Job 40:11 - Chuj San Sebastian Bible

¹¹ Tzcham wal eln 'och eb' b'an̈quintac yeq'ui; 'ac' owl yet' eb', masnto tz'em eb' o'oj.

Chuj San Mateo Bible

¹¹ Scham val ilan eb' syic'chaan̈ sb'a, ac' oval yed' eb', emnaquil tzutejcan eb' tato syal uuj.

Job 40:11 ပူးပေါင်းရင်းမြစ်များ

Job 20:23

A yic wan ya'n cob' eb' sgana sc'uxn tas 'ay 'a 'a, yic wan laj swa eb', ax sjacn cot Dios yowl sc'ojl 'a yib'n̈ eb'.

Job 21:30

A yic tzcot yowl sc'ojl Dios, yajn̈ej tzya'n cot yailal, ax eb' maysch'olnil sb'eyb'al, toc 'ay tz'i'n eb'.

Job 27:22

'Oj 'ijxocn̈ej 'at eb' wach'xam tzat cob' ya'lc eb' s'at 'eloc, palta man̈x 'a niwnc'ojlal 'a eb'.

Job 4:9

'Icha tz'aj satl tas yuj chacxuxm'ic', 'ixta tzyutj Dios satn 'el eb' tzb'on maysch'olnil chi yuj yowl sc'ojol.

Job 9:5

Yuj yowl sc'ojl Dios, tzya'n tzicb'tan̈x eb' lum niwc witz, tzlaj 'el c'acp yu'uj, palta may junc mach tztac' yojcan 'eli tas yuj 'ixta tz'aji.

Salmos 144:6

Jul cot a jul-lab', atn raya, sec 'oj somchjoc eb' 'ajc'ojl yajch 'ayach, ax s'at eb' 'eloc.

Salmos 94:2

Juez ach 'a yolyib'n̈q'uinl tic, ch'oxl a b'a 'a eb' tzyij chan̈ sb'a, tza'n spac yic eb'.

Ex 15:6

Mamin Jehová, caw wal 'ay a poder, 'ix a satl eb' 'ajc'ojl cha.

Ex 18:11

A ticnec, caw wal xwojquej 'eli to a Jehová, yel xo wal 'ec'b'al 'a yib'n̈ jun tzo'n̈ tzalx 'och diosal, yujto ex colx 'elt 'a yol sc'ab' eb' 'aj Egipto yu'uj, wach'xam niwquil cob' xyutj sb'a eb' 'a yojltac Jehová, xchi Jetro cha.

Is 2:17

A eb' b'an̈quintac yet' eb' tzyij chan̈ sb'a, 'oj lajwc 'ejm eb' smasnil. A sb'an̈quinal eb' cha, 'oj 'ijxoc can 'ejmi. Cojxn Jehová 'oj 'ijxc chan̈ sb'i 'a jun c'u cha,

Is 22:19

An 'oj ach wi'l 'a opiso 'aj 'aych 'ochi, ax ach in juln can 'el 'aj 'aych 'ec' tic.

Is 23:9

A Jehová tztac' yuj smasnil, a 'ix nani, yic tz'ijx 'ejm smasnil eb' tzb'an̈ sb'a, eb' jeln tzyutj sb'a 'a sat lum tic.

Is 25:11

'Icha to 'oj cob' sjen̈l Moab chi sc'ab', 'icha tz'ajl jen̈n sc'ab' junc mach tznoxwi, wach'xam 'oj cob' to yac' wal yip, palta 'oj sat 'ejm sb'an̈jb'al chi yuj Dios.

Is 26:5

A tz'i'n 'ejm eb' b'an̈quintac, tzyi'n pax 'ejm eb' chon̈b' to caw tenmtac tzyutj sb'a. A tzsatn can 'el eb',

Is 42:25

Yuj wal cha, 'ix cot yowl Dios, xya'n 'och yailal 'a yib'n̈ eb', 'ix jaw wal jun niwquil owl 'a yib'n̈ eb', 'icha wal sn̈ilchj te c'ac', 'ixta 'ix 'aj sjawi; palta man̈ yujoc cha 'ix sna sb'a sc'ojl eb'.

