Job 42:12 - Chuj San Sebastian Bible

¹² 'Ix ya'n pax Dios niwtjoc tas 'ay 'a Job, 'ec'b'al 'ix yutj ya'n pax 'icha xon tas 'ay 'a win 'a yic yalan̈. Yujto 'ix q'uexc'och sb'isl scalnelu win 'a chan̈lajn̈e mil, waque mil scameyo, jun mil mojn̈ smam swacax, jun mil no 'axna.

Chuj San Mateo Bible

¹² Ix yac' jantac svach'c'olal Dios d'a yib'an̈ vin̈aj Job chi', ec'b'alto nivan d'a yichan̈ tas ay d'a vin̈ d'a yalan̈tax chi'. Ix q'uec'och sb'isul noc' scalnel vin̈ d'a 14 mil, 6 mil noc' camello, mil par noc' vacax smunlaji yed' mil noc' b'uru.

Job 42:12 ပူးပေါင်းရင်းမြစ်များ

Gn 24:35

'Ix sch'ox Jehová swach'c'ojlal 'a yib'n̈ win in patron̈ cha, caw wal rico win si'mb'il. 'Ay scalnelu, 'ay swacax, 'ay scameyo, 'ay sb'uru, caw 'ay q'uen oro yet' plata 'a 'a, 'ay pax ewin schecab', yet' eb' 'ix schecab'.

Gn 32:14

Chab' ciente no nun chiwo, junc'l pax no smam, chab' ciente no nun calnelu, junc'l pax no smam.

Job 1:10

yujto may junc mach tza chaj 'i'noc 'ec' junc tas 'a winac, atn tas 'ay 'a yol yatut yet' smasnil tas 'ay 'a 'a. Ach tzac' a wach'c'ojlal 'a yib'n̈ smasnil tas tzlaj sb'o', tza'n pax niwtjoc scajb'en noc' win 'a yolyib'n̈q'uinal.

Job 1:2

'Ay ucwn̈ yunnal yet' 'oxwn̈ yisil; uque mil scalnelu, 'oxe mil scameyo, o'e ciente mojn̈ swacax, o'e ciente sb'uru, til wal eb' smoso tz'a'n servil. Cojn win caw rico 'a yib'n̈ smasnil eb' 'anma 'a lum lum 'ay 'a stojlal 'aj tzq'uel c'u.

Job 8:7

Wach'xam 'ay tas 'aych xon 'a yic yalan̈, palta a tas 'oj 'ajxoc pax 'ayach, man̈x lajnoc yet'oc, yel xo wal niwn tas 'oj a cha'.

Salmos 107:38

Tzya'n Dios chi syaxilal 'a yib'n̈ eb' sec tzniwtj sb'isl eb', a tz'a'n pax niwtjoc sb'isl scajb'en noc' eb'.

Pr 10:22

Yuj swach'c'ojlal Jehová tz'och junc mach ricoal, man̈ yujoc to caw wal tzyixtj sb'a smunlji.

Ec 7:8

Wach'xam a yic tz'el yich junc tas janc'n̈ej tzaljc'ojlal, palta ax yic tzb'o 'el'chi, yel xo niwn tzaljc'ojlal 'a jun c'u cha. Toto 'emmquilal tzcutjec qui b'a, yel xo wach' quiquec 'a yib'n̈ pax to cob' tzquijec chan̈ qui b'a.

Ez 36:11

An 'oj ex wac' niwtjoc yet' e cajb'en noc', til wal 'oj 'aj sb'isl 'anma'. Caw niwn 'anma 'oj cajnc junjn chon̈b' cha, yel xo wach' 'oj eyaj 'a 'icha 'a yictax yalan̈. Ax in eyojcan 'eli to an Jehová in.

Dt 8:16

'Ix qui wan maná 'a lum cusltac lum cha. A jun cha, man̈ 'ojcab'ilc yuj eb' qui mam quichmec. 'Ixta 'on̈ yutjec on̈ ya'lni prowal, sec wach' tzex 'el'ch b'aq'uin̈.

1 Ti 6:17

Ax eb' creyente rico yuj tastc 'ay 'a yolyib'n̈q'uinl tic, tzal jun tzo'n̈ checnb'il tic 'a eb'. Tzcham wal aln 'a eb', to matz tac' sb'an̈n sb'a eb'. Matz tac' ya'n 'och eb' sricoal yipc sc'ojol, yujto may jac syal tz'aj slajw pax 'eq'ui. Tzaln pax 'a eb', to cojxn Dios pitzan, a tzya'ch eb' yipc sc'ojol. Yujto a tz'a'n smasnil tas 'ayon̈, sec tzon̈ tzalj yet' jun tzo'n̈ cha.

Santiago 5:11

Cojtac, a eb' ya'jnac techjoc, caw tzaljc'ojlal yaj eb' ticnec. 'Ay 'aj xeyab' yab'xil win Job. Caw te'n yutjnac sb'a yab'n syailal. Eyojtac, chajtl yutjnac pax Cajlil win 'a slajub'. Yujto a Cajlilec, caw tz'o'ch sc'ojl 'ayn̈ec. Caw tz'och pitz'n cusc'ojlal 'a cujec.