Job 4:19 - Chuj San Sebastian Bible

^19-20 Ocxom wal eb' 'anma', caw wal may ste'nal eb'. Lajn eb' 'icha junc xamit n̈a b'ob'il q'ue 'a yib'n̈ poc. Wach' yic tzq'uin̈lb'i, ax 'a yic yemc'ual juwnc xo paxi. Lajn pax eb' 'icha no 'ij tzte'x can 'ejm 'a sat lum, jun 'ejmn̈ej tzcham muc'uc, toc 'ay mach tzcus yu'uj.

Chuj San Mateo Bible

¹⁹ Ocxom val eb' anima. Jab'n̈ej sq'uinal eb', lajan eb' icha junoc xan pat b'ob'il d'a yib'an̈ lum pococ, c'un yem lan̈najoc. Syal stec'chajem eb' icha noc' ij.

Job 4:19 ပူးပေါင်းရင်းမြစ်များ

Gn 18:27

'Ix yaln pax Abraham 'ixtic: —'Ac' niwnc'ojlal 'ayin, to tzin paxtin to jacx et'oc, ach tic Yajl ach, an tic 'anmann̈ej, may jac wel'chi.

Gn 2:7

'Ix sb'on Dios jun 'anma'. A yet' spoccal lum lum 'ix b'o'i. 'Ix yutz'n 'och Dios yic' 'a sn̈i', 'ixta wal x'aj yel yich spitzw 'el 'anma'.

Gn 3:19

'Oj 'el yalil snan̈l a sat, ax yilchj tas 'oj a c'uxu', masnto 'oj a meltzj 'a lum lum tic jun 'ejm xo, yujto a 'a lum ach coti, yuj cha, 'oj a meltzj can pax 'och lumal jun 'ejm xo, xchi Dios.

Job 10:9

Na cot nab'an, to an tic b'ob'iln 'oj 'a lum pococ; ax ticnec ¿tom tzin a'x can 'och pococal muc'uc?

Job 13:12

A jun tzo'n̈ cuynb'il yic eb' qui mam quicham 'in a tze c'anlb'ej, a jun tzo'n̈ cha may yopiso, lajn 'icha q'uen stan̈il c'ac'; lajn pax 'icha to lum tzca'ch smuroalc qui chon̈ab'.

Job 13:28

A 'in niwnal tic, wan sjuw 'icha junc pichl 'ayx 'och yijal; mto 'icha junc tas wan xo sc'a'i.

Job 14:2

Lajn on̈ 'icha junc nichte wanto cob' spojli, ax tz'aji, tztacj pax 'el muc'uc; 'ixta yec' qui q'uinl on̈, lajn pax tz'aj yec' 'icha junc wewen.

Job 22:16

A eb' cha, seb' chamnc eb' mu'c 'icha tzyac' junc mach tz'ijx 'at yuj a 'elmal a'.

Job 25:6

ocxom wal an̈ 'anman̈ec tic 'a sat Dios, lajn on̈c am 'icha junc no a'ay, xchi Bildad.

Job 33:6

Lajn on̈ qui chawn̈il 'a sat Dios, yujto a pax 'a lum lum cotn̈c in.

Salmos 146:4

yujto a yic tzcham eb', tz'ochx can eb' poccal. A 'a jun c'u cha, ata tzlajw can pax smasnil tas tznib'j eb' sb'o'.

Salmos 39:11

Ach tzon̈ a cuy on̈, tza'n 'och qui yailal yuj qui mul on̈, 'icha to 'ijctac xo tzotjcan tas yel xo tzqui chamc'ojlej on̈. Qui masnil on̈, caw may yel'ch yec' qui q'uinal, lajn 'icha qui'n quic' jun 'ejmoc.

Ec 12:7

A yic 'oj lajwc c'och jab' qui q'uinlec tic, ax qui niwnalec 'oj meltzjoc can pax 'och poccal 'a sat lum tic, 'icha xon yaj 'a yic yaln̈taxi; ax qui pixnec, 'oj meltzjoc can pax 'a Dios, yujto a 'a'jnac 'ayn̈ec.

2 Co 4:7

'Ay ton jun caw wach' tic 'ayn̈ on̈, palta an̈ tic on̈, lajn on̈ 'icha junc lum chen on̈, yujto may jac quel'ch on̈. Yuj cha, tzcheclj 'eli, to a jun niwquil poder tic, man̈ quico'oc on̈, cojn Dios 'ay yico'.

2 Co 5:1

A qui niwnalec tic, lajn 'icha junc pat yajn̈ej tzlan̈chji. Palta cojquec, a yic 'oj lajwc 'ec' jun qui niwnalec tic, 'ay junx 'oj yac' Dios 'ayn̈ec 'a satcha'an̈. A jun cha, may b'a'n̈ 'oj lajwoc. Lajn 'icha junc n̈a caw wach' tz'aj sb'o'i, yujto man̈oc junc 'anma b'ojnac.

A Sb'ab'el Carta San Pedro 1:24

'Icha tzyal 'a Ch'an̈ U'un̈: A sq'uinl eb' 'anma smasnil, lajn 'icha te c'ultc c'un stacji. Caw yajn̈ej tzlajw 'ejm swach'l yilx eb', 'icha tz'aj slajw 'ejm swach'l yilx te nich te 'ay 'a lum 'a'lic. A te c'ultac, caw yajn̈ej tztacj can 'el te', ax snich te', tzlaj puccn 'eli.