Jeremías 48:29

Wojc wal sb'an̈jb'al eb' 'aj Moab. Caw ch'an eb', niwc winc tzyutj sb'a eb'. Yel xo tzyij chan̈ sb'a eb'.

Ez 28:2

Ach 'anma', al jun tzo'n̈ tic yab' win sreyl Tiro: To an Jehová Yajl in, an tzwal 'ixtic: Caw wal tzcob' a b'an̈ a b'a yet' a nab'en, tzaln 'ixtic: An tic dios in, 'ay wopiso 'a yib'n̈ a mar tic, an tzwac' yajlil 'a eb' chon̈b' tic 'icha junc dios, xcob' a chioc. Palta 'anma achn̈ej, man̈ ach diosoc, wach'xam tzcob' a na'a to jeln ach 'a yib'n̈ junc dios, palta may tas tztac' o'oj.

Dn 4:24

A tzyal 'el'ch jun tic mamin rey, a jun Dios yel xo niwn yel'chi, a 'ix aln jun tic 'a eb'an̈.

Dn 4:37

A ticnec jun, an Nabucodonosor in tic, tzwij chan̈ sb'i jun sReyl satcha'an̈, tzwaln pax wach' paxti 'a 'a. Yujto caw wach'n̈j tas tzb'o'o, caw tojln̈ej smasnil, a tz'i'n 'ejm eb' cob' tzyij chan̈ sb'a 'a yol yico', xchi win rey cha.

Nahúm 1:6

May junc mach tztac' ste'wtzan sb'a 'a yowl sc'ojl Dios. May mach tztac' stenn 'och wa'an. A yowl sc'ojl cha, caw lajn sn̈ilchj 'icha te c'ac', tzpoj q'uen niwc tenm 'a yojltac.

Nahúm 1:8

A pax eb' tu tzyutj sb'a 'a 'a, caw tzlajw 'el eb' yu'uj, tz'ijx 'at eb' 'icha tz'aj yijx 'at junc tas yuj a 'elmal a'. 'Oj ya'cn 'at q'uic'q'uinl 'a yib'n̈ eb' 'ajc'ojl cha.

Malaquías 4:1

A Jehová tztac' yuj smasnil, a tzaln 'ixtic: Wan sjaw jun c'u yic 'oj wa'nc yowl in c'ojol, yic 'oj wa'nc satxoc 'el smasnil eb' b'uchwjum, yet' eb' tzb'on maysch'olnil, man̈x 'a junc eb' 'oj canoc. 'Icha wal tz'aj stz'a 'ejm te 'ac 'a yol junc jorna, 'ixta wal 'oj 'aj eb'.

Lc 18:14

An tzwal 'ayex, a win tecm 'el tumn cha, yic mantzac pax win 'a yatut, yajn̈j cha, xyaln Dios to wach' win 'a sat. Palta ax win fariseo cha, ma'ix yal Dios to wach' win 'a sat. Yujto a eb' tzyij chan̈ sb'a, man̈x 'a jac yel'ch 'oj 'aj eb'. Ax eb' tzyij 'ejm sb'a, caw niwn yel'ch 'oj 'aj eb', xchi Jesús.

Dt 32:22

A wal yowl in c'ojol, 'ix n̈ilchjchan̈ 'icha junc c'ac' tz'at 'a yol lu'um. Smasnil tas 'ay 'a sat lum lum tic, tz'a smasnil yet' lu'um, caw wal tzxexni yilx sn̈ilchj c'ac' 'a yich lum niwc witz.

Santiago 4:6

Yuj cha, yel xo niwn swach'c'ojlal tzyac' 'ayn̈ec. A Ch'an̈ U'un̈ tzaln pax 'ixtic: A Dios tzchac sb'a yet' eb' b'an̈quintac yeq'ui. Palta ax 'a eb' 'emmquilal yeq'ui, tzyac' swach'c'ojlal 'a eb', xchi.