ixtic: ¿Tas yuj 'ixta tza b'o'o? man̈ xchic 'a 'a.

Mt 19:26

Yuj cha, 'ix 'och q'ueln Jesús 'a eb', 'ix yaln 'ixtic: —A jun tic may junc 'anma tztac' yu'uj. Palta cojn Dios tztac' yu'uj, yujto tzta'n̈j yuj smasnil, xchi 'a eb'.

Mr 10:27

Yuj cha, x'och q'ueln Jesús 'a eb', 'ix yaln 'ixtic: —A jun tic, may junc 'anma tztac' yu'uj, palta a Dios tztac' yu'uj, yujto smasnil tas tzta'n̈j yu'uj, xchi.

Mr 14:36

'Ix yaln 'ixtic: Mamin, smasnil tas tztac' o'oj. 'Ij 'ec' jun yailal tic 'a wib'an̈. Palta man̈ 'ichaoc tzin nib'j an tic, 'icha cab' tza nib'ej, xchi.

Lc 18:27

—A jun tzo'n̈ tas matz tac' yuj 'anma', ax Dios tzta'n̈j yu'uj, xchi Jesús 'a eb'.

Jn 21:17

'Ix yaln pax 'ixtc 'a yoxlal: —Simón, ach yunnal Juan, ¿tzam in a chamc'ojlej? xchi 'a 'a. Yuj cha, caw 'ix cus chan̈ Pedro cha, yujto yoxlal sc'anb'n Jesús 'a 'a, toto tzchamc'ojlej. Yuj cha, 'ix yaln pax 'a 'ixtic: —Mamin, ojc xon smasnil to chamc'ojlb'ilchn̈ej wu'uj, xchi 'a 'a. —Toto 'ixta', 'icha junc 'ilm calnelu, 'ixta tzotj a jucb'tzan eb' wic xo.

Ef 1:11

Yictax pecti', sic'b'iln̈ec xon 'el yuj Dios, yic 'oj qui chac quic 'oj yac' 'ayn̈ junjn on̈, yujto junxn̈ej cajc yet' Cristo. 'Oj 'el'choc jun tic 'icha tznib'j Dios, yujto a tzb'on smasnil tas 'icha tznib'ej